ძველი სუფრა • Old Supra ახალ მისამართზე გადავიდა. კომპანიის ცნობით „ძველი სუფრის“ პროდუქციის შეძენა უკვე „თბილისი მოლშია“ შესაძლებელი. 

„თბილისი მოლი • Tbilisi Mall -ში გვეწვიეთ ახალ ლოკაციაზე, მე-2 სართული, “ხაჭაპური ჰატის” მიმდებარედ!“, - აღნიშნულია „ძველი სუფრის“ მიერ სოციალურ ქსელში განთავსებულ ინფორმაციაში. 

ქართული ორნამენტებით შთაგონებული სახლის დეკორისა და აქსესუარების მწარმოებელი კომპანია “ძველი სუფრა” მომხმარებელს მუდმივად სხვადასხვა სიახლეს სთავაზობს. 

,,ჭურჭლის დიზაინი ქართული ორნამენტებისა და მოტივების შთაგონებით შეიქმნა. უმაღლესი ხარისხის ჩინური ფაიფურის ჭურჭელი - ნატიფი, თხელი ნაკეთობაა, გამორჩეული ფერების სიხასხასით და გამოსახულებით. მნიშვნელოვანია აღინიშნოს, რომ ფაიფურის ჭურჭლის ზოგიერთ დიზაინში გამოყენებულია ოქრო, მაგალითისთვის ჭიქა „დამწერლობა“, რომელიც ქართული დამწერლობის საფუძველზე შეიქმნა და დიზაინში მოოქროვილი ასოებია წარმოდგენილი, იგივე შეიძლება ითქვას „ინტელიგენციის“ ჭურჭლის კოლექციაზე. ჭურჭლის კოლექციის კიდევ ერთი საინტერესო მიმართულება მინის ჭურჭელია. ქართულ ბაზარზე მინის ჭურჭელი ქართული ორნამენტების დიზაინით პირველად ჩვენ წარმოვადგინეთ და ამ ნიშას უკვე რამდენიმე თვეა ვიკავებთ. მინის ჭურჭელში ერთიანდება ე.წ. წვენის ჭიქები; იგეგმება მინის ჭურჭლის ასორტიმენტის გაზრდა და გამრავალფეროვნება. ამ მიმართულებით სიახლეებს ძალიან მალე შევთავაზებთ ჩვენ მომხმარებლებს", - განმარტავენ კომპანიაში.

რა თქმა უნდა მიმდინარეობს მუდმივი მუშაობა ქსოვილის მიმართულებითაც. გასული წლის ბოლოს, სუფრების კოლექციას დაემატა რამდენიმე ახალი დიზაინი „ვაზი“, „უცნობი გალაკტიონი“ და განახლებული დიზაინით სუფრა „სანადიმო“.

ცნობისთვის, კომპანია “ძველი სუფრა” 1998 წლიდან აწარმოებს ქართულ ტრადიციულ სუფრებს. 2020 წლის აგვისტოში განხორციელებული რებრენდინგის შემდეგ, კომპანიამ გააფართოვა საქმიანობის სფერო.  “ძველი სუფრას” ფილიალები მდებარეობს, როგორც თბილისში, ასევე ბათუმში.