ფსიქოთერაპიული სივრცის შესახებ

ფსიქოთერაპიული სივრცე არის თერაპიული პლატფორმა, რომელიც ადამიანებს სთავაზობს უსაფრთხო და სანდო გარემოს ემოციების გამოხატვისა და ფსიქოლოგიური მხარდაჭერის მისაღებად. სივრცის მისიაა ხელი შეუწყოს პიროვნულ ზრდასა და ემოციურ კეთილდღეობას, ხოლო მისი ხედვა ეფუძნება რწმენას, რომ ფსიქოთერაპიული პროცესის ცენტრში ყოველთვის ადამიანი უნდა იდგეს.

სივრცე მუშაობს ინდივიდუალურ, წყვილურ და ჯგუფურ ფორმატებში და ეყრდნობა გეშტალტის მიდგომასა და არტ-თერაპიის ელემენტებს, რაც მის სერვისებს უფრო ღრმა, ადამიანზე გათვლილ და პრაქტიკულ ხასიათს ანიჭებს.

ფსიქოთერაპიული სივრცის ისტორია

ფსიქოთერაპიული სივრცე 2022 წელს დაარსდა ნინო კერესელიძის მიერ, თუმცა მისი პროფესიული გზა ბევრად ადრე — 13 წელზე მეტი ხნის წინ დაიწყო.

2025 წელი განსაკუთრებით მნიშვნელოვანი იყო ნინოსთვის. ხორვატიაში, ევროპის გეშტალთ თერაპევტთა ასოციაციის საერთო კრებაზე, ის აირჩიეს კონფერენციების კომიტეტის წევრად. ეს აღიარება არა მხოლოდ პროფესიული მიღწევა იყო, არამედ მტკიცებულება იმისა, რომ ფსიქოთერაპიული სივრცის ღირებულებები — ეთიკა, პასუხისმგებლობა და ადამიანის მხარდაჭერა — საერთაშორისოდაც არის დაფასებული.

გარდა ამისა, ნინო არის EAGT აკრედიტაციის მქონე გეშტალტ ფსიქოტერაპევტი და საქართველოს გეშტალტ თერაპევტთა ეროვნული ასოციაციის – ადამიანის უფლებების და სოციალური პასუხისმგებლობების კომიტეტის თავმჯდომარე.

პრაქტიკული მუშაობის გარდამ ნინო აქტიურად არის ჩართული აკადემიურ საქმიანობაში, როგორც მოწვეული ლექტორი სულხან-საბა ორბელიანისა და ალტე უნივერსიტეტებში.

რებრენდინგი და ახალი პროდუქტი

2025 წელი ფსიქოთერაპიული სივრცისთვის იყო გარდამტეხი. განხორციელდა სრული რებრენდინგი, რომლითაც ბრენდის ვიზუალური იდენტობა განახლდა და შესაბამისობაში მოვიდა მის ღირებულებებთან. 

ახალი ლოგო, რომელიც ხელით არის შექმნილი, ასახავს სივრცის მთავარი იდეას — ადამიანს, როგორც სამყაროს ცენტრს. ამ გზით განხორციელებული ცვლილება იყო არა მხოლოდ ვიზუალური განახლება, არამედ კონცეპტუალური შეხედულება ბრენდისადმი, სადაც ცენტრალური ადგილი უკავია ინდივიდს, მის გამოცდილებასა და შინაგან პროცესს.

შეჯამების სახით, შეიძლება ითქვას, რომ 2025 წელი განსაკუთრებით მნიშვნელოვანი აღმოჩნდა ფსიქოთერაპიული სივრცისთვის. რებრენდინგისა და საერთაშორისო აღიარების პარალელურად, ამ წელსვე გამოვიდა ფსიქოთერაპიული სივრცის პროდუქტი Arothera Space Box - საქართველოში პირველი, ხელნაკეთი ინდივიდუალური თვითრეფლექსიის ნაკრები, რომელიც მის მასპინძელს ეხმარება აღქმის ხუთივე ორგანოს აქტივაციასა და თერაპიული გამოცდილების პირად სივრცეში გაგრძელებაში. 

2026 წელს ფსიქოთერაპიული სივრცე აპირებს სერვისების გაფართოებასა და ახალი ინიციატივების დანერგვას, რათა ფსიქოთერაპიული მხარდაჭერა უფრო ხელმისაწვდომი და ყოველდღიურ ცხოვრებაში ინტეგრირებული გახდეს.

www.therapyspace.ge
Facebook
Instagram