Grossmann-მა მესამე ფილიალი გახსნა
სამშენებლო, სარემონტო და საყოფაცხოვრებო პროდუქტების მაღაზია ქსელი Grossmann • გროსსმანნ-ი გაფართოვდა და ბაზარზე უკვე სამი ფილიალითაა წარმოდგენილი. როგორც Business Insider Georgia-სთან Grossmann-ის დამფუძნებელმა ვახტანგ კაჭარავამ განაცხადა, რიგით მესამე ფილიალის გახსნა რამდენიმე დღის წინ შედგა და ის თბილისში, დემეტრე თავდადებულის #32 მდებარეობს.
Grossmann-ის ორი ფილიალიც ასევე თბილისშია: ლეო კვაჭაძის #19 და აკაკი ბაქრაძის #7.
Grossmann-ის დამფუძნებლის თქმით, გეგმაშია წლის ბოლომდე კიდევ ახალი ფილიალის დამატება და გაფართოება, თუმცა ჯერ მენეჯმენტი მიმდინარე სამშენებლო სეზონს დააკვირდება და ამის შემდეგ მიიღებს საბოლოო გადაწყვეტილებას.
„გვინდა, რომ ფილიალები დავამატოთ, თუმცა ჯერ უნდა შევხედოთ როგორ წარიმართება სეზონი და რამდენად კარგი დატვირთულობა გვექნება. ამ მიხედვით მივიღებთ გადაწყვეტილებას. რაც შეეხება ასორტიმენტს, მისი ზრდა ყოველდღიურად ხდება, თუმცა რომ გითხრათ პროდუქცია, რომელიც აქამდე არ გვქონდა და ახლა გვაქვს, ასეთი რამ არ არის. თუმცა სეგმენტურად ყოველდღიურად გვემატება პროდუქცია“, - აღნიშნავს ვახტანგ კაჭარავა.
რაც შეეხება გაყიდვებს, ის კომპანიის გაფართოებასთან ერთად იზრდება, თუმცა როგორც Grossmann-ის დამფუძნებელი ამბობს, კომპანია მეტ-ნაკლებად ახლოს მივყვებით იმ პროგნოზს, რაც მენეჯმენტს წლის დასაწყისში ჰქონდა გაკეთებული.
„ჯერ მაინც ცოტა დროა გასული. 6 თვე არცაა, რაც საქმიანობა დავიწყეთ, თუმცა სწორი იქნება 1 წლის თავზე შევადაროთ გეგმები და მიღწევები. თუმცა, დღეის მდგომარეობით გეგმას მივყვებით და ყოველთვიურად კარგი ზრდა გვაქვს“, - განმარტავს ვახტანგ კაჭარავა.
რაც შეეხება აქტიურ სამშენებლო სეზონს ის გაზაფხულიდან იწყება.
„სეზონი გაზაფხულიდან იწყება, თუმცა მიმდინარე წელს შედარებით გვიან დაიწყო, რადგანაც ცუდი ამინდები იყო და ასეთ დროს მშენებლობაც ნაკლებად აქტიურია. ახლა ვფიქრობთ, რომ მშენებლობა აქტიურ ფაზაში შევა და ზაფხული მაღალი პიკური სეზონი იქნება“, - ამბობს Grossmann-ის დამფუძნებელი.
აღსანიშნავია, რომ Grossmann-ი ბაზარზე 2024 წლის ოქტომბერ-ნოემბრიდან გამოჩნდა.
Grossmann-ი მომხმარებლებს სამშენებლო მასალების, ხელსაწყოების, სანტექნიკის პროდუქციის, დანადგარების და აღჭურვილობის, საღებავების, აგრო პროდუქტების ფართო არჩევანს სთავაზობს.
Grossmann-ში არის პროდუქციის ფართო არჩევანი, როგორც ლოკალური მწარმოებლებისგან, ასევე გლობალური ბრენდებისგან.
Grossmann-ის პორტფელი მოიცავს თუმცა არ შემოიფარგლება:
ხელსაწყოები და დანადგარები - ხელის იარაღები, მოტორიზებული ინსტრუმენტები - ბურღები, საჭვალ და ქანჩ ხრახნები, კუთხის სახეხები, შედუღების აპარატები, ხერხები, სამრეწველო და საყოფაცხოვრებო ტექნიკა, სამშენებლო მასალები, ნარევები - ცემენტი, ხის და ლითონის პროდუქტები და ა.შ.
ელექტროობის პროდუქტები - კაბელები, ელ-კომპონენტები, ფურნიტურა
სანტექნიკა - მილები და წყალმომარაგება, HVAC-გათბობა გაგრილება, აქსესაურები, ფიტინგები ა.შ
აგროსფერო - გაზონი და ბაღი, სარწყავი, აგროქიმია, ფლორა, მცენარეთა მოვლა ა.შ
საყოფაცხოვრებო პროდუქტები - საოჯახო ქიმია და ჰიგიენა, პროდუქტები დასუფთავებისთვის, BBQ და გრილი, კემპინგი, ნადირობა, თევზაობა, გარე ავეჯი და აქსესუარები.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
24.04.2025
გვაქვს მოლოდინი, რომ 2025 წლის ზაფხულის სეზონი, მეტად ნაყოფიერი იქნება საქართველოს ტურიზმისთვის, ვიდრე განვლილი წლებში, - აცხადებს კომპანია Inn Hospitality-ს კომერციული დირექტორი ნინა გაჩეჩილაძე.
Inn Hospitality კი ქართულ ბაზარზე რამდენიმე სასტუმროს აერთიანებს, მათ შორისაა Bakuriani Inn და Akhaltsikhe Inn.
„მოგეხსენებათ, უკვე მაისის თვიდან კურორტ ბაკურიანზე იწყება წიწვოვანი მცენარეების ყვავილობა, ე.წ დამტვერვა, რის გამოც კურორტისადმი ინტერესი მატულობს, განსაკუთრებით შიდა ბაზარზე, ხოლო ახალციხის მიმართულებით, მეტად აქტიური ხდება საქმიანი ტურიზმი. შესაბამისად, ამ პერიოდიდან, როგორც სასტუმრო Bakuriani Inn-ის ასევე, სასტუმრო Akhaltsikhe Inn-ის შემთხვევაში ველოდებით მოთხოვნის ზრდას.
თუ გავითვალისწინებთ, უკვე არსებული მიზნობრივი ბაზრებიდან მომართვიანობის დინამიკას, სტრატეგიულ პარტნიორებს და ამავდროულად ბოლო პერიოდში, ქვეყნის მასშტაბით, ავიაკომპანიებთან მიღწეულ შეთანხმებებს და მიმდინარე მარკეტინგულ კამპანიებს, გვაქვს მოლოდინი რომ 2025 წლის ზაფხულის სეზონი, მეტად ნაყოფიერი იქნება საქართველოს ტურიზმისთვის ვიდრე განვლილი წლებში, როგორც სასტუმრო Bakuriani Inn-ის, ასევე Akhaltsikhe Inn-ის შემთხვევაში“, - განმარტავს Inn Hospitality-ს კომერციული დირექტორი.
ნინა გაჩეჩილაძის თქმით, იმისათვის, რომ სასტუმრომ მეტი სტუმრის მოზიდვა შეძლოს ემატება ახალი სერვისები, მათ შორისაა ტურების ორგანიზება.
„რაც შეეხება ჩვენს შეთავაზებებს, გარდა სასტუმროს სერვისებისა, როგორიცაა სპა და აუზი, სამჯერადი კვება, ბარ-რესტორანი, ბავშვთა გასართობი სივრცეები და სხვა, ვაგრძელებთ სამცხე ჯავახეთის მასშტაბით, ტურების დაგეგმვა-ორგანიზებას. ამ მარშრუტებში უცვლელი რჩება რეგიონში მდებარე კულტურულ-ისტორიული ძეგლების მონახულება, რასაც დაემატა ტურები ტაბაწყურის მიმართულებით. ამავდროულად მაისის თვიდან, ჩვენი ერთგული სტუმრებისთვის გააქტიურდება, ე.წ ლოიალურობის პროგრამა, რომელიც გულისხმობს სპეციალური ფასდაკლებებსა და ბენეფიტებს“, - ამბობს ნინა გაჩეჩილაძე.
