Escapers • ესქეიფერები ტურისტული კომპანიაა, რომელიც 2023 წლიდან ოპერირებს ბაზარზე. არსებულ სიახლეებსა და სამომავლო გეგმებზე Business Insider Georgia კომპანიის გაყიდვების ხელმძღვანელს ანი კეკელიას ესაუბრა.

“2025 წლის ბოლო პერიოდში „ესქეიფერებმა“ მნიშვნელოვანი განვითარების ეტაპი გაიარა, კომპანია წარმატებულად პოზიციონირებს როგორც საქართველოში, ისე საერთაშორისო ბაზარზე.

დავამყარეთ ახალი პარტნიორული ურთიერთობები ევროპულ და სამხრეთ-აღმოსავლეთ აზიის ქვეყნებში, რაც საშუალებას გვაძლევს მომხმარებლებს შევთავაზოთ არასტანდარტული და მრავალფეროვანი ტურისტული მიმართულებები. აგრეთვე, განვავითარეთ ციფრული ინფრასტრუქტურა: დავიწყეთ პლატფორმის განახლება, უფრო გამარტივებული დაჯავშნის პროცესისთვის “,- აღნიშნავს ანი კეკელია.

კომპანიამ, სერვისები გააფართოვა და ამჟამად მომხმარებელს მრავალფეროვან არჩევანს სთავაზობს.

„2023 წელს კომპანიამ დაიდო საფუძველი გამყვანი ტურიზმის მიმართულებით, მას შემდეგ აქტიურად ვმუშაობთ მოგზაურების სურვილების დაკმაყოფილებაზე,
მაგრამ 2024–2025 წლებში მოხდა ოფიციალური გაფართოება: დავამატეთ როგორც კრუიზები, თემატური და ლოკალურ-კულტურული ტურები, ისე სხვადასხვა ტიპის მოგზაურებზე გათვლილი სერვისები - ოჯახური, სტუდენტური, VIP, კორპორატიული მომსახურეობები.

შედეგად, სერვისთა სპექტრი უკვე ბევრად აღემატება საწყის სტრუქტურას და გვაქვს ტურისტული სერვისების სხვადასხვა მიმართულებაზე, ევროპასა და აზიაში, ასევე აქტიურად ვმუშაობთ მსოფლიოს სხვა წერტილების ათვისებაზე “, - აცხადებს კომპანიის გაყიდვების ხელმძღვანელი.

აღსანიშნავია, რომ კომპანიის მთავარი მიზანი თითოეული მომხმარებლის კეთილგანწყობა და სანდოობაა.