დაზღვიე ავტომობილი ალდაგში და დაიბრუნე სამი თვის პრემია უკან

ბიზნესი

ვაპირებთ დაახლოებით 100 მლნ დოლარის რეინვესტირებას - როგორია „მეტროპოლის“ გეგმები

10.01.2026.10:20

2027 წლისთვის „მეტროპოლი“ საკუთარ პროექტებში 100 მლნ დოლარის რეინვესტირებას გეგმავს. ამის შესახებ გადაცემა „იმედის დილაში“, რუბრიკა Business Insider Georgia-ში საუბრისას, „მეტროპოლის“ გენერალური დირექტორის მოადგილემ მამუკა იმედაშვილმა განაცხადა. რაც შეეხება მიმდინარე, 2026 წელს, კომპანია 2–3 პროექტის განხორციელებას გეგმავს.

„არსებობს მომავალი და მომავალიც - მოკლევადიანი და უფრო გრძელვადიანი. მოკლევადიან გეგმებზე უფრო მეტი შემიძლია ვთქვა, ვიდრე გრძელვადიანზე. რაც შეეხება იმას, თუ რას უნდა ელოდოს მომხმარებელი, პასუხი მარტივია - ჩვენი დანაპირების შესრულებას. ჩვენთვის ძალიან მნიშვნელოვანია, რომ რასაც ვპირდებით მომხმარებელს, ის შევუსრულოთ. პროექტების ნაწილში დღეის მდგომარეობით გვაქვს ერთი დასრულებული და შვიდი მიმდინარე პროექტი. 2026 წელს ვაპირებთ მინიმუმ ორი და შესაძლოა სამი ახალი პროექტის დაწყებას. ერთ-ერთი პროექტი იქნება ვაკეში, ჭავჭავაძის გამზირზე, მეორე - ვერაზე, ბელინსკის ქუჩაზე, ხოლო მესამე პროექტს ჯერჯერობით ვერ დავასახელებთ, რადგან მოლაპარაკებების ეტაპზე ვართ.

რაც შეეხება გრძელვადიან გეგმებს, 2027 წელს იმ შვიდ პროექტს, რომელსაც ამჟამად ვახორციელებთ, დავასრულებთ და ვაპირებთ დაახლოებით 100 მლნ დოლარის რეინვესტირებას, რაც ნიშნავს იმას, რომ რამდენი პროექტიც აქვს ახლა „მეტროპოლს“, იმდენის დამატება გვინდა. ჯამში, 3–4 წლის პერსპექტივაში, დაახლოებით 20-მდე მიმდინარე პროექტი გვინდა, რომ გვქონდეს პორტფელში“, - აღნიშნა მამუკა იმედაშვილმა.

„მეტროპოლს“ გაყიდვების კუთხით ბაზრის 5% უკავია - მამუკა იმედაშვილი 09.01.2026.19:00

წინა წელთან შედარებით ვიზიტორების რაოდენობა გაიზარდა - „ედის დაჩა“ 2025 წლის შედეგებისა და სამომავლო გეგმების შესახებ 09.01.2026.18:00

9 იანვარი - სტივ ჯობსმა მსოფლიოს პირველი iPhone წარუდგინა 09.01.2026.17:10