გიორგი ვახტანგიშვილმა Spotlight Tech-ზე მსოფლიოში საუკეთესო ციფრული ბანკის შესახებ გამოცდილება გააზიარა

ბიზნესი

ქუთაისის საერთაშორისო აეროპორტის ბიზნეს ლაუნჯი პირველ ეტაპზე 70 მგზავრზე იქნება გათვლილი - ლევან მოსეშვილი

29.05.2025.19:00

ქუთაისის დავით აღმაშენებლის სახელობის საერთაშორისო აეროპორტში VISA-ს ბიზნეს ლაუნჯი მგზავრებს დეკემბრიდან უმასპინძლებს. როგორც რადიო „სივრცის“ ეთერში გადაცემა Business Insider Georgia-ში სტუმრობისას საქართველოს აეროპორტების გაერთიანების ხელმძღვანელმა ლევან მოსეშვილმა განაცხადა, აეროპორტში ლაუნჯი 270 კვ/მ ფართობს დაიკავებს და VISA-ს ფერებში იქნება დაბრენდილი.

როგორც მოსეშვილმა განმარტა, თუ კი აქამდე ქუთაისის საერთაშორისო აეროპორტი მოიაზრებოდა, როგორც „ლოუკოსტ“ აეროპორტი, ბიზნეს ლაუნჯი უკვე მას მეორე სიცოცხლეს შესძენს.

„რამდენიმე დღის უკან ჩვენ ხელი მოვაწერეთ შეთანხმებას ქუთაისის საერთაშორისო აეროპორტში ბიზნეს ლაუნჯის განვითარებასთან დაკავშირებით. მინდა აღვნიშნო, რომ ქუთაისის საერთაშორისო აეროპორტი ასოცირდებოდა, როგორც დაბალბიუჯეტიანი მგზავრების მომსახურე აეროპორტი. ბიზნეს ლაუნჯის დაანონსება კი აეროპორტისთვის ეს უკვე მეორე სიცოცხლეა და ახალ ეტაპზე გადასვლას ნიშნავს. სტატუსის ამაღლებაა. ახალი ეპატია.

ლაუნჯის მოწყობაზე ჩვენ ხელი მოვაწერეთ საერთაშორისო პარტნიორ VISA-თან. ქუთაისის საერთაშორისო აეროპორტში ბიზნეს ლაუნჯი 270 კვ/მ-ზე იქნება განთავსებული და ასევე, დაბრენდილი იქნება VISA-ს ფერებში. ის ასევე ქართული ეთნო ელემენტებით იქნება გაფორმებული. მინიმალისტურ სტილში იქნება, რომელიც მომსახურებას გაუწევს ბიზნეს მგზავრებს. სერვისებს გავწევთ ჩვენი სტაფით. მინდა ასევე აღვნიშნო ის ფაქტი, რომ ნებისმიერ მგზავრს, რომელსაც ექნება Visa Platinum ბარათი სრულად უფასოდ შეძლებს ამ სერვისებით სარგებლობას. მოთხოვნაც იყო მგზავრებისგან, ხშირად მოგზაური პირებისგან, რომ არ ჰქონდათ შესაბამისი სივრცე, არ ჰქონდათ შესაბამისი რეკრეაციული ადგილი, სადაც შეძლებდნენ დასვენებას, ან საქმიანი შეხვედრების გამართვას. ველოდებით, რომ ლაუნჯში პირველ მგზავრებს დეკემბერში მივიღებთ. ბიზნეს ლანჯის გახსნა დაანონსებულია სწორედ 2025 წლის დეკემბერში. ჩვენს ბიზნეს პარტნიორთან Visa-სთან ერთად აქტიურად ვმუშაობთ ამ საკითხზე, რომ რაც შეიძლება მალე ეს სივრცე მივიღოთ და ახალი სერვისები შევთავაზოთ ჩვენს მგზავრებს და კმაყოფილები გავუშვათ. იმის სურვილი ჰქონდეთ, რომ ჩვენს აეროპორტში კვლავ დაბრუნდნენ“, - აღნიშნა ლევან მოსეშვილმა.

საქართველოს აეროპორტების გაერთიანების ხელმძღვანელი აცხადებს, რომ საწყის ეტაპზე ლაუნჯი 70 მგზავრზე იქნება გათვლილი, თუმცა მოთხოვნის შემთხვევაში განიხილება მისი კიდევ უფრო განვითარება.

„დიდი ხანი ვმუშაობთ ჩვენს გუნდთან ერთად. დიდი ხანი მიმდინარეობდა სწორი კონცეფციის შერჩევა. საკმაოდ ლამაზი და ტევადი სივრცე იქნება. პირველ ეტაპზე 70 მგზავრზე იქნება გათვლილი. რეალურად 70 მგზავრი კარგი მაჩვენებელი იქნება პირველ ეტაპზე, მოთხოვნა თუ იქნება შემდეგ ვიზრუნებთ გაფართოებაზე“, - აცხადებს ლევან მოსეშვილი.

საქართველოს აეროპორტების გაერთიანების ინფორმაციით, ქუთაისის საერთაშორისო აეროპორტში კიდევ ერთი საერთაშორისო ბრენდის შემოსვლა აეროპორტს განვითარების ახალ ეტაპზე გადაიყვანს, რაც საშუალებას მისცემს მოიზიდოს სრული სერვისის მქონე ავიაკომპანიები, ამავდროულად დააკმაყოფილოს განსხვავებული ხასიათისა და მოთხოვნის მქონე მგზავრების სურვილებიც.

სივრცეში ძირითადად აქტიური ფერებისა და მშვიდი ხის ტექსტურის შერწყმა იქნება წარმოდგენილი. სივრცე დაყოფილი იქნება რამდენიმე ზონად: მოსასვენებელი, საბავშვო სივრცე, სამუშაო და კვების ზონა, რაც აეროპორტის მგზავრებს შესაძლებლობას მისცემს, დრო გაატარონ მათი საჭიროებებისა და განწყობას შესაფერისად.

ლაუნჯის ინტერიერის თემატიკა ლოკალურ ნარატივზე იქნება აგებული. კედლებზე წარმოდგენილი იქნება შუქ-პროექციები არგონავტების შესახებ მითოლოგიიდან, რომელიც პირდაპირ უკავშირდება ქუთაისის, როგორც ისტორიული ქალაქის, იდენტობას. მოცემული დეტალები ოდნავ მინიმალისტურად, მაგრამ ემოციურად მოქმედებს მგზავრზე და ქმნის კავშირს ადგილსა და ისტორიას შორის.

პროექტის საინვესტიციო ღირებულებაა მილიონ ლარზე მეტია. VISA-ს პრემიუმ კატეგორიის ბარათების მქონე ქუთაისის საერთაშორისო აეროპორტის მგზავრებს, ლაუნჯით სარგებლობა უფასოდ შეეძლებათ.

მომავალი წლიდან ვეცდებით, მონტენეგროში ჯგუფური ტურების სერია დავიწყოთ და თუ კი ნაკადი გვიჩვენებს, რომ მიმართულება იტვირთება, ამის შემდეგ ვიფიქრებთ ჩარტერებზე - „ავიაქსელი“ 29.05.2025.18:00

სატენდერო გარანტია ახლა უკვე საქართველოს ბანკის ბიზნეს მობილბანკში 29.05.2025.17:12

თიბისის დაფინანსებით, ქართული დროშის ქვეშ მცურავი პირველი სატვირთო ბორანი გადაზიდვებს ასრულებს 29.05.2025.16:43

თბილისში 4 987 500 ლარად სახელმწიფო ქონება იყიდება 29.05.2025.16:41

ყველაფერი მასწავლებლის ეროვნული ჯილდოს კონკურსის შესახებ - პროექტის მთავარი მხარდამჭერია საქართველოს ბანკი 29.05.2025.16:09

სელფი მობაილის კორპორატიული მომსახურების ახალი ოფისი გაიხსნა 29.05.2025.16:02

„ლუდისას“ ექსპორტს განვიხილავთ, თუმცა ჯერჯერობით კონცენტრაცია ქართული ბაზრის ათვისებაზე გაქვს - კომპანიის კომერციული დირექტორი 29.05.2025.16:00

ამ დროისთვის კურორტ "გოდერძიზე" 29 საინვესტიციო პროექტი ხორციელდება, რომლის საინვესტიციო ღირებულება 250 მლნ ლარს აღემატება - ჯაბა ფუტკარაძე 29.05.2025.15:52

თიბისის მხარდაჭერით ვორქშოფ ფესტივალი გაიმართება 29.05.2025.15:00

გახდი საქართველოს ბანკის სტიპენდიატი Fulbright-ის პროგრამაში - დაესწარი ვებინარს და აღმოაჩინე განათლების შესაძლებლობები 29.05.2025.14:18

რა სიახლეებს სთავაზობს კერამიკის სახლი „ჰოდა“ მომხმარებლებს 29.05.2025.14:00