გასაქირავებელი საწყობების 68% თბილისშია თავმოყრილი, შემდეგ მოდის ქუთაისი, ბათუმი და ფოთი - TBC Capital
დღეისათვის ქვეყანაში საწყობების ჯამური ფართობი 2.2 მლნ მ²-ს შეადგენს, საიდანაც 10% სამაცივრე ინფრასტრუქტურაა, 90% კი მშრალი საწყობი. ამის შესახებ თიბისი კაპიტალის მიერ მომზადებულ პუბლიკაციაში „ლოგისტიკა: ადგილობრივი და გლობალური ტენდენციებით შექმნილი შესაძლებლობები და გამოწვევები“ არის აღნიშნული.
საქართველოში არსებული საწყობების მხოლოდ 33% გაიცემა იჯარით, ხოლო 67% მესაკუთრეების მიერ გამოიყენება. საწყობების მხოლოდ 6% არის A კლასის. ქვეყნის მასშტაბით მოქმედია 117 საბაჟო საწყობი.
საგულისხმოა, რომ გასაქირავებელი საწყობების 68% თბილისშია თავმოყრილი, შემდეგ მოდის ქუთაისი (17%), ბათუმი (5%) და ფოთი (5%).
თბილისში მდებარე გასაქირავებელი საწყობების დაახლოებით 85% გაქირავებულია. თბილისში გასაქირავებელი საწყობების დიდი კონცენტრაცია ფიქსირდება სამგორში. ანუ სამგორშია თავმოყრილი მათი 45%, სულ 175,142 კვ.მ. მეორე ადგილზე ნაძალადევია. სწორედ აქაა თავმოყრილი გასაქირავებელი საწყობების 23%-ი - 89,182 კვ.მ
როგორც თიბისი კაპიტალში მიაჩნიათ, გაზრდილი კონკურენციის გათვალისწინებით გასაქირავებელი ფასის ზრდა არ არის მოსალოდნელი.
როგორც თიბისი კაპიტალში აცხადებენ, ბოლო წლებში საქართველოს სატრანსპორტო და დასაწყობების სექტორი სტაბილურად იზრდებოდა - 2024 წელს დაახლოებით 9%-იანი ზრდა დაფიქსირდა, სექტორის წილი მშპ-ში კი 5.9% იყო. ლოგისტიკის სექტორზე დადებითად აისახა გაზრდილი სავაჭრო ნაკადები ევროპას, კასპიის რეგიონს, ცენტრალურ აზიასა და ჩინეთს შორის.
დღის ტოპ 10 სიახლე
მარიამ ქვრივიშვილმა დიდი ბრიტანეთის ელჩთან ორმხრივი ურთიერთობის პრიორიტეტული მიმართულებები განიხილა
სხვა სიახლეები
„ამბასადორი აილენდ ბათუმის“ საინვესტიციო ტურის ფარგლებში, სპარსეთის ყურის თანამშრომლობის საბჭოს დელეგაცია საქართველოს ესტუმრა
02.10.2025.20:26
„ამბასადორი აილენდ ბათუმის“ საინვესტიციო ტურის ფარგლებში სპარსეთის ყურის ქვეყნების თანამშრომლობის საბჭოს (GCC) წევრი ქვეყნების წამყვანი დეველოპერული და საინვესტიციო კომპანიების წარმომადგენლები საქართველოს ესტუმრნენ.
ინვესტორები საქართველოს სხვადასხვა კუთხეს ეწვივნენ, სადაც ქვეყნის წამყვანი დეველოპერული პროექტები მოინახულეს, დეტალურად გაეცნენ საქართველოს საინვესტიციო პოტენციალსა და ადგილობრივ კულტურულ აქტივობებშიც მიიღეს მონაწილეობა.
აღნიშნული ტურის ფარგლებში, რომელსაც „ამბასადორი აილენდ ბათუმის“ გუნდი მასპინძლობდა არაერთი მნიშვნელოვანი შეხვედრა გაიმართა. მათ შორის, მაღალი რანგის შეხვედრა შედგა აჭარის მთავრობის ხელმძღვანელთან, “აჭარის ეკონომიკური განვითარების ხედვის” ღონისძიების ფარგლებში.
დელეგაციის შემადგენლობაში იმყოფებოდნენ ისეთი ცნობილი კომპანიის წარმომადგენლები, როგორებიცაა: „Asas Makeen Real Estate Development“, „TAM Group“ „Capital Club Dubai“, „Sports District“ და სხვ.
აღნიშნული ტური ინვესტორებისთვის, ქვეყნის ეკონომიკური და ტურისტული პოტენციალის სრულყოფილად წარმოჩენას ისახავდა მიზნად. ინვესტორთა მიერ გამოხატული მაღალი ინტერესი, კიდევ ერთხელ ხაზს უსვამს საქართველოს მზარდ საინვესტიციო შესაძლებლობებსა და „ამბასადორი აილენდ ბათუმის“ პროექტის ისტორიულ მნიშვნელობას.
Ajet-ის ავიარეისები საქართველოს ტურისტულ ბაზარზე ძალიან პოზიტიურად იმოქმედებს - მაია ომიაძე
02.10.2025.17:14
„თეგეტა მოტორსმა“ მომხმარებელზე ორიენტირებული სერვისის დანერგვისთვის THE BIZZ Awards-ის ჯილდო მიიღო
02.10.2025.16:11
თუ პროფესიის შეცვლა გსურს, გახდი საქართველოს ბანკის სტიპენდიატი და ისწავლე აგრარული უნივერსიტეტის კულინარიის აკადემიაში სრული დაფინანსებით
02.10.2025.16:06
