Georgia's Natural Organic  ქართული კომპანიაა, რომელიც ორგანულ სასმელებსა და საკვებ პროდუქტებს აწარმოებს. კომპანიის ნედლეულის შესყიდვების ხელმძღვანელი გიორგი ნოზაძე Business Insider Georgia - სთან 2025 წელს აფასებს და 2026 წლის გეგმებზე საუბრობს.

"2025 წელს კომპანიის გაყიდვები გაიზარდა და მომავალ წელს გვექნება ექსპორტის 25 %-იანი ზრდა.

განვაგრძობთ გაფართოებას გლობალურ ონლაინ პლატფორმებზე და მომავალი წლიდან წარმოდგენილები ვიქნებით ამაზონზე და ალიბაბაზე.

2026 წლიდან ამუშავდება წარმოების მეორე ხაზი, რომელიც საშუალებას მოგვცემს გავაორმაგოთ წარმადობა შეკვეთების დასაკმაყოფილებლად.

ეს მატება განსაკუთრებით აისახება, აშშ-ს, შუა აღმოსავლეთისა და აზიის ბაზარზე.

ახალი ასორტიმენტის დაგეგმვა მნიშვნელოვანი ნაბიჯია, რადგან სწორად შერჩეულ პროდუქტებს შეუძლია გაყიდვების ზრდა, ბრენდის გამორჩეულობა და მომხმარებლის ლოიალობის გაძლიერება. ეს ცოცხალი პროცესია, რომელიც სისტემატურად გრძელდება და ხდება ახალი პროდუქტების დამატება. მაგალითისთვის, მომხმარებელი მალე იხილავს ჩვენს წვენებში ორგანულ ანწლს, რეჰანს და სხვა მრავალ ინოვაციურ შეთავაზებებს.

სამწუხაროდ ამასთანავე წარმოების მიმართულებით გვაქვს გარკვეული შეფერხებებიც:

1. ადგილობრივი არასაკმარისი ნედლეული - რაც ზრდის ნედლეულის ღირებულებას და აფერხებს წარმოების დაგეგმვას;

2. არასტაბილური ენერგო-რესურსების მოწოდება - იწვევს წარმოების უნებლიე გაჩერებებსა და ტექნიკურ დაზიანებებს. რაც ხშირი შემთხვევებია, განსაკუთრებით კახეთის რეგიონში. თუმცა ამ მიმართულებით ვმუშაობთ ადგილობრივ მუნიციპალიტთან და ენერგო-რესურსების მომწოდებლებთან პრობლემის აღმოსაფხვრელად;

3. პრობლემატური ხდება კვალიფიციური, განსაკუთრებით ტექნიკური და აგრო მიმართულებით კადრების, ასევე ოპერატორების მოძიება.

ეს ყველაფერი კომპანიის დამფუძნებლებს აფიქრებინებს ხილის გადამამუშავებელი წარმოების გახსნას ქვეყნის გარეთაც “, - აცხადებს გიორგი ნოზაძე.