ფოთისა და ბაქოს ნავსადგურებს შორის სპეციალური ბლოკ-მატარებელი დაინიშნა

ბიზნესი

როგორია ხელნაკეთი ჩანთებისა და აქსესუარების მწარმოებელი ბრენდი JOLLY-ის სიახლეები, 2025 წლის შედეგები და განვითარების გეგმები

30.01.2026.14:00

JOLLY ხელნაკეთი ჩანთებისა და აქსესუარების მწარმოებელი ბრენდია, რომელიც ბაზარზე 2019 წლიდან ოპერირებს. Business Insider Georgia კომპანიაში არსებულ სიახლეებზე, 2025 წლის შედეგებსა და სამომავლო გეგმებზე კომპანიის დამფუძნებელს, ანასტასია ბაგრატიონს ესაუბრა.

როგორია კომპანიის მიმდინარე სიახლეები?

ამჟამად, ჩვენი ბრენდი ახალი პროდუქტების დამატებაზე აქტიურად მუშაობს. ვცდილობთ არ ჩამოვრჩეთ სიახლეებს და ჩვენი მომხმარებლების დღეები „ჯოლის“ ფერადი აქსესუარებით გავახალისოთ.

როგორ აფასებთ მოთხოვნას ზოგადი თვალსაზრისით?

მოთხოვნა საკმაოდ მზარდია, დაინტერესებას ყოველდღიურად ვგრძნობთ მომხმარებლების საოცრად დადებითი უკუკავშირით, რაც უდიდეს სტიმულს გვაძლევს, ვაკეთოთ ჩვენი საყვარელი საქმე - გავაფერადოთ მათი დღეები. ჩვენი მომხმარებლების ძალიან დიდი ნაწილი ლოიალურია, ბრუნდებიან და კვლავ იძენენ „ჯოლის“ პროდუქციას, რაც უმნიშვნელოვანესია ჩვენთვის, როგორც მომხმარებლებზე ორიენტირებული ბრენდისთვის.

როგორ აფასებთ 2025 წელს?

2025 წელი ბევრი გამოწვევით სავსე იყო. ვმუშაობდით რამდენიმე ახალ პროდუქტზე, რომელიც წლის ბოლოს, საახალწლოდ ჩავუშვით გაყიდვაში, რამაც საკმაოდ დიდი დაინტერესება და მოწონება გამოიწვია.

როგორია 2026-ის გეგმები განსაკუთრებით გაფართოების/ასორტიმენტის ზრდის მიმართულებით?

2026 წელს ბევრი სიახლე გვექნება ახალი პროდუქტების დამატებას კუთხით. ვიმედოვნებთ, რომ ჩვენი საყვარელი მოხმარებლები მათ იგივენაირად შეიყვარებენ. ვცდილობთ გავითვალისწინოთ თითოეული მათგანის რეკომენდაცია, იმისათვის, რომ პროდუქცია მაქსიმალურად მათზე მორგებული იყოს და მათ ინდივიდუალიზმს გაუსვას ხაზი.