„ფრუტერამ“ ასორტიმენტი გააფართოვა
„ფრუტერა“ არის ქართული საოჯახო ბიზნესი, რომელიც 2021 წელს დაარსდა. კომპანია ქმნის ნატურალური ხილის პროდუქტებს, ძირითადად კი ორიენტირებულია ჩირის წარმოებაზე კონსერვანტების, ემულგატორებისა და შაქრის დანამატების გარეშე. „ფრუტერამ“ ასორტიმენტი გააფართოვა და ჯანსაღი წვენების წარმოება დაიწყო. ამის შესახებ, Business Insider Georgia -ს კომპანიის დამფუძნებელმა დავით გელუტაშვილმა განუცხადა.
„გავაფართოვეთ ასორტიმენტი და დავიწყეთ ჯანსაღი წვენების წარმოება, რომელშიც არ გამოიყენება არანაირი დანამატი, არც შაქარი, არც კონსერვანტი. ბაზარზე წარმოდგენილი უმრავლესი წვენებისგან განსხვავებით, ჩვენი პროდუქტი ბევრად უფრო სქელია, რადგან შეიცავს რბილობს. ეს კი აუმჯობესებს წვენის თვისებებს. ის არამხოლოდ სასიამოვნოა დასალევად, არამედ ნამდვილად სასარგებლოა ორგანიზმისთვის. რბილობი შეიცავს ბოჭკოს, რომელიც აუცილებელია კუჭ-ნაწლავის ნორმალური მუშაობისთვის.
ჩვენი წვენები არ არის მხოლოდ სითხე, სადაც ხილის ფრუქტოზაა კონცენტრირებული , არამედ ის წარმოადგენს ნატურალურ პროდუქტს, რომელიც ბოჭკოთი და ნამდვილი ხილის მახასიათებლებით არის გამდიდრებული.
ბაზარზე ხშირად გვხვდება მაგალითად, ფეიხოას წვენი, რომელიც მხოლოდ 5%-ით შეიცავს ფეიხოას ექსტრაქტს, დანარჩენი კი ვაშლის წვენია ან წყალი არომატიზატორებით. მომხმარებელს შეუძლია თავად გადაამოწმოს შემადგენლობა ეტიკეტზე. ჩვენი მიდგომა სრულიად განსხვავებულია, არ ვიყენებთ კონცენტრანტებს და არ ვანაცვლებთ ხილის წვენს სხვა ინგრედიენტებით.
ამ ეტაპზე გვაქვს შემდეგი სახეობის წვენები:
• გარგარის წვენი - 100% გარგარი;
• ქლიავის წვენი - 100% ქლიავი;
• ტყემლის წვენი - 100% ტყემალი (გამოირჩევა მკვეთრად მჟავე გემოთი, რაც ყველასთვის მისაღები არ არის);
• ტყემლისა და ქლიავის ნაზავი - 50/50% (ქლიავი შედარებით ტკბილია, ხოლო ტყემალი მჟავე, ამიტომ ნაზავი საშუალო გემოს იძლევა მათთვის, ვინც ძალიან მჟავეს ვერ იღებს).
წვენები უკვე ხელმისაწვდომია მომხმარებლისთვის. შარშან სატესტო რეჟიმში გამოვუშვით შინდისა და ღოღნაშოს წვენები, თუმცა ისინი შედარებით დიდ შეფუთვებში იყო წარმოდგენილი. წელს კი დაგეგმილია მათი ჩამოსხმა 250 მლ-იან ბოთლებში. სამომავლოდ დაგეგმილია ალუჩისა და სხვა სახეობის წვენების დამატებაც “, - ამბობს კომპანიის დამფუძნებელი.
აღსანიშნავია, რომ იგეგმება პროდუქციის ისეთი ობიექტებისთვის მიწოდება და თანამშრომლობა, რომლებებიც ჯანსაღი ცხოვრების წესის პოპულარიზაციას ემსახურებიან. ამ ეტაპზე წვენები ხელმისაწვდომია მხოლოდ ერთ პატარა არაქსელურ მაღაზიაში - გლდანში, ხიზანიშვილის I ნომერში. გარდა ამისა, მომხმარებელს შეუძლია პროდუქციის შეძენა ფეისბუქ გვერდის საშუალებით. მიწოდების სერვისი მოქმედებს მთელი საქართველოს მასშტაბით.
დღის ტოპ 10 სიახლე
სხვა სიახლეები
11.07.2025.18:00
Escapers • ესქეიფერები ტურისტული კომპანიაა, რომელიც 2023 წლიდან ოპერირებს ბაზარზე. მეტი ინფორმაციისთვის Business Insider Georgia კომპანიის გაყიდვების ხელმძღვანელს ანი კეკელიას ესაუბრა.
როგორია კომპანიის საქმიანობის სპეციფიკა, როდის დაიწყეთ საქმიანობა და რას სთავაზობთ მომხმარებლებს?
ტურისტული კომპანია „ესქეიფერები“ 2023 წლის ზაფხულიდან ოპერირებს გამყვანი ტურიზმის მიმართულებით. კომპანია გაერთიანებულია All Travel Services-ის ჰოლდინგში, რომელიც 12 წელზე მეტია წარმატებით საქმიანობს ავიაციისა და ტურიზმის სფეროში. ჰოლდინგში ასევე შედის:
• ATS Ground Handling – საავიაციო სერვისები;
• Georgian Travel Club – შემომყვანი ტურიზმი;
• QRENT – მანქანების გაქირავება.
„ესქეიფერები“ სთავაზობს მომხმარებლებს სრულ სერვისს უცხოეთში მოგზაურობისთვის:
• ავიაბილეთები;
• სასტუმროების დაჯავშნა;
• ტრანსფერები;
• დაზღვევა;
• ღონისძიებების ბილეთები;
• ტურისტული პაკეტები;
• თემატური ტურები და კრუიზები.
ჩვენ ვქმნით არასტანდარტულ, ინდივიდუალურად მორგებულ, შთამბეჭდავ გამოცდილებებს, „ესქეიფერების“ მიზანია გაამარტივოს, გააბედნიეროს და გაამრავალფეროვნოს მოგზაურობის პროცესი.
როგორ აფასებთ მოთხოვნას ზოგადი თვალსაზრისით?
ტურისტული ბაზარი აქტიურად აღდგა პანდემიის შემდგომ და მოთხოვნაც გაიზარდა. მოგზაური ეძებს უსაფრთხოებას და სიმარტივეს. სწორედ ამაზეა ჩვენი კომპანია ორიენტირებული.
მოთხოვნა ძირითადად მოდის შემდეგ სეგმენტებზე:
• ახალგაზრდები და სტუდენტები;
• ოჯახები;
• კორპორატიული ჯგუფები;
• მაღალი შემოსავლის მქონე მოგზაურები.
„ესქეიფერების“ მრავალფეროვანი შეთავაზებები და მოქნილი პირობები მაქსიმალურად პასუხობს ბაზრის მოთხოვნებს. მომხმარებელთა კმაყოფილება, განმეორებითი ჯავშნები და რეკომენდაციები არის ამის ნათელი დასტური.
რას მიიჩნევთ კომპანიის კონკურენტულ უპირატესობად?
ჩვენი ძირითადი კონკურენტული უპირატესობები არის:
• ჰოლდინგური რესურსი და გამოცდილება – გვაძლევს სტაბილურობასა და პროფესიონალურ მხარდაჭერას;
• მაღალი ხარისხის ინდივიდუალური სერვისი – ყოველი ტური მაქსიმალურად მორგებულია მომხმარებელზე;
• 24/7 კონსულტაცია – მუდმივი კომუნიკაცია მოგზაურებთან;
• ინოვაცია – ციფრული არხების და თანამედროვე ტექნოლოგიების ინტეგრაცია;
• სოციალური პასუხისმგებლობა – მდგრადი და ეთიკური ტურიზმის მხარდაჭერა;
• ექსკლუზიური პარტნიორები – სანდო პარტნიორები და განსაკუთრებული შეთავაზებები.
ეს მიდგომა საშუალებას გვაძლევს ვიყოთ გამორჩეული არამხოლოდ სერვისით, არამედ ღირებულებებითაც.
როგორია კომპანიის სამომავლო გეგმები?
ჩვენი სტრატეგიული ხედვა მიმართულია გაფართოებაზე. მომავალში ვგეგმავთ:
• ახალი მიმართულებების დამატება — მათ შორის, ნაკლებად პოპულარულ მაგრამ საინტერესო ქვეყნებში;
• ინოვაციური ტურისტული პროდუქტების შექმნა — თემატური, გამაჯანსაღებელი, ჯგუფური და კრეატიული ტურები;
• ციფრული სერვისების გაუმჯობესება – ონლაინ დაჯავშნის პლატფორმის განვითარება;
• მრავალფეროვანი B2B პარტნიორობების გაფართოება – საერთაშორისო გამოფენებში მონაწილეობის გზით.
თანამედროვე და შინაარსით მდიდარი ტურიზმი არამარტო მოგზაურის, არამედ ქვეყნის განვითარების ნაწილია – ამ მიმართულებითაც ვაგრძელებთ მუშაობას.
ჩვენ გვჯერა, რომ „ესქეიფერები“ იქცევა რეგიონში ერთ-ერთ ყველაზე მნიშვნელოვან მოთამაშედ გამყვანი ტურიზმის სფეროში.
აღსანიშნავია, რომ კომპანიის მთავარი მიზანი თითოეული მომხმარებლის კეთილგანწყობა და სანდოობაა.