„ღვინის მცველების“ ღვინო ექსპორტზე ჩინეთში გადის
Wine Guards - „ღვინის მცველები“ ექსპორტზე ჩინეთში გადის. კომპანია 6 დასახელების ღვინოს აწარმოებს.
როგორც „ვაინ გარდსის“ დამფუძნებელი მიშა სონღულაშვილი Business Insider Georgia- თან ამბობს, მიუხედავად იმისა, რომ მათი ღვინო ჩინეთის ბაზრისთვის ახალია, დიდი მოთხოვნით სარგებლობს.
„საშუალო საწარმოს წარმოვადგენთ. რადგან ჩვენი ღვინო ხარისხზეა გათვლილი, არც ვთვლით, რომ დიდი წარმოება გავხდეთ. მაქსიმალურად ვცდილობთ, შევთავაზოთ მსოფლიო ბაზრებს ქართული ღვინის მაღალი ხარისხი და ამ ხაზს ბოლომდე მივყვებით.
ძირითადად ქვევრის ღვინოს ვაყენებთ როგორც საკუთარი ვენახებიდან, ასევე ვყიდულობთ მაღალი ხარისხის ნედლეულს. გარდა ამისა, ვიყენებთ თანამედროვე ევროპულ ტექნოლოგიებს, მაგალითად, ფრანგული მუხის კასრებს, ვცდილობთ გავიზიაროთ ყველა გამოცდილება და ცოდნა, რაც ხელმისაწვდომია. ძალიან კარგად ვმუშაობთ უშუალოდ ჩინეთის ბაზარზე, რომელიც ახალი და სწრაფად მზარდია“, - ამბობს მიშა სონღულიშვილი.
„ვაინ გარდსი“ შეძენა ქართულ ბაზარზე ძირითადად ,,8000 მოსავლის“ დახლებზეა შესაძლებელი. საწარმო ახმეტის რაიონში მდებარეობს.
„ვაინ გარდსი“ 2017 წელს დაფუძნდა. კომპანია რქაწითელის, ქისის და საფერავის ჯიშის ყურძნისგან დამზადებულ 6 დასახელების ღვინოს აწარმოებს: ქვევრის ,,რქაწითელი“, ,,საფერავი“, ,,მუკუზანი“, ,,ხიხვი“, ,,ქისი“ და ,,მწვანე“. ,,ვაინ გარდსი“ სეზონზე დაახლოებით 30-მდე ადამიანს ასაქმებს.
დღის ტოპ 10 სიახლე
სხვა სიახლეები
ცვლილებები „აწარმოე საქართველოში“ პროგრამებში მცირე და საშუალო ბიზნესს ფინანსებზე ხელმისაწვდომობის ზრდაში დაეხმარება - ლევან ვეფხვაძე
18.08.2025.21:44
სააგენტოს „აწარმოე საქართველოში“ პროგრამებში ცვლილებები შედის, რომლის ფარგლებშიც გაფართოვდება მეწარმეებისათვის მხარდაჭერის შესაძლებლობები. საქართველოს ბიზნეს-ასოციაციის აღმასრულებელი დირექტორის ლევან ვეფხვაძის განცხადებით, მთავრობის ეს გადაწყვეტილება მცირე და საშუალო ბიზნესს ფინანსებზე ხელმისაწვდომობის ზრდაში დაეხმარება.
როგორც ლევან ვეფხვაძემ განაცხადა, კომპანიებისთვის მნიშვნელოვანია, რომ იზრდება სახელმწიფოს თანამონაწილეობა როგორც სასესხო ნაწილში, ასევე ლიზინგის კუთხით. მან ასევე ყურადღება გაამახვილა საგრანტო კომპონენტის გაფართოებასა და ისეთი მიმართულებების მხარდაჭერაზე, როგორიცაა მწვანე პროექტები, ქალთა ჩართულობა ბიზნესში, ბიზნესის გაციფროვნება, კვლევა - განვითარება და აგროტურიზმი.
„ამ კუთხით, ბიზნესის წახალისება პოზიტიური ნაბიჯი იქნება ინოვაციური და მდგრადი პროექტების დასაფინანსებლად, რაც საქართველოს ეკონომიკისთვის იქნება ძალიან მნიშვნელოვანი,“ - აღნიშნა საქართველოს ბიზნეს - ასოციაციის აღმასრულებელმა დირექტორმა.
განათლების გზაზე არ გაჩერდე - დარეგისტრირდი საქართველოს ბანკის და კომაროვის STEM სკოლაში
18.08.2025.16:17
„მოსავალმა“ 600 ტონიანი სამაცივრე მეურნეობა ააშენა და პროდუქციის საერთაშორისო ბაზარზე გატანას გეგმავს
18.08.2025.16:00
„ზაფხულის ენერგია ჯილისთან ერთად“: ახალი თავგადასავლების სეზონი - Geely Center Tegeta-ს კამპანია
18.08.2025.15:10
მცირე და საშუალო სექტორისთვის ფინანსებზე ხელმისაწვდომობის გაუმჯობესება ჩვენი ერთ-ერთი პრიორიტეტია - ირაკლი ნადარეიშვილი
18.08.2025.14:02
