საქართველოში განხორციელებული მსხვილი ინვესტიციები, მათ შორის Eagle Hills-ის პროექტები, ეკონომიკის ზრდის მნიშვნელოვანი მამოძრავებელია, რადგან დეველოპმენტი აერთიანებს მშენებლობას, ლოგისტიკას, გადაზიდვას და სამშენებლო მასალების ვაჭრობას - აღნიშნულის შესახებ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას „თბილისი დრაი პორტის“ სამეთვალყურეო საბჭოს თავმჯდომარემ ჯემალ ინაიშვილმა ისაუბრა. 

„ძალიან მნიშვნელოვანი ინვესტიციაა საერთოდ ჩვენი ქვეყნის ეკონომიკისთვის და მისი მუდმივად ზრდის ტემპების შენარჩუნებისათვის აუცილებელია, რომ ამდაგვარი ინვესტიციები უნდა განხორციელდეს საქართველოში. ეს ეხება დეველოპმენტს, რომელიც მოიცავს მშენებლობას და პროცესში ჩართულია ეკონომიკის არაერთი სფერო, დაწყებული ლოგისტიკით, გადაზიდვით, მშენებლობით და სამშენებლო მასალების ვაჭრობით.

რა თქმა უნდა, დეველოპმენტი ძალიან დიდ როლს თამაშობს ჩვენს ეკონომიკაში და შესაბამისად, ტემპები უნდა შევინარჩუნოთ. ეს იქნება Eagle Hills-ი თუ სხვა დეველოპერები, მათ უნდა უზრუნველყონ მზარდი გაყიდვები და დაინტერესება ჩვენი ბაზრით და მათი პროექტებით“, - აღნიშნა ბიზნესმენმა.

საერთაშორისო დეველოპერული გიგანტის, Eagle Hills-ის შემოსვლა საქართველოში უცხოელი ინვესტორების მოზიდვისა და ქვეყანაში ინვესტიციების მაღალი ტემპის შენარჩუნების გარანტი გახდება. ჯემალ ინაიშვილის განცხადებით, სპარსეთის ყურის ქვეყნებში არსებული უზარმაზარი გამოცდილებითა კომპანია ორიენტირებული იქნება გლობალური მყიდველების დაინტერესებაზე, რაც აუცილებელი პირობაა ადგილობრივი უძრავი ქონების ბაზრის განვითარებისა და მასშტაბური პროექტების ათვისებისთვის.

„ძირითადად საქართველოში მოღვაწეობდნენ ადგილობრივი დეველოპერები და პირველად მოხდა, როცა უკვე საერთაშორისო დიდი კომპანია შემოდის ჩვენს ბაზარზე და მას თავისი  უზარმაზარი გამოცდილება და ბაზა გააჩნია სპარსეთის ყურის ქვეყნებში. შესაბამისად ის ძირითადად იქნება ორიენტირებული უცხოელ ინვესტორებზე, რომ შემოიყვანოს უცხოელები და ამაში არაფერი ცუდი არ არის, პირიქით აუცილებელია, იმიტომ რომ ჩვენი ქართველების ხარჯზე ასე ვთქვათ იმ ფართების ათვისება შეუძლებელია, რომ მოხდეს. ამას აკეთებს ყველა ქვეყანა, ამას აკეთებს საბერძნეთი, ესპანეთი. ახლა აზერბაიჯანმაც უკვე დაიწყო თავისი უზარმაზარი პროექტი Sea Breeze-ის მეშვეობით, დაიწყო უკვე დაინტერესება უცხოელი ასე ვთქვათ ინვესტორების და მყიდველების. აუცილებელია, რომ ჩვენ შევინარჩუნოთ მაღალი ტემპები ინვესტიციების შემოდინების. ის ერთი ბინაც არის ინვესტიცია ჩვენთვის კონკრეტულად ასე ვთქვათ იმ პროექტში და უნდა შედგებოდეს მრავალი მომხმარებლისგან“, - განმარტავს ჯემალ ინაიშვილი.

მისივე თქმით, ქართულ ბაზატრზე Eagle Hills-ის შემოსვლა არა მხოლოდ მსხვილი ინვესტიციების მოზიდვას, არამედ ქვეყნის გლობალურ პოპულარიზაციასაც უზრუნველყოფს. 

„როდესაც Eagle Hills-ი აწარმოებს რეკლამას თავის პროექტებთან დაკავშირებით, შესაბამისად ის საქართველოს პოპულარიზაციას ეწევა, იმიტომ რომ თუ არ არის საქართველო მიმზიდველი ქვეყანა, მაშინ საქართველოში უძრავი ქონების შეძენას არ აქვს აზრი. აქედან გამომდინარე - თანხვედრაშია მთლიანად ქვეყნის პოპულარიზაციას ახდენს კომპანია, რათა მოახდინოს დაინტერესება მყიდველით“, - აცხადებს  „თბილისი დრაი პორტის“ სამეთვალყურეო საბჭოს თავმჯდომარე,