ცოდნის გაცემა, მიღება და წარმოება - ეს ის სამი ღერძია, რომლის გარშემოც „ფლომასტერი“ დაარსების დღიდან, 2018 წლიდან ტრიალებს. კომპანია პროფესიონალებსა და დამსაქმებლებს ერთად მუშაობაში და საერთო მიზნების მიღწევაში ეხმარება.

“ფლომასტერის” მიდგომა პრაქტიკაზე დაფუძნებულ სწავლებას გულისხმობს. პროექტის მართვის ტრენინგი დღეს ჩვენი ერთ-ერთი ყველაზე მოთხოვნადი მიმართულებაა

რას მოიცავს “ფლომასტერის” პროექტის მართვის ტრენინგი (PMCP) და როგორ დაეხმარება მონაწილეებს მომავალში პროექტები წარმატებით განახორციელონ. ამ თემაზე კურსის ერთ-ერთ ავტორსა და ტრენერს, ვანო ნადირაძეს ვესაუბრეთ.

ვანო, რას მოიცავს “ფლომასტერის” 8-კვირიანი კურსი - PMCP?

ჩვენი პროექტის მართვის ტრენინგი ისეა აგებული, რომ ყოველ კვირას ახალ მოდულს გადის მონაწილე. პროცესი ასეთია: მონაწილეები ჩვენს LMS სისტემაში ვიდეო ლექციებს ეცნობიან, პარალელურად კი კვირაში ერთხელ ფიზიკურად ვიკრიბებით. ამ 8 შეხვედრის დროს ვაკეთებთ პრაქტიკულ სავარჯიშოებს, განვიხილავთ რეალურ ქეისებს და გამოცდილი ტრენერები პასუხობენ მონაწილეების შეკითხვებს.

რაც შეეხება შინაარსს, ვფარავთ ყველაფერს, რაც პროექტის მენეჯერს სჭირდება. მაგალითად, როგორ ვმართოთ დრო და ხარჯები ეფექტურად; როგორ ვიყოთ მზად კრიზისებისთვის; როგორ ვმართოთ გუნდი და დაინტერესებული მხარეები (Stakeholders) თანამედროვე მიდგომებით.

ბოლოს კი გვაქვს სამ-დონიანი შეფასება: „მოისმინა“, „იმუშავა“ და „გამოანათა“. ეს სისტემა გვეხმარება დავინახოთ, ვინ როგორ აითვისა მასალა და ვინ არის მზად რეალური გამოწვევების მისაღებად.

რატომ გადაწყვიტეთ, რომ PMCP “ფლომასტერის” ერთ-ერთი მთავარი პროგრამა ყოფილიყო?

ხშირად გვესმის მენეჯერებისგან ასეთი ფრაზა „ბევრი პროექტი გვაქვს, თუმცა ნახევარი ვადაში ვერ სრულდება“. პრობლემა იშვიათად არის მოტივაციის ნაკლებობა. მიზეზი, უმეტესწილად, გამართული სისტემებისა და საჭირო უნარების დეფიციტია. ბევრს ჰგონია, რომ პროექტების სწორი მართვა ბიუროკრატიაა, სინამდვილეში კი ეს არის საერთო ენა, რომელიც ნებისმიერი ტიპის გუნდს სჭირდება - იქნება ის კრეატიული თუ ტექნიკური. სწორედ ამიტომ, ჩვენი პროექტის მართვის ტრენინგი ფოკუსირებულია არა მხოლოდ თეორიაზე, არამედ პრაქტიკულ ინსტრუმენტებზე.

რატომ არის პროექტის მართვის ტრენინგი ერთ-ერთი ყველაზე საჭირო ინვესტიცია თანამედროვე ბიზნესისთვის?

სამ ძირითად მიზეზზე ვისაუბრებ. პირველი ეს არის დანაკარგების მინიმუმამდე დაყვანა. გაუმართავი მენეჯმენტი ბიზნესისთვის მხოლოდ დაკარგული დრო არ არის - ეს არის პირდაპირი ფინანსური ზარალი და რაც ყველაზე მტკივნეულია, გუნდის ფუჭად გახარჯული ენერგია. PMCP მონაწილეებს ასწავლის, როგორ მართონ რესურსები ისე, რომ თითოეული სამუშაო საათი შედეგზე იყოს ორიენტირებული.

მეორე - უნივერსალური ენა გუნდისთვის. მითია, რომ პროექტის მართვა მხოლოდ IT სექტორის პრივილეგიაა. ეს არის სისტემა, რომელიც ერთნაირად ეფექტურია მარკეტინგში, მშენებლობაში, წარმოებასა თუ მომსახურების სფეროში. PMCP მონაწილეებს აძლევს იმ საერთო ენას, რომლის მეშვეობითაც სხვადასხვა დეპარტამენტი ერთმანეთს იდეალურად უგებს.

და ბოლოს გადაწყვეტილების მიღების სისწრაფე. ქაოსის დროს მთავარი მტერი გაურკვევლობაა. როცა პროცესები წინასწარ არის გაწერილი და მენეჯერს აქვს მზა ჩარჩო (Framework), ის აღარ ხარჯავს დროს იმაზე ფიქრში, თუ „რა უნდა ქნას ახლა?“. მას აქვს კონკრეტული ინსტრუმენტები კრიზისის სამართავად, რაც ბიზნესს მოქნილობასა და სისწრაფეს მატებს. ეს კი დღევანდელ დღეს განსაკუთრებით მნიშვნელოვანია.

ვისთვის არის ეს კურსი განკუთვნილი?

მათთვის, ვინც ყოველდღიურად მართავს გუნდებსა თუ ამოცანებს და სურს, ეს პროცესი უფრო გამართული და ეფექტური გახადოს. პროექტებს ყოველთვის ადამიანები ასრულებენ, თუმცა მხოლოდ მონდომება საკმარისი არ არის. სწორი მეთოდოლოგია არის ის, რაც ამ ადამიანებს მაღალი ნდობის მქონე პროფესიონალებად აქცევს.

როგორ დაეხმარება PMCP პროექტის მენეჯერებს ყოველდღიურ მუშაობაში?

პირველ რიგში, შედეგები ხდება პროგნოზირებადი. როცა გაქვს მკაფიო Scope (შინაარსი) და რეალისტური ვადები, „სიურპრიზები“ მინიმუმამდე დადის. მენეჯერმა ზუსტად იცის, ვინ არის გადატვირთული და როგორ გადაანაწილოს ძალები.

ჩვენი პროექტის მართვის ტრენინგი სწორედ იმაზეა ორიენტირებული, რომ გუნდის თითოეულმა წევრმა ნათლად დაინახოს საერთო სურათი და საკუთარი როლი. საბოლოო ჯამში, PMCP-ის გავლის შემდეგ, მენეჯერი პროექტს მართავს არა ინტუიციით, არამედ გამართული მეთოდოლოგიით, რაც პირდაპირ აისახება სამუშაოს ხარისხსა და გუნდის სიმშვიდეზე.