“ELT GROUP”-მა ბათუმში, ამერიკულ Wyndham Hotel Group-თან პარტნიორობით, რეგიონში პირველი LA QUINTA BY WYNDHAM-ის სასტუმრო გახსნა
ბათუმში სასტუმრო La Quinta by Wyndham Batumi (ლა ქინთა ბაი უინმდემ) გაიხსნა, რომელიც საქართველოს სწრაფად მზარდ შავი ზღვის რეგიონს ტურისტული თვალსაზრისით, კიდევ უფრო მიმზიდველს გახდის. სასტუმრო La Quinta ქართული სამშენებლო - დეველოპერული კომპანია ELT GROUP- ისა და მსოფლიოს უმსხვილესი ამერიკული სასტუმრო ქსელის – Wyndham Hotel Group-ის ერთობლივი პროექტია და პირველია არამარტო საქართველოში, არამედ კავკასიის რეგიონში. La Quinta - ს ბრენდის სასტუმრო ბათუმში, ახალი ბულვარის მიმდებარედ, „იელთი კვარტალის“ ტერიტორიაზე მდებარეობს.
La Quinta სტუმრების მისაღებად მზად არის. ოფიციალური გახსნის ცერემონიალი ქალაქ ბათუმში 8 მაისს გაიმართა, რომელსაც საქართველოს აღმასრულებელი ხელისუფლების, ადგილობრივი თვითმმართველობის, ბიზნეს სექტორისა და დიპლომატიური კორპუსის, მათ შორის აშშ- ს, თურქეთის, აზერბაიჯანისა და სომხეთის საელჩოს წარმომადგენლები ესწრებოდნენ. ღონისძიებაში მონაწილეობა მიიღეს, აჭარის ფინანსთა და ეკონომიკის მინისტრმა ჯაბა ფუტკარაძემ, ბათუმის მერმა არჩილ ჩიქოვანმა და “იელთი ჯგუფის” ადგილობრივმა და უცხოელმა პარტნიორებმა.
La Quinta by Wyndham Batumi-ი, ქართულ-ამერიკული პროექტია, რომელიც მხარეებს შორის, წარმატებული კოლაბორაციის შედეგად განხორციელდა. Wyndham - ისა და ELT Group - ის მისიაა, სასტუმროს სერვისები ყველასთვის ხელმისაწვდომი გახადოს, რაც ხელს შეუწყობს საქართველოში მოგზაურთა ნაკადისა და ბათუმის, როგორც ტურისტული ლოკაციის მნიშვნალობის ზრდას. ასევე, ქვეყნის შავიზღვისპირეთის დინამიურად მზარდი საინვესტიციო ბაზრის პოტენციალის განვითარებას. ბათუმი, უკვე მოინიშნა მსოფლიოს ტურისტულ რუკაზე რეგიონის ტურისტულ ცენტრად, რომელიც მოგზაურებს მსოფლიოს სხვადასხვა კუთხიდან თავისი მდიდარი კულტურით, მრავალფეროვანი ლანდშაფტებით და მზარდი ტურისტული ინფრასტრუქტურით იზიდავს.
Wyndham Hotel Group-ი უდიდეს ამერიკულ სასტუმრო ქსელს მიეკუთვნება, რომელსაც საერთაშორისო მოგზაურები უკვე კარგად იცნობენ და ენდობიან. Wyndham Hotel Group-ი მსოფლიოს 95-ზე მეტ ქვეყანაში 9,300-მდე სასტუმროს აერთიანებს. Wyndham - ი აღიარებულია ტექნოლოგიების, სტუმრების გამოცდილებისა და ლოიალობის თვალსაზრისით და იზიარებს “იელთი ჯგუფის” ხედვას ტურისტული პოტენციალის განვითარების შესახებ.
ბათუმში, “იელთი კვარტალის” ტერიდორიაზე მდებარე სასტუმრო La Quinta საერთაშორისო სტანდარტებს პასუხობს და მორგებულია როგორც საქმიანი, ასევე, თავისუფალი მოგზაურებისთვის. სასტმრო 98 ბიზნეს, სტანდარტ, სუპერიორ, ჯუნიორ და ექსკლუზივ ლუქსის ტიპის ნომრებს, ასევე, სპა ცენტრს, ფინურ საუნას, სავარჯიშო დარბაზს, რესტორნებს, ბარს, საკონფერენციო და დასასვენებელ სივრცეებს აერთიანებს. საერთაშორისო სტანდარტების სასტუმრო La Quinta by Wyndham Batumi აჭარის რეგიონში ტურიზმის განვითარებას შეუწყობს ხელს, ქალაქის თანამედროვე, ცოცხალ არქიტექტურაში ჩაეწერება და ადგილობრივი სტუმართმოყვარეობის მოთხოვნებს დააკმაყოფილებს.
La Quinta ადგილმდებარეობით და მომსახურების მაღალი ხარისხით იდეალური არჩევანი იქნება საქართველოს ვიზიტორებისთვის.
აღსანიშნავია, რომ სასტუმრო La Quinta ამერიკის შეერთებულ შტატებში ნომინირებულია ynd ham-ის International Opening Award -ზე. ELT GROUP - ი 19 – 21 მაისს მონაწილეობას მიიღებს Wyndham -ის გლობალურ კონფერენციაში.
ELT Group-ის შესახებ
“იელთი ჯგუფის“ ხედვა, მომხმარებლებისთვის ცხოვრების თანამედროვე სტანდარტების შექმნას ითვალისწინებს, რაც მათი საჭიროებების ინოვაციურ გადაწყვეტილებებთან ინტეგრირებას გულისხმობს. ბაზრის ტენდენციების უწყვეტი კვლევის შედეგად კომპანიამ განვითარების ინოვაციური მოდელი შექმნა, რასაც „კვარტლის კონცეფცია“ ეწოდება.
“იელთი ჯგუფის” მიერ უკვე აშენებული და რეალიზებულია 300 000 კვადრატულ მეტრზე მეტი ფართი, „იელთი კვარტალის“ სახით, ბათუმის ახალი ბულვარის მიმდებარედ და „ესპანური კვარტალის“ სახით თბილისში, რომლის კონცეფციაც დედაქალაქისთვის ე.წ. ნოუ-ჰაუ-ს წარმოადგენს. „იელთი კვარტალი“ დინამიური პროექტია, სადაც ჯამში 10 კომპლექსი იქნება წარმოდგენილი. განხორციელებული პროექტების საერთო ინვესტიცია 150 000 000 აშშ დოლარს შეადგენს. “იელთი ჯგუფის” მიერ უკვე დაგეგმილია ორი ახალი პროექტი, ქალაქ ბათუმში და კიდევ ერთი ქალაქ თბილისში, რომლებიც 2025 წლის მეორე ნახევარში ჩაეშვება სარეალიზაციოდ, აღნიშნული პროექტების საერთო სამშენებლო მოცულობაა 150 000 კვ.მ, ხოლო ჯამური ინვესტიცია 50 000 000 აშშ დოლარს შეადგენს.
„იელთი ჯგუფის“ მესაკუთრეების გეოგრაფია ფართოა. პროექტებში, მესაკუთრე/ინვესტორები წარმოდგენილები არიან 61 ქვეყნის პასპორტით, რაც კომპანიის განვითარების სტრატეგიის მდგრადობის კიდევ ერთი მყარი დასტურია.
“იელთი ჯგუფი” მაღალი რეპუტაციის საერთაშორისო ბრენდებთან პარტნიორობით და მათი ცოდნისა და გამოცდილების ინტეგრირებით, საქართველოს ბაზარზე უმაღლესი დონის უძრავი ქონების საინვესტიციო პროდუქტებს ქმნს.
“იელთი ჯგუფის” ერთ-ერთი უახლესი და მასშტაბური პროექტია „ესპანური კვარტალი“ თბილისში, რომელიც ხორციელდება ესპანეთის სიდიდით ნომერ მეორე სასტუმრო ბრენდთან — Barceló Hotel Groupთან ერთად.
კომპანიის მიერ შემუშავებული „კვარტლის კონცეფცია“ – სივრცეების კომპლექსური განვითარება საცხოვრებელი, კომერციული და სასტუმრო ინფრასტრუქტურით – წარმოადგენს უნიკალურ ინოვაციას საქართველოს ბაზარზე.
“იელთი ჯგუფის” მომხმარებელი გრძნობს თუ რას ნიშნავს ცხოვრება 5 ვარსკვლავიან სასტუმრო გარემოში, ყველა თანმდევი სერვისით და ინფრასტრუქტურით.
დღის ტოპ 10 სიახლე
სგპ სარფში მებაჟე ოფიცრებმა არადეკლარირებული ოქროს საიუველირო ნაკეთობების შემოტანის ფაქტები აღკვეთეს
სხვა სიახლეები
ატმოსფერულ ჰაერში მავნე ნივთიერებათა გაფრქვევების აღრიცხვა როგორც ბიზნესის სავალდებულო მოთხოვნა - ინტერვიუ Green steps - ის აღმასრულებელ დირექტორთან
12.02.2026.16:00
Green Steps • გრინ სთეფს - გარემოსდაცვითი საკონსულტაციო კომპანიაა, რომელიც ბიზნესს სთავაზობს სრულფასოვან მომსახურებას გარემოს დაცვის მიმართულებით. კომპანიის აღმასრულებელი დირექტორი, ქრისტინა კოროშინაძე, Business Insider Georgia-სთან ინტერვიუში განიხილავს გარემოსდაცვით სფეროში ბიზნესის მხრიდან სააგენტოსთვის ყოველწლიური ანგარიშგებების წარდგენის საკითხს.
- თქვენი გამოცდილებით, როგორ განვითარდა გარემოსდაცვითი მართვის კულტურა კომპანიებში ბოლო წლებში?
ბოლო წლებში კომპანიებში გარემოსდაცვითი მართვის კულტურა მნიშვნელოვნად განვითარდა და უფრო სისტემური გახდა. თუ წარსულში გარემოსდაცვითი საკითხები ხშირად აღიქმებოდა როგორც ერთჯერადი მოთხოვნა — მაგალითად, ნებართვის ან გზშ-ის ანგარიშის მომზადება — დღეს კომპანიები სულ უფრო მეტად აცნობიერებენ, რომ გარემოსდაცვითი მართვა უწყვეტ პროცესს წარმოადგენს. ეს გულისხმობს საქმიანობის დაგეგმვას, გარემოზე ზემოქმედების მონიტორინგს, მონაცემების შეგროვებას და რისკების დროულ იდენტიფიცირებას.
უნდა აღინიშნოს, რომ ამ ცვლილებაში მნიშვნელოვანი როლი ითამაშა როგორც რეგულაციების გამკაცრებამ, ისე სახელმწიფო ორგანოების მხრიდან კონტროლის პრაქტიკის გაძლიერებამ. შედეგად, კომპანიებისთვის უფრო ცხადი გახდა, რომ გარემოსდაცვითი ვალდებულებები არ მთავრდება პროექტის დაწყებით ან ნებართვის მიღებით. სწორედ ამ კონტექსტში, ყოველწლიური ანგარიშგებები სულ უფრო მეტად იქცა არა ფორმალურ ვალდებულებად, არამედ გარემოსდაცვითი მართვის სისტემის განუყოფელ ნაწილად, რომელიც კომპანიებს ეხმარება საკუთარი საქმიანობის გამჭვირვალედ წარმოჩენასა და კანონმდებლობასთან შესაბამისობის შენარჩუნებაში.
- რატომ არის მნიშვნელოვანი გარემოსდაცვით სფეროში, ბიზნესის მხრიდან სააგენტოსთვის ყოველწლიური ანგარიშგებების წარდგენა?
გარემოსდაცვით სფეროში ყოველწლიური ანგარიშგებები მნიშვნელოვანია, რადგან ისინი სახელმწიფოს აძლევს საშუალებას რეალურ დროში აკონტროლოს, რამდენად შეესაბამება ბიზნესის საქმიანობა გარემოსდაცვით ნებართვებსა და კანონმდებლობით დადგენილ პირობებს. სააგენტოსთვის ეს არის ძირითადი ინსტრუმენტი გარემოზე ზემოქმედების მონიტორინგისა და რისკების დროული იდენტიფიცირებისთვის, ხოლო ბიზნესისთვის — შესაძლებლობა, დაადასტუროს პასუხისმგებლიანი საქმიანობა, თავიდან აიცილოს სამართლებრივი რისკები და უზრუნველყოს საქმიანობის უწყვეტობა.
ძირითადად ყოველწლიური ანგარიშები მომდევნო წლის დასაწყისში წარედგინება ხოლმე სამინისტროს, ყველაზე ახლო პერიოდში ასეთი გახლავთ ატმოსფერული ჰაერში მავნე ნივთიერებათა გაფრქვევების სახელმწიფო აღრიცხვის (ანგარიშგების) ვალდებულება.
- ვის ეხება ატმოსფერული ჰაერის ანგარიშგების ვალდებულება და რა ვადაში უნდა წარედგინოს ატმოსფერული ჰაერის ანგარიში სახელმწიფოს?
ბოლო წლებში ატმოსფერული ჰაერის დაცვის საკითხები სულ უფრო აქტუალური გახდა როგორც სახელმწიფოსთვის, ისე ბიზნესისთვის. მიუხედავად ამისა, პრაქტიკაში ხშირად ვხედავთ, რომ ბევრმა საწარმომ არ იცის ან ბოლომდე არ აქვს გააზრებული, რომ ატმოსფერულ ჰაერში მავნე ნივთიერებათა გაფრქვევების სახელმწიფო აღრიცხვა კანონით სავალდებულოა და მას მკაფიო ვადაც აქვს.
ანგარიშგების ვალდებულება ეხება ყველა საწარმოს, რომელსაც გააჩნია დაბინძურების სტაციონარული წყარო — იქნება ეს საწარმოო დანადგარი, ქვაბი, გენერატორი თუ სხვა ტექნოლოგიური მოწყობილობა. ეს მოთხოვნა განსაზღვრულია „ატმოსფერული ჰაერის დაცვის შესახებ“ კანონითა და საქართველოს მთავრობის 2013 წლის 31 დეკემბრის №413 დადგენილებით „დაბინძურების სტაციონარული წყაროებიდან მავნე ნივთიერებათა გაფრქვევების თვითმონიტორინგის და ანგარიშგების წარმოების ტექნიკური რეგლამენტის დამტკიცების თაობაზე“.
ანგარიშგება წარედგინება ყოველი საანგარიშო წლის დასრულების შემდეგ, მკაცრად განსაზღვრულ ვადაში — არაუგვიანეს 15 თებერვლისა. აქვე გეტყვით, რომ ანგარიშის შევსება ხდება ელექრონულად https://emoe.gov.ge/, სამინისტროს პორტალზე.
- რა ხდება იმ შემთხვევაში, თუ საწარმო არ აწარმოებს ანგარიშგებას?
ატმოსფერულ ჰაერში მავნე ნივთიერებათა გაფრქვევების აღრიცხვის მონაცემების დადგენილი ფორმითა და დადგენილ ვადებში წარმოუდგენლობა ითვლება ადმინისტრაციულ სამართალდარღვევად და ექვემდებარება სანქციებს საქართველოს ადმინისტრაციულ სამართალდარღვევათა კოდექსის შესაბამისად. ამ კონრეტულ შემთხვევაში ჯარიმა გახლავთ 150 ლარის ოდენობით.
მართალია, აღნიშნული ჯარიმა ფინანსური თვალსაზრისით მაღალი არ არის, თუმცა მნიშვნელოვანია გავითვალისწინოთ, რომ ადმინისტრაციული სამართალდარღვევის დაფიქსირება კომპანიის რეპუტაციაზე ნეგატიურად აისახება. მსგავსი დარღვევები შესაძლოა გახდეს როგორც კონტროლის ორგანოების მხრიდან მომატებული ყურადღების საფუძველიც.
- როგორია თვქენი როლი ამ პროცესში?
გარემოსდაცვითი საკონსულტაციო კომპანიის როლი ბევრად ფართოა, ვიდრე უბრალოდ დოკუმენტების შევსება. ჩვენი ამოცანაა, ბიზნესს დავეხმაროთ კანონმდებლობის შესრულებაში ისე, რომ მინიმუმამდე შემცირდეს რისკები.
ატმოსფერულ ჰაერთან დაკავშირებით გვაქვს რამდენიმე სერვისი, რასაც ჩვენი ექსპერტების დახმარებით ვთავაზობთ ბიზნესს, ეს გახლავთ: ზდგ-ის დოკუმენტის მომზადება, ე.წ „პად“-ების მომზადება, ყოველწლიური ანგარიშგება და ა.შ. ყველა ზემოაღნიშნულის შემთხვევაში, ვუზრუნველყოფთ, რომ ანგარიშები დროულად და კორექტულად იყოს წარდგენილი.
ბარათი, რომელმაც ბანკინგის ახალი სტანდარტი დანერგა - ახალი თიბისი ბარათით უკვე მილიონი მომხმარებელი სარგებლობს
12.02.2026.13:52
"Suit by Foris" - ახალი, პრემიუმ კლასის საცხოვრებელი კომპლექსისათვის სრული საინჟინრო კომუნიკაციების სამონტაჟო სამუშაოებს ,,იმპოსტი მეპ’’ ასრულებს
12.02.2026.13:46
Porsche, Bentley, Lamborghini - პრემიუმ ბრენდების მარკეტინგის მიმართულებას საქართველოში თათო ხოსროშვილი უხელმძღვანელებს
12.02.2026.11:58
ანაბარი - „საერთო მიზანი“
მომხმარებლის საჭიროებაზე მორგებული თიბისის ინოვაციური პროდუქტი
12.02.2026.10:35
მწარმოებლები მნიშვნელოვანწილად დამოკიდებული არიან იმპორტირებულ ნედლეულზე, რაც თავის მხრივ იმპორტის ინფლაციურ წნეხს ქმნის - შოთა ბერეკაშვილი
11.02.2026.19:09
