გახდი ლიდერატორი და დააგროვე სამუშაო გამოცდილება სწავლის პარალელურად - ნინი კობიაშვილი, საქართველოს ბანკის გუნდის წევრი
ახალგაზრდების მხარდაჭერის მიზნით, საქართველოს ბანკი, სოციალური კორპორატიული პასუხისმგებლობის ფარგლებში, 2017 წლიდან სტუდენტური დასაქმების პროგრამა „ლიდერატორს“ ახორციელებს, რომელიც ახალგაზრდებს აძლევს შესაძლებლობას, მიიღონ როგორც თეორიული ცოდნა, ასევე, სწავლის პარალელურად, დააგროვონ პრაქტიკული გამოცდილება.
საქართველოს ბანკის ლიდერატორის პროგრამაში მონაწილეობა უკვე მიიღო 445-მა სტუდენტმა, მათმა 78%-მა კი კარიერა საქართველოს ბანკში განაგრძო. ერთ-ერთი მათგანი ნინი კობიაშვილია,რომელიც ამჟამად საქართველოს ბანკის ჯუნიორ ბრენდ მენეჯერის პოზიციას იკავებს.
ბანკში მიღებული გამოცდილების შესახებ ნინი თავად გვესაუბრება.
ლიდერატორი - შესაძლებლობა, დააგროვო სამუშაო გამოცდილება სწავლის პარალელურად
„ლიდერატორის პროგრამის შესახებ პირველად უნივერსიტეტში მეგობრებისგან გავიგე, რომლებსაც უკვე გავლილი ჰქონდათ ეს გზა. მათი გამოცდილება საკმაოდ საინტერესო იყო ჩემთვის. პროგრამის შესახებ უფრო მეტი კი უნივერსიტეტში, მეილით შევიტყვე.
სწავლის პერიოდში, ჩემთვის თეორიული ცოდნის მიღება უფრო პრიორიტეტული იყო. შესაბამისად, სამსახურის დაწყებისგან თავს ვიკავებდი.
თუმცა, მე-4 კურსზე გადასვლის შემდეგ მივხვდი, რომ უკვე საკმარისი დრო, ცოდნა და გამოცდილება დავაგროვე იმისთვის, რომ ცხოვრების ახალ ეტაპზე გადავსულიყავი. სწორედ ამიტომ არჩევანი ლიდერატორის პროგრამაზე შევაჩერე, რადგან ის ხელშეწყობა, რასაც სტუდენტური ცხოვრებისას ლიდერატორი გვთავაზობს, ჩემთვის გადამწყვეტი მნიშვნელობის მქონე აღმოჩნდა“.
ლიდერატორი - შესაძლებლობა, გაიარო 12 პროგრამიდან სასურველი
„თავისუფალი უნივერსიტეტის ბიზნესის სკოლაში სწავლისას კიდევ უფრო მეტად დავრწმუნდი იმაში, რომ მარკეტინგი ყველაზე მეტად მაინტერესებდა. სწორედ ეს მიმართულება ავირჩიე ლიდერატორის პროგრამაში, რათა სამუშაო გამოცდილება მიმეღო კომპანიაში, რომელიც თავისი მარკეტინგული კამპანიებით ყველასათვის გამორჩეული და დასამახსოვრებელია.
აპლიკაციის შევსების შემდეგ გავიარე ტესტირება, მივიღე დავალებები მიმართულებებისგან, რომელიც საკმაოდ საინტერესო აღმოჩნდა. ამ ეტაპების გავლისას ვრწმუნდებოდი, რომ სწორი არჩევანი გავაკეთე. საბოლოოდ გავიარე გასაუბრების პროცესი, სადაც თანამონაწილე ადამიანების მხარდაჭერის გამო მარტივად გადავლახე მღელვარებაც.
პირველივე დღიდან, როდესაც საქართველოს ბანკის მარკეტინგის გუნდს შევუერთდი, ვიგრძენი დიდი მხარდაჭერა, რაც ცხოვრების ახალი ეტაპის დაწყებისას ყველაზე მნიშვნელოვანი იყო. ამ გრძნობამ გამიმარტივა პირველი ნაბიჯების გადადგმა კარიერულ გზაზე, რასაც ყოველთვის თან ახლავს მღელვარება. საქართველოს ბანკში ბევრი რამ ვისწავლე და კიდევ უფრო ბევრი რამ, რაც აქამდე მხოლოდ თეორიაში ვიცოდი, პრაქტიკაში გამოვცადე. პირველ რიგში, აღვიქვი თუ რას ნიშნავს გუნდურობა სამუშაო გარემოში და მიხარია, რომ ეს ყველაფერი ბუნებრივად და თავისთავად მოხდა ადამიანების შეცნობასა და საქმეების თანაზიარობას შორის.
ლიდერატორი - როტაციის პრინციპი და განვითარების მუდმივი შესაძლებლობა
„ჩემ შემთხვევაში, მარკეტინგის მიმართულება მოიცავდა ორ როტაციას, ბრენდის მართვასა და საცალო ბიზნესის მარკეტინგს. ბრენდის მიმართულებით ჩემი პრაქტიკის პერიოდს დაემთხვა დიდი სპორტული პროექტები - საფეხბურთო, ოლიმპიური და პარალიმპიური კამპანიები. ამ პროექტებზე მუშაობისას მივხვდი, რომ ეს იყო ის, რაც მთელი ცხოვრება მინდოდა მეკეთებინა.
ამ პროექტებიდან გამოვყოფდი ფეხბურთის კამპანიას - „საქართველო ფორმაშია“, რომელიც ევროპის ჩემპიონატზე გასვლისას გვქონდა. ამ პერიოდში დავინახე თუ რა ძალა აქვს რწმენასა და ერთიანობას და როგორ შეუძლია ბრენდს ამ ერთიანობის შექმნაში მნიშვნელოვანი წვლილის შეტანა.
საცალო ბიზნესის როტაციისას ვმუშაობდი გუნდში, რომელიც მობილბანკისა და მასში შემავალი პროდუქტების განვითარებაზე ზრუნავდა. პროდუქტებზე მუშაობა დამეხმარა იმაში, რომ მომხმარებლების გადმოსახედიდან დამენახა პროცესები და პროდუქტები, რაც ამ სფეროში ჩემი აზრით, წარმატების მისაღწევად ერთ-ერთი უმნიშვნელოვანესი ფაქტორია.
ახლა, ჩემს კარიერას კვლავ საქართველოს ბანკის ბრენდის მიმართულებით ვაგრძელებ და მიმაჩნია, რომ ამ მიმართულებით კიდევ ბევრ საინტერესო და შეუცვლელ გამოცდილებას მივიღებ“.
ლიდერატორი - შესაძლებლობა, გახდე დიდი პროცესების თანამონაწილე
„ლიდერატორის პროგრამა გაძლევს შესაძლებლობას, გაეცნო კომპანიის შიდა სამზარეულოს, ნახო როგორ იქმნება მნიშვნელოვანი პროექტები დიდ კომპანიებში. ეს კი გაძლევს ღირებულ გამოცდილებას ამ პროცესებში თანამონაწილეობით. ყველაზე მნიშვნელოვანი ის არის, რომ პროგრამა სრულად არის მორგებული სტუდენტის სასწავლო გრაფიკზე.
ამის გათვალისწინებით, მიმაჩნია, რომ ყველა სტუდენტისთვის, რომელსაც ჩემ მსგავსად არ სურს სწავლას მოაკლოს დრო და თან სამუშაო გამოცდილების მიღება უნდა, ლიდერატორის პროგრამა კარგი შესაძლებლობაა პირველი ნაბიჯების გადასადგმელად.
ყოველი მომდევნო დღე ამ გარემოში ახალი გამოცდილებებითა და სიახლეებით არის მოცული, რაც ბევრად უფრო საინტერესოს ხდის ამ მოგზაურობას. ლიდერატორობა ჩემი ცხოვრების უმნიშვნელოვანესი ეტაპი იყო, რომელსაც სულ დადებითად გავიხსენებ.
განვითარების გზაზე გასავლელი ყოველი შემდეგი ეტაპი ჩემთვის ღელვასა და დიდ ფიქრთან ასოცირდება ხოლმე. ასე იყო უნივერსიტეტისა და პროფესიის შერჩევის მომენტშიც, გამონაკლისი არც პირველი სამსახურისკენ მიმავალი გზა აღმოჩნდა, თუმცა ამ გადმოსახედიდან მიმაჩნია, რომ ლიდერატორის პროგრამა ერთ-ერთი სწორი არჩევანი იყო“.
ინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები - საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი - STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.
საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს csr.bog.ge
დღის ტოპ 10 სიახლე
სხვა სიახლეები
როგორი იყო 2025 წელი mobineX-ისთვის
02.01.2026.18:00
mobineX-ი დიდ ბრიტანეთში დაფუძნებული პირველი ქართული წარმომავლობის კომპანიაა, რომელიც 2023 წლიდან აბონენტებს მაღალი ხარისხის როუმინგ ინტერნეტს სთავაზობს ხელმისაწვდომ ფასად მსოფლიოს გარშემო.
2025 წელი mobineX-ისთვის სიახლეებით იყო სავსე. კომპანიამ კიდევ უფრო გააფართოვა დაფარვის არეალი, გავიდა ახალ ბაზარზე, შეიძინა მეტი პარტნიორი, რამაც შესაძლებელი გახადა, მომხმარებლებისთვის მრავალფეროვანი და საინტერესო აქციების შეთავაზება.
ამ წლის მიღწევებზე, გამოწვევებსა და სამომავლო მიზნებზე უფრო დაწვრილებით კომპანიის მმართველი პარტნიორი და თანადამფუძნებელი, მარიამ კაკაბაძე გვესაუბრება.
- როგორ აფასებს mobineX-ი 2025 წლის მუშაობის შედეგებს - როგორ გაიზარდა მოთხოვნა თქვენს სერვისებზე და ზოგადად თქვენს მაგალითზე SIM და eSIM გაყიდვების საშუალო მაჩვენებელი?
- დავიწყებ იმ სიახლით, რომ 2025 წელს mobineX-მა ახალი გამოწვევა დაისახა მიზნად და მიხარია, ვთქვა, რომ ამ მიზანს წარმატებით მივაღწიეთ. mobineX-ი უკვე სომხეთის მასშტაბითაც აქტიურად ოპერირებს. ჩვენ გავცდით ქართულ ბაზარს, რაც გამოიხატება იმით, რომ საკმაოდ გაიზარდა აბონენტების სია სომხეთიდან.
გასული წლის განმავლობაში, mobineX-ის აბონენტების რაოდენობა ყოველდღიურად მატულობდა. მოთხოვნა როუმინგ ინტერნეტზე - ფიზიკურ და ელექტრონულ eSIM ბარათებზე სულ უფრო იზრდება. ბაზარი საშუალებას გვაძლევს, კიდევ უფრო მეტი ადამიანის ყურადღება მივიზიდოთ და ამ მხრივ აქტიურად ვმუშაობთ. ასევე ძალიან დიდ ყურადღებას ვაქცევთ ლოიალურობას, შესაბამისად, საინტერესო შეთავაზებები გვაქვს არამარტო პოტენციური მომხმარებლების ყურადღების მისაქცევად, არამედ არსებულის შესანარჩუნებლადაც.
- 2025 წელს რომელი იყო მომხმარებელთა მიერ ყველაზე ხშირად მოთხოვნილი რეგიონები/ქვეყნები?
- რთულია, ამ კითხვას ცალსახა პასუხი გავცეთ. ამ შემთხვევაში, გააჩნია სეზონს. ზაფხულის განმავლობაში, ყველაზე მოთხოვნადი საზღვაო კურორტები იყო - კვიპროსი, საბერძნეთი… ახალი წლის მოახლოებასთან ერთად ჩეხეთი და ავსტრია უფრო პოპულარული ლოკაციებია. არის მიმართულებები, რომლებიც მთელი წლის განმავლობაში მოთხოვნადია, მაგალითად - თურქეთი. ინტერნეტ პაკეტების მოთხოვნადობას სპორტული ივენთებიც განსაზღვრავს.
ამჟამად ჩვენი პოპულარული პაკეტების სიაში ნახავთ თურქეთის, ბელგიის, ავსტრიის, საფრანგეთის, გერმანიის, იტალიის, პოლონეთის, ჩინეთის ინტერნეტ პაკეტებს.
- იმისათვის, რომ კომპანიის მიერ გაწეული მომსახურების ხარისხი გაზრდილიყო და უფრო გაუმჯობესებულიყო, რა გააკეთა კომპანიამ და დაიმატა თუ არა ახალი პარტნიორები ამ კუთხით?
- ჩვენთვის ყველაზე მნიშვნელოვანია მომხმარებლების უკუკავშირი, ამიტომ პერიოდულად გამოკითხვას ვატარებთ, რათა სერვისების გაუმჯობესებაზე ვიზრუნოთ. ახალ იდეებსაც აბონენტებთან კომუნიკაციის საფუძველზე ვავითარებთ.
მაგალითად, იმის გათვალისწინებით, რომ ბოლო პერიოდში ძალიან აქტუალური გახდა ხელოვნური ინტელექტი, ჩვენც დავამატეთ შესაბამისი ფუნქციონალი - AI ასისტენტი, რომელიც აბონენტებს ინტერნეტ პაკეტის არჩევაში ეხმარება.
სერვისი რომ უფრო მრავალფეროვანი გაგვეხადა, mobineX-ის აპლიკაციას კიდევ ერთი ფუნქციონალი დაემატა - მისი დახმარებით შესაძლებელი გახდა დარეკვა მსოფლიოს ნებისმიერი წერტილიდან როგორც ფიქსირებულ, ასევე - მობილურ ნომრებზე ისე, რომ ზარის მიმღებს არ სჭირდება ინტერნეტთან წვდომა.
აუცილებლად უნდა აღინიშნოს ისიც, რომ mobineX-ს ჰყავს 24/7-ზე ქართულენოვანი მხარდაჭერის გუნდი, რომელიც მზად არის, აბონენტების კითხვებს უპასუხოს სხვადასხვა პლატფორმაზე. ამ წელს ეს სერვისები კიდევ უფრო დაიხვეწა და გაუმჯობესდა.
ჩვენ გვყავს სტაბილური და გამოცდილი საერთაშორისო პარტნიორები. მათი რიცხვი 2025-ში კიდევ უფრო გაიზარდა. სტრატეგიულ პარტნიორებთან ერთად მუდმივად გვაქვს საინტერესო შეთავაზებები, ვართ სპორტული ღონისძიებების აქტიური მხარდამჭერები და დროდადრო განსაკუთრებულ შეღავათებს ვთავაზობთ გულშემატკივრებს.
თქვენს სეგმენტში სახეზეა კონკურენციის ზრდა - ფაქტია, რომ სოციალურ ქსელებში უფრო მეტი შეთავაზებები და ახალ ახალი კომპანიები ჩანან - რა არის დღეს mobineX-ის კონკურენტული უპირატესობა?
- ჩვენთვის ამ ნიშაში კონკურენციის ზრდა მხოლოდ და მხოლოდ სასიხარულო ამბავია. ბაზრის გამრავალფეროვნება და ჯანსაღი კონკურენცია მომხმარებელს არჩევანის თავისუფლებას აძლევს. ასეთ დროს ჩვენი უპირატესობა დაგროვილი გამოცდილებაა. ჩვენ ვიყავით პირველები, ვინც ვთქვით, რომ შესაძლებელია, სამოგზაურო ინტერნეტი იყოს ხელმისაწვდომ ფასად და შეღავათიან პირობებს გავლენა არ ჰქონდეს სერვისის სტაბილურობაზე. ამ მიმართულებით mobineX-ი იყო ინოვატორი და დღესაც ასე განვაგრძობთ სვლას.
mobineX-ის მთავარი უპირატესობა სერვისების ხარისხში მდგომარეობს. გვაქვს პრეტენზია, რომ ჩვენი მომხმარებლები სარგებლობენ უსწრაფესი სამოგზაურო ინტერნეტით და სულ ხაზზე ვართ - ჩვენც და ისინიც. აქვე უნდა ვთქვა, რომ ჩვენი აბონენტები ხშირად ამბობენ, რომ mobineX-ის ინტერნეტი სტანდარტულზე ნელა იხარჯება, რაც მათ მოგზაურობის ხარჯებს უიაფებს. ბუნებრივია, აღნიშნული ჩვენი მნიშვნელოვანი უპირატესობაა. ამასთან, mobineX-ის როუმინგ ინტერნეტით სარგებლობის შემთხვევაში, ჩინეთში მოგზაურობისას აბონენტებს არ უწევთ VPN-ის გამოყენება. მსგავსი დეტალები საბოლოო ჯამში დიდ სხვაობას ქმნის, რასაც ჩვენი აბონენტები აფასებენ და ამიტომაც აკეთებენ არჩევანს - mobineX-ზე.
როგორ შეიცვალა თქვენი სერვისების კონფიგურაცია: დაამატეთ თუ არა ახალი პაკეტები, ინტერნეტ მოცულობები, eSIM-ის პირობები ან მიმართულებები?
- mobineX-ის კატალოგი ამ დროისთვის 1800-ზე მეტ ინტერნეტ პაკეტს აერთიანებს. გვაქვს სხვადასხვა საჭიროებისა და პრეფერენციების მომხმარებელზე მორგებული რეგიონალური და ლოკალური შეთავაზებები. მნიშვნელოვანია ისიც, რომ როუმინგ პაკეტები რამდენიმე ვალუტაშია ხელმისაწვდომი. ფიზიკურ ბარათებთან დაკავშირებითაც გვაქვს ამ წელს სიახლე. ჩვენი SIM ბარათების შეძენა უკვე თბილისის აეროპორტიდან სულ რამდენიმე მეტრში - სასტუმრო იბის ჰოტელშიც შესაძლებელია.
- რა არის თქვენი მთავარი მიზნები 2026 წლისთვის - მომხმარებელთა რაოდენობის ზრდა, მარკეტინგული აქტივობების გაძლიერება, სერვისების გაფართოება თუ ახალი ახალი ბაზრების მოძიება?
- ჩვენი მიზანია, mobineX-ის მომსახურება ყველასთვის იყოს ხელმისაწვდომი. როგორც აღვნიშნე, უკვე აქტიურად ვოპერირებთ სომხეთის ბაზარზე და სხვა მიმართულებებითაც დიდი ნაბიჯები გვაქვს გადადგმული. სამომავლოდ, მეტი ქვეყნის ათვისება გვაქვს გეგმაში. გარდა ამისა, კვლავაც ვიტოვებთ იმედს, რომ ერთ დღესაც ქართულ ბაზარზე შემოვალთ, როგორც ვირტუალური ქსელის მობილური ოპერატორი.
- 2026 წელს mobineX გეგმავს თუ არა ახალი სერვისების შეთავაზებას ბაზრისთვის და რა გეგმას ამუშავებს ამ მიმართულებით კომპანია?
- ცხადია, 2026 წელსაც არ შევწყვეტთ განვითარებას და აქტიურად განვაგრძობთ სერვისების გაუმჯობესებასა და გამრავალფეროვნებას. აქტიური მუშაობა მიმდინარეობს სხვადასხვა მიმართულებით. ასე რომ, ჩვენს აბონენტებს წინ დიდი სიურპრიზები ელით.
- როგორ აპირებთ მომხმარებელთა მხარდაჭერის გაუმჯობესებას და გამოცდილების უკეთეს საკომუნიკაციო/ტექნიკურ დონეზე აყვანას?
- ვფიქრობ, მომხმარებელთან კომუნიკაცია არის ყველაზე ღირებული და ჩვენი მოქმედების გეგმაც სწორედ უკუკავშირზეა დამყარებული. სამომავლოდაც ასე გავაგრძელებთ. mobineX-ს აქვს თავისი საკომუნიკაციო ენა, მოქნილი საფასო პოლიტიკა, მომხმარებელზე მორგებული ინტერნეტ შეთავაზებები, ხარისხიანი კავშირი, გამოცდილი პარტნიორები, რაც ჩვენი აბონენტებისთვის პრიორიტეტულია.
