2026 წლიდან ბრენდმა რებრენდინგი განიცადა და ამჟამად ბაზარზე LI.O-ს სახელით პოზიციონირებს , - ამის შესახებ Business Insider Georgia-ს კომპანიის დამფუძნებელმა, ლიკა კიკნაძემ განუცხადა.

„განვახორციელეთ რებრენდინგი და ახალი წლიდან ბაზარზე LI.O-ს სახელით ვოპერირებთ, რაც ჩვენი ბრენდის განვითარების ახალ ეტაპს ნიშნავს.

კვალიფიკაციის ასამაღლებლად და ახალი, დახვეწილი მოდელების შექმნის მიზნით, „ნიუ ვიჟენ“ უნივერსიტეტში გავიარე სასწავლო კურსი თათა ვარდანაშვილის ხელმძღვანელობით, ჩანთებისა და აქსესუარების მიმართულებით. აღნიშნულმა კურსმა მომცა ცოდნა და შესაძლებლობა, ნატურალური მასალისგან შემექმნა ახალი, ტექნიკურად უფრო რთული, და მომხმარებლისთვის საინტერესო მოდელები. ამ ყველაფერმა მნიშვნელოვნად გაზარდა ინტერესი ბრენდის მიმართ და დადებითად აისახა გაყიდვებზეც “, - ამბობს ლიკა კიკნაძე.

ამჟამად, ბრენდი 20-მდე სახეობის განსხვავებულ მოდელს აერთიანებს.

„ამ დროისთვის ჩვენი ბრენდი აერთიანებს 20-მდე განსხვავებული სტილისა და ემოციის მოდელს, შექმნილს მომხმარებლისთვის სასურველი მასალებით, ფერებითა და ზომებით. ჩვენი მიზანია მომავალში კიდევ უფრო მეტი გამორჩეული დიზაინის შემუშავება და კოლექციის გაფართოება. ვაგრძელებთ განვითარებას, რათა მომხმარებელს შემოვთავაზოთ მაღალი ხარისხის და უნიკალური სტილის პროდუქცია “, - აღნიშნავს ბრენდის დამფუძნებელი.

ბრენდი მომავალში თათა ვარდანაშვილთან კოლაბორაციას გეგმავს.

„სულ მალე LI.O მომხმარებელს განსაკუთრებულ კოლაბორაციას შესთავაზებს. ერთობლივი ხედვა, სტილი და დეტალები ახალ ისტორიას შექმნის.

ჩანთებისა და აქსესუარების წარმოებას თათა ვარდანაშვილის სახელოსნოში პირადად ვუხელმძღვანელებ “, - აცხადებს ლიკა კიკნაძე.