Emaar-ის შემოსვლა საქართველოში სხვა ინვესტორებისთვისაც იქნება წამახალისებელი გზავნილი - ლევან დავითაშვილი
„Emaar - ის არის ძალიან ცნობილი კომპანია, ცნობადი ბრენდი, სახელი და ასევე გამოცდილი პარტნიორი. ვფიქრობ, მისი საქართველოს ბაზარზე შემოსვლა წაახალისებს მთლიანად სექტორს და ახალ სტანდარტებს შემოიტანს, რაც ვფიქრობ, დარგის სხვა წარმომადგენლებს გარკვეულწილად მიეხმარება,“ - განაცხადა პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა ეკონომიკურ ფორუმზე, რომელზეც განხილულ იქნა საქართველოს საინვესტიციო პოლიტიკა და ახალი შესაძლებლობები. მისი შეფასებით, არაბთა გაერთიანებული საამიროების ერთ-ერთი უმსხვილესი დეველოპერის Emaar Properties/Eagle Hills - ის საქართველოში შემოსვლა ჩვენი ქვეყნის საერთაშორისო ცნობადობას გაზრდის და სხვა ინვესტორებისთვისაც იქნება წამახალისებელი გზავნილი.
აღსანიშნავია, რომ Emaar Properties/Eagle Hills - ი საქართველოში უძრავი ქონებისა და ტურისტულ სექტორებში რეკორდულ ინვესტიციას განახორციელებს 6 მლრდ აშშ დოლარის ოდენობით. უშუალოდ საამიროებში Emaar Properties-ისა და Eagle Hills-ის მსხვილ პროექტებს განეკუთვნება დღეისათვის მსოფლიოს ყველაზე მაღალი ცათამბჯენი ბურჯ-ხალიფა, დუბაი მოლი, ფეშენებელური დეველოპერული კომპლექსი რამანის კუნძულებზე აბუ-დაბიში, პროექტები Dubai Marina-ს ელიტურ საკურორტო ზონასა და სხვ.
დღის ტოპ 10 სიახლე
სხვა სიახლეები
შუა აზიისთვის ალტერნატიული მარშრუტებიდან საქართველო ერთ-ერთი ყველაზე სტაბილური პარტნიორია - მიხეილ ნამადოვი
06.11.2026.19:00
მხოლოდ წელს დაახლოებით 30 000 კვადრატული მეტრი A კლასის სასაწყობე ფართობი შევიყვანეთ ექსპლუატაციაში, - ამის შესახებ Kairos Logistics-ის გენერალურმა დირექტორმა, მიხეილ ნამადოვმა ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.
„სასაწყობე მეურნეობებისა და ლოგისტიკური ცენტრების თვალსაზრისით, ვფიქრობ, რომ საწყის პერიოდში ვართ. განვითარების საკმაოდ დიდი პოტენციალი არსებობს. ჩვენ მხოლოდ წელს დაახლოებით 30 000 კვადრატული მეტრი A კლასის ფართობი შევიყვანეთ, შეგვყავს უკვე ექსპლუატაციაში და იმავე ტრენდის შენარჩუნებას ვაპირებთ მომავალ წლებშიც, სულ მცირე.
გარდა ამისა, მოთხოვნას ზრდის როგორც შიდა ბაზარი, ისე ელექტრონული კომერცია და ქსელების განვითარება. ასევე, სატრანზიტო ტვირთების გადამუშავებას აპრიორი სჭირდება ეს მომსახურება, განსაკუთრებით საბაჟო საწყობების თვალსაზრისით.
ხშირად მითქვამს და გავიმეორებ: საქართველოში ერთ-ერთი საუკეთესო საბაჟო პროცედურები გვაქვს ტრანზიტის რეჟიმში ტვირთების მართვის კუთხით და ამ პოტენციალს მაქსიმალურად ვიყენებთ, განსაკუთრებით მაშინ, როცა შუა აზიაზეა საუბარი, ვინაიდან ვიცით, რა მდგომარეობაშიც არიან. ალტერნატივა მხოლოდ ირანი, საქართველო და რუსეთია და დღევანდელ პირობებში ჩვენ მათთვის ერთ-ერთი ყველაზე სტაბილური პარტნიორი ვართ“, - აცხადებს მიხეილ ნამადოვი.
როგორ აფასებს Georgias Natural Organic Anuga Select India 2026-ში მონაწილეობას და რა გეგმები აქვს კომპანიას სამომავლოდ
06.11.2026.18:00
მოამზადე ავტომობილი ზამთრისთვის „თეგეტა მოტორსის“ ნოემბრის შეთავაზებებით და გაიარე მეტი
06.11.2026.15:12
ჩვენი მოლოდინით, საქართველოს ეროვნული ბანკი ზომიერად მკაცრ მონეტარულ პოლიტიკას უფრო ხანგრძლივი პერიოდის განმავლობაში შეინარჩუნებს - Galt & Taggart
06.11.2026.14:00
