ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოსადა ახალგაზრდობის სააგენტოს შორის თანამშრომლობის მემორანდუმი გაფორმდა, რაც ახალგაზრდული ცენტრებისა და სივრცეების გაძლიერებას, მათ სტრატეგიულ განვითარებასა დაახალგაზრდებთან ეფექტიანი კომუნიკაციის უზრუნველყოფას, სახელმწიფო სერვისების შესახებახალგაზრდების ცნობიერების ამაღლებას გულისხმობს.

მემორანდუმს ხელი ასევე მოაწერეს ცენტრალურმა საარჩევნო კომისიამ, ციფრული მმართველობისსააგენტომ, დაცული ტერიტორიების სააგენტომ და საქართველოს იუსტიციის სასწავლო ცენტრმა.

ინოვაციების და ტექნოლოგიების სააგენტოს თავმჯდომარის მოადგილის თორნიკე ჯობავას განმარტებით, სააგენტოსთვის მსგავსი ტიპის პარტნიორობა ძალიან მნიშვნელოვანია.

„ჩვენ გვაქვს 9 ტექნოპარკი ქვეყნის მასშტაბით, სადაც ყოველწლიურად 100-მდე პროგრამახორციელდება ახალგაზრდებისთვის. ბოლო 10 წლის განმავლობაში 100,000 - მდე ადამიანი იყოჩვენს პროგრამებში ჩართული. იმედი მაქვს ეს თანამშრომლობა ხელს შეუწყობს, რომ უფრო მეტიქალაქი მოვიცვათ და იმ პროგრამებით, რაც GITA-ს აქვს, კიდევ უფრო მეტი ახალგაზრდა ისარგებლებს“ - განაცხადა თორნიკე ჯობავამ.

მხარეები, საკუთარი კომპეტენციის ფარგლებში, ხელს შეუწყობენ ახალგაზრდული პროექტებისგანხორციელებას. ასევე, ერთობლივი საგანმანათლებლო და საინფორმაციო კამპანიების, კონფერენციების, სემინარებისა და სამუშაო შეხვედრების ჩატარებას.

დოკუმენტს ხელი მოაწერეს ახალგაზრდობის სააგენტოს ხელმძღვანელის მოვალეობის შემსრულებელმავახტანგ ბააკაშვილმა, ინოვაციების და ტექნოლოგიების სააგენტოს თავმჯდომარის მოადგილემთორნიკე ჯობავამ, ცენტრალური საარჩევნო კომისიის თავმჯდომარემ გიორგი კალანდარიშვილმა, ციფრული მმართველობის სააგენტოს თავმჯდომარემ დავით ნადირაშვილმა, იუსტიციის სასწავლოცენტრის დირექტორმა გვანცა ვარამაშვილმა და დაცული ტერიტორიების სააგენტოსთავმჯდომარემ ოთარ ედიშერაშვილმა.