L'AutrE Chocolat ფრანგული ტექნოლოგიით შექმნილი შოკოლადის ბრენდია, რომელიც ბაზარზე ოპერირებს 2023 წლიდან. მეტი ინფორმაციისთვის, Business Insider Georgia კომპანიის დამფუძნებელსა და შეფ-შოკოლატეს ზვიად ტოგონიძეს ესაუბრა.

-როგორია კომპანიის საქმიანობის სპეციფიკა, როდის დაიწყეთ ბაზარზე ოპერირება და რას სთავაზობთ მომხმარებელს?

L’autre Chocolat - არის ფრანგული ტექნოლოგიით შექმნილი შოკოლადის ბრენდი, რომლის წარმოება ხდება საქართველოში. ბრენდის ისტორია იწყება საფრანგეთში, სადაც ჩვენი დამფუძნებელი, ზვიად ტოგონიძე, პროფესიულად დაეუფლა შოკოლადის ხელოვნებას, სიღრმისეულად შეისწავლა მისი წარმოების ტექნოლოგია, ეს ცოდნა კი პრაქტიკით და საფრანგეთში მიღებული გამოცდილებით გაამყარა.

ზვიადმა პარიზშიც გახსნა არტიზანული შოკოლადის მაღაზია, სადაც ხელნაკეთი შოკოლადის კულტურის ნაწილი გახდა რაც გულისხმობს ხარისხის, გემოვნებისა და ესთეტიკის შერწყმას.

იმისთვის, რომ მრავალწლიანი გამოცდილება და ფრანგული ტრადიციით შექმნილი ნამდვილი შოკოლადის გემო ქართველ ხალხისთვისაც გაეცნო, 2023 წლის ბოლოს საქართველოს ბაზარზე გამოჩნდა L’autre-ს შოკოლადები.

სახელწოდება L’autre ფრანგულად ნიშნავს „სხვა“-ს, „განსხვავებულს“ და სწორედ ეს არის ბრენდის იდეაც: ჩვენი მიზანია საქართველოში შემოვიტანოთ “სხვა შოკოლადი”, აქამდე არარსებული - ნამდვილი, ავთენტური, ხელნაკეთი, ის, რაც გემოსთან ერთად ისტორიასაც ყვება.

L’autre Chocolat მომხმარებელს სთავაზობს პრემიუმ ხარისხის ხელნაკეთ შოკოლადებს, რომელიც აერთიანებს ფრანგულ ტექნოლოგიას, კლასიკურ შოკოლადის კულტურას და თანამედროვე დიზაინს. განსაკუთრებული ყურადღება ექცევა ხარისხს, დეტალებსა და გემოვნურ ბალანსს.

-როგორია L’autre Chocolat-ის მიმდინარე ასორტიმენტი?

L’autre Chocolat-ის ასორტიმენტი საკმაოდ მრავალფეროვანია.

მომხმარებელს ვთავაზობთ როგორც შავი, ასევე რძიანი ბელგიური და ფრანგული უმაღლესი ხარისხის შოკოლადის 20-ზე მეტი სახეობის ბონბონს სხვადასხვა გემოს შიგთავსით (თხილეულის პრალინეები, ლაიმის, მარაკუიას, ჟოლოს, ტონკას, ბერგამოტის ჩაის, ყავის და ილის კომბინაციის განაშები, კარამელები, ჟანდუია და ა.შ).

ასევე ჩვენი ასორტიმენტი მოიცავს ხელნაკეთ ტრიუფელებს, როშერებს, დიაბლუტანს მარშმელოუს მადაგასკარის ვანილით, მენდიანტებს და ა.შ.

შოკოლატერეაში სეზონურად იცვლება კოლექციები და შეფუთვები, თემატურად იცვლება სადღესასწაულო ფიგურები. გარდა საცალო მიმართულებისა, ვმუშაობთ კორპორატიულ შეკვეთებზეც. თითოეულ დამკვეთთან ერთად ვქმნით ინდივიდუალურ ასორტიმენტსა და შეფუთვის დიზაინს.

მომხმარებელს, ასევე საშუალება აქვს, შოკოლადის ფილაზე დაიტანოს პატარა, სასურველი მესიჯი და კიდევ უფრო განსაკუთრებული გადახადოს საჩუქარი.

ასორტიმენტი მუდმივად ვითარდება, ემატება ახალი გემოები, ტექსტურები და ვიზუალური კონცეფციები, რაც მომხმარებელს ყოველთვის ახალ გამოცდილებას სთავაზობს.

-რას მიიჩნევთ კომპანიის კონკურენტულ უპირატესობად?

L’autre Chocolat-ის მთავარი კონკურენტული უპირატესობა არის ფრანგული შოკოლადის კულტურის ღრმა ცოდნა და შოკოლადის ტექნიკის ფლობა, რაც ბრენდს საშუალებას აძლევს მომხმარებელს სრულიად ავთენტური გამოცდილება შესთავაზოს.

პროდუქციის შექმნისას განსაკუთრებული ყურადღება ეთმობა ნედლეულის ხარისხს -გამოყენებული შოკოლადი არის უმაღლესი ხარისხის და არ შეიცავს ხელოვნურ დანამატებს, მათ შორის მცენარეულ ზეთებს, ასევე, ვცდილობთ მინიმალურად გამოვიყენოთ საკვები საღებავები, რაც მნიშვნელოვანია შოკოლადის ბუნებრივობისა და ავთენტურობის შესანარჩუნებლად.

L’autre Chocolat გამოირჩევა გემოების იდეალური ბალანსითა და უნიკალური არომატული კომბინაციებით. ბრენდი იყენებს იშვიათ ფრანგულ რეცეპტებსა და განსაკუთრებულ ინგრედიენტებს, როგორიცაა „მადაგასკარის“ ვანილი და „ტონკას“ მარცვალი, რაც საბოლოო პროდუქტს განსაკუთრებულ და დასამახსოვრებელ გემოს სძენს.

როგორია კომპანიის სამომავლო გეგმები?

L’autre Chocolat მუდმივად არტიზანულ პროცესშია, ქმნის ახალ რეცეპტებს, გემოებს და სახეობებს. ჩვენი მიზანია მომხმარებელს რეგულარულად შევთავაზოთ ტკბილი სიურპრიზები. უახლოეს მომავალში იგეგმება შოკოლადის ფილების და დრაჟეების დამატება. ასევე აქტიურად ვმუშაობთ დიაბეტური ხაზის შოკოლადზეც.

ზვიადს მუდმივი თანამშრომლობა აქვს ფრანგ შოკოლატეებთან. წელიწადში რამდენჯერმე იგი საფრანგეთში ჩადის, რათა ახალი გემოების შექმნის ტექნოლოგიებს დაეუფლოს, დაესწროს მასტერკლასებს, ივენთებს და „ლოტრესთვის“ ახალი ინსპირაციებით დაბრუნდეს.

„ლოტრე“ ცდილობს შექმნას ისეთი გამოცდილება, რომელიც შოკოლადს უბრალო დესერტზე ბევრად მეტ მნიშვნელობას ანიჭებს, ყურადღებას ვუთმობთ სასაჩუქრე კულტურის განვითარებას. გვინდა, რომ ხარისხიანი ხელნაკეთი შოკოლადი იქცეს საჩუქრად, რომელიც უმნიშვნელოვნელო მომენტებსაც განსაკუთრებულს ხდის. სწორედ ამ მიმართულებით ვავითარებთ პერსონალიზებულ და თემატურ კოლექციებს, რომლებიც იდეალურად ერგება როგორც ინდივიდუალურ, ასევე კორპორატიულ საჩუქრებს.

ჩვენ გვინდა, რომ L’autre Chocolat მომხმარებლისთვის გახდეს ტკბილი სიურპრიზების და განსაკუთრებული ემოციების მუდმივი ნაწილი.