გადაზიდვების ზოგიერთ მიმართულებაში ფასები წლის განმავლობაში 20-40%-ით არის გაზრდილი - Kairos logistics
მსოფლიოში არსებული გეოპოლიტიკური მდგომარეობიდან გამომდინარე მიმდინარე წელს ჩვენს ქვეყანაზე,როგორც აზიისა და ევროპის ,,გამტარ ხიდზე" მოთხოვნა საგრძნობლად გაიზარდა. შესაბამისად, ზრდადია ტარიფებიც, თუმცა ყველა სეგმენტზე თანაბრად არ ასახულა. როგორც Kairos logistics-ის დირექტორი მიხეილ ნამადოვი Business Insider Georgia - თან ამბობს, სატარიფო ცვლილება საწვავის გაძვირებასთან არის პირდაპირ კავშირში, თუმცა საკონტეინერო გადაზიდვების შემთხვევაში წინა წლის ანალოგიურ პერიოდთან შედარებით, ფასები საგრძნობლად შემცირებულია.
რაც შეეხება კომპანიის მიერ მიღწეულ შედეგს, მიხეილ ნამადოვის ინფორმაციით, კომპანიის სერვისებზე მოთხოვნა 55%-ით არის გაზრდილი.
,,Kairos logistics-ში მაქსიმალურად ვცდილობთ წვლილი შევიტანოთ ამ მოთხოვნის დასაკმაყოფილებლად, რაც საქართველოს ეკონომიკისთვის და განსაკუთრებით ლოგისტიკურ ინდუსტრიისთვის სტრატეგიულად მნიშვნელოვანი ნაბიჯი იქნება. გაზრდილი მოთხოვნიდან გამომდინარე, დავამატეთ 6300 კვადრატული მეტრის თერმო საწყობი,რომელიც ბუნებრივია ევრო სტანდარტის მოთხოვნებს პასუხობს. აღსანიშნავია ასევე ის ფაქტიც, რომ კომპანიის საქმიანობა წინა წელთან შედარებით დაახლოებით 55%-იან ზრდას განიცდის.
რაც შეეხება ტარიფებს, საგრძნობლად მოიმატა ტრანსპორტირების ხარჯმა, რაც გლობალური გარემოებებიდან გამომდინარეობს. გარკვეულ სექტორში აღინიშნება ფასების 20-40%-ით ზრდა, რაც საწვავის გაძვირებას უკავშირდება, საკონტეინერო გადაზიდვების მიმართულებაში ტრენდი საპირისპიროა და ფასები საგრძნობლად შემცირებულია", - აცხადებს ნამადოვი.
მისი თქმით, საახალწლო პერიოდში ასევე მნიშვნელოვანი ზრდაა მოსალოდნელი, რაც სეზონური ფაქტორით არის განპირობებული.
,,როგორც წესი, საახალწლო პერიოდში მოთხოვნა მნიშვნელოვნად იზრდება, რაც გამოწვეულია ბიზნეს სექტორის საჭიროებებიდან, შეავსონ მარაგები მომხმარებლის გაზრდილი მოთხოვნის დასაკმაყოფილებლად. გაზრდილი მოცულობის სამართავად კი ბუნებრივია საჭიროა უფრო ეფექტური ლოგისტიკა, ტრანსპორტირება და დასაწყობება", - აცხადებს კომპანიის დირექტორი.
ცნობისთვის, Kairos Logistics 2013 წელს შეიქმნა. კომპანია ჯამში ათამდე ქვეყანაშია წარმოდგენილი.
დღის ტოპ 10 სიახლე
სხვა სიახლეები
EBRD-ი $20 მილიონამდე დაფინანსებას „დარ ინვესტს“ გამოუყოფს, თანამსესხებელი კი სამშენებლო და სარემონტო მასალების სავაჭრო ქსელი „მოდუსია“
13.11.2026.08:27
EBRD-ისგან $20 მილიონამდე დაფინანსებას უძრავი ქონების დეველოპერული კომპანია „დარ ინვესტი“ მიიღებს, თანამსესხებელი კი სამშენებლო და სარემონტო მასალების სავაჭრო ქსელი „მოდუსია“.
სესხის სახით მიღებული თანხა სამშენებლო და სარემონტო მასალების ჰიპერმარკეტის განვითარებას მოხმარდება („პროექტი“). პროექტის სავარაუდო ღირებულება 37 მილიონ აშშ დოლარს შეადგენს, ხოლო გასაქირავებელი ფართობი (GLA) 37 ათასი კვადრატული მეტრი იქნება, რომელიც რამდენიმე ფუნქციურ ზონად დაიყოფა: შოურუმები, სასაწყობე სივრცეები, საოფისე ფართობები და მიწისქვეშა ავტოსადგომი.
პროექტი მიზნად ისახავს EDGE-ის საერთაშორისო მწვანე შენობის სერტიფიკატის მიღებას. შესაბამისად, მოსალოდნელია, რომ ის საქართველოში მწვანე შენობების სერტიფიცირების მიმართულებით მნიშვნელოვან პრეცედენტს შექმნის და მომავალში სხვა კომპანიებსაც წაახალისებს, განახორციელონ მსგავსი მდგრადი განვითარების ინიციატივები.
20 ნოემბერს გაიმართება eKalata.gov.ge-სა და საბანკო ტარიფების შედარების პორტალის პრეზენტაცია
12.11.2026.20:53
საქართველოს ბანკისა და UN Women-ის ინიციატივით, ხელოვნური ინტელექტის ეპოქის შესაძლებლობებზე პანელური დისკუსია გაიმართა
12.11.2026.18:55
