ევროპის ქვეყნებში ქართული ღვინის ექსპორტის მაჩვენებლები მზარდია
2025 წელს, საქართველოდან ევროპის 30-მდე ქვეყანაში ექსპორტირებული იყო 11,5 მლნ ლიტრი 38,7 მლნ აშშ დოლარის ღირებულების ღვინო. ღვინის ექსპორტით მიღებული შემოსავლები, 2024 წელთან შედარებით, 7%, ხოლო რაოდენობა 2%-ით გაიზარდა.
გასულ წელს, ქართული ღვინო ევროპის ქვეყნებიდან ყველაზე დიდი რაოდენობით პოლონეთში გაიყიდა, სადაც 6,8 მლნ ლიტრი ღვინო იყო ექსპორტირებული. მეორე ადგილზე გერმანია - 1,3 მლნ ლიტრი, შემდეგ ლატვია - 1,2 მლნ ლიტრი, ლიეტუვა - 703,5 ათასი ლიტრი, დიდი ბრიტანეთი - 327,7 ათასი ლიტრი, ესტონეთი 271 ათასი ლიტრი და ა.შ.
ექსპორტის ზრდა აღსანიშნავია მეღვინეობით სახელგანთქმულ ისეთ ქვეყანაში, როგორიც საფრანგეთია, სადაც ქართულ ღვინოზე, განსაკუთრებით კი, ქვევრის ღვინოზე, მოთხოვნა მუდმივად მზარდია: 2025 წელს ექსპორტირებული იყო 133 ათასამდე ლიტრი; ზრდამ, 2024 წელთან შედარებით, 63% შეადგინა.
ღვინის ეროვნული სააგენტოს საქმიანობის ერთ-ერთ ძირითად მიმართულებას საერთაშორისო ბაზრებზე ქართული ღვინის პოპულარიზაცია და ცნობადობის ამაღლება წარმოადგენს. ევროპის ქვეყნებიდან ქართული ღვინის სტრატეგიული ბაზრებია დიდი ბრიტანეთი, გერმანია და პოლონეთი, ასევე პრიორიტეტულია სკანდინავიის ქვეყნები, სადაც სააგენტო ბაზრების დივერსიფიცირების მიზნით, სარეკლამო-მარკეტინგულ კამპანიებს ახორციელებს. ღვინის ეროვნული სააგენტოს ფინანსური მხარდაჭერით, ქართული ღვინის კომპანიები მონაწილეობენ ევროპის ყველა მნიშვნელოვან ღვინისა და ალკოჰოლიანი სასმელების საერთაშორისო გამოფენებში.
დღის ტოპ 10 სიახლე
სხვა სიახლეები
როგორია „ჯამბოს“ 2026 წლის გეგმები
15.01.2026.14:00
„ჯამბო“ არის პირველი ქართული ყავის ბრენდი, რომელიც მომხმარებელს ადგილობრივად მოხალულ ყავას სთავაზობს სუპერმარკეტში. ბრენდი ბაზარზე 2025 წლის აპრილიდან ოპერირებს. კომპანიის 2026 წლის გეგმებზე, Business Insider Georgia - ს ნიკორა ტრეიდის ყავის განვითარების ხელმძღვანელი თათია ზარქუა ესაუბრა.
„2026 წელს ვგეგმავთ „ჯამბოს“ ყავის (როგორც მარცვლის ასვე ნალექნიანი ყავის) გაყიდვას როგორც ნიკორას სუპერმარკეტებში, ასევე სხვადასხვა ონლაინ პლატფორმებზე. მიზნად გვაქვს მომხმარებლისთვის სეზონური სიახლეების შეთავაზება და მუდმივად პროდუქტის განახლება.
ასევე, ვგეგმავთ საქართველოს სხვადასხვა რეგიონში კიდევ უფრო მეტი აპარატის
განთავსებას.
2026 წლის ბოლოსთვის ჩვენი მიზანია, რომ ბაზარზე მინიმუმ 300 აპარატით ვიყოთ წარმოდგენილები.
„ჯამბოს“ გრძელვადიანი ხედვაა მომხმარებლისთვის ყოველთვის საინტერესო,
მაღალი ხარისხის და ხელმისაწვდომი პროდუქტის შეთავაზება და იმ სეგმენტში ლიდერობა,სადაც სიახლეები და კომფორტი ერთმანეთთან თანხვედრაშია ", - აცხადებს თათია ზარქუა.
ცნობისთვის, ამჟამად "ჯამბო" მხოლოდ თვითმომსახურების აპარატების სახით არსებობს. კომპანია ყავის იმპორტს, ძირითადად, აფრიკისა და ლათინური ამერიკის ქვეყნებიდან ახორციელებს, როგორიცაა ეთიოპია, კენია, ბრაზილია, კოლუმბია.
2026 წლის საქართველოს სამთო-სათხილამურო რეგიონული თასის პირველი ეტაპი მესტიაში გაიმართება
15.01.2026.11:36
2025 წელს ექსპორტის ზრდა და პროდუქტის საშუალო ფასების ზრდის ტენდენცია ფიქსირდება - რა წერია GCCA თხილის ბაზრის მონიტორინგის შუალედურ ანგარიშში
15.01.2026.11:30
Vortex Fitness ფილიალების რაოდენობის ზრდას გეგმავს - ახალი შესაძლებლობები მომხმარებლებისთვის
14.01.2026.18:00
დიდი რაოდენობით თოვლი და გაზრდილი დატვირთულობა - როგორ აფასებს Best Western Gudauri-ს მფლობელი ზამთრის ტურისტულ სეზონს
14.01.2026.16:00
ხელოვნური ინტელექტი, სწრაფი გადაზიდვები და ახალი ფილიალები - Sanex ლოგისტიკის ბაზარზე პოზიციების გამყარებას განაგრძობს
14.01.2026.12:00
