საზღვარგარეთ მოგზაურობისას ინტერნეტი უფრო ხელმისაწვდომი ხდება. მოგზაურებს არსებული მობილური ოპერატორების „როუმინგის ინტერნეტის“ პარალელურად უკვე შესაძლებელია ქართული კომპანიების მიერ eSIM ტექნოლოგიებზე დაფუძნებული გლობალური ინტერნეტითაც ისარგებლონ.
ამ მხრივ კი ბაზარზე კონკურენცია იზრდება. რამდენიმე თვეა, რაც ბაზარზე მოგზაურობისას სწრაფი ინტერნეტის მიმწოდებელი Cosmosim • კოსმოსიმი გამოჩნდა. Cosmosim-ის მფლობელი შპს "სითი ტელეკომი" კი ბაზარზე 2009 წლიდან ოპერირებს.

როგორია Cosmosim-ის პოზიციონირება ბაზარზე და რა არის მისი კონკურენტული უპირატესობა Business Insider Georgia
"სითი ტელეკომი" გაყიდვების მენეჯერს თათია ქურდოვანიძეს ესაუბრა.ა

- რამდენი ხანია რაც Cosmosim-ი ბაზარზეა და რამდენად მზარდია თქვენი მომხმარებლებს რაოდენობა?

- CosmoSim —არის ახალი ქართული პროდუქტი, რომელიც მომხმარებლებს სთავაზობს სამოგზაურო ინტერნეტის სერვისს მთელ მსოფლიოში. Cosmosim სრულად eSIM ტექნოლოგიაზე დაფუძნებული პროდუქტია, რაც ძალიან კომფორტული და მოსახერხებელია. ბრენდი ბაზარზე 2025 წლის იანვრიდან გამოჩნდა და წარმატებით იმკვიდრებს ადგილს, რადგან მომხმარებელთა რაოდენობა კვირიდან კვირამდე სტაბილურად იზრდება. ჩვენთან ყოველდღიურად იზრდება კმაყოფილი მომხმარებლების რიცხვი, რომლებიც ირჩევენ ხარისხიან და სწრაფ ინტერნეტს მოგზაურობისთვის.

- რა სერვისებს და პაკეტებს სთავაზობს CosmoSim მომხმარებლებს?

- CosmoSim - ამ ეტაპზე მომხმარებელს სთავაზობს ინტერნეტ სერვისს ყველა კონტინენტზე,  ჩვენი მიზანია, აპლიკაცია მუდმივად განვითარდეს და გადაიქცეს მრავალფუნქციურ პლატფორმად, სადაც მოგზაურებს შეეძლებათ ერთ სივრცეში მიიღონ ყველა საჭირო სამოგზაურო სერვისი, ამ მიმართულებით უკვე აქტიურად ვმუშაობთ და უახლოეს მომავალში მომხმარებლები სიახლეებსაც გაეცნობიან.

ინტერნეტ პაკეტების მხრივ, CosmoSim მომხმარებლებს სთავაზობს მრავალფეროვან არჩევანს. ხელმისაწვდომია როგორც რეგიონული პაკეტები — რომლებიც გეოგრაფიული სიახლოვის მიხედვითაა დაყოფილი და განისაზღვრება მოცემული მეგაბაიტების ოდენობით — ასევე ლოკალური პაკეტები, გათვლილი კონკრეტულ ქვეყნებსა და მიმართულებებზე. ჩვენი პრიორიტეტია მომხმარებელს შევთავაზოთ დიდი არჩევანი, რათა შეძლონ მათ საჭიროებებს მაქსიმალურად მორგებული პაკეტის შერჩევა.

- არსებული დაკვირვება რას გიჩვენებთ, რა ტიპის პაკეტებზეა უფრო გიფიქსირდებათ მოთხოვნა?

 - ამ დროისთვის ყველაზე მაღალი მოთხოვნა რეგიონალურ პაკეტებზე ფიქსირდება. ისინი განსაკუთრებით პრაქტიკულია იმ მოგზაურებისთვის, ვისაც ერთ მოგზაურობაში რამდენიმე ქვეყნის მონახულება აქვს დაგეგმილი. ასეთ შემთხვევაში მომხმარებელს აღარ უწევს ყოველი საზღვრის გადაკვეთაზე ახალი ინტერნეტ პაკეტის შეძენა ან eSIM-ის ხელახლა ინსტალაცია — ერთიანი რეგიონული პაკეტი ინტერნეტს უწყვეტად უზრუნველყოფს მთელ მოგზაურობის განმავლობაში, რაც მაქსიმალურ კომფორტს იძლევა.

- ასევე საინტერესოა, რომელ ქვეყნებში, ან რომელ რეგიონებზე უფრო არის მოთხოვნა?

- როგორც უკვე აღვნიშნეთ, ყველაზე დიდი მოთხოვნა რეგიონალურ პაკეტებზე ფიქსირდება, განსაკუთრებით ევროპის, აზიისა და ახლო აღმოსავლეთის მიმართულებით. ეს ზონები ქართველი მოგზაურებისთვის ყველაზე პოპულარულია.

- რა არის CosmoSim-ის კონკურენტული უპირატესობა? 

- CosmoSim-ის მთავარი კონკურენტული უპირატესობაა — ინტერნეტის სისწრაფე, სანდოობა და მოქნილობა. ჩვენ ვთანამშრომლობთ მსოფლიოს წამყვან ოპერატორებთან, რაც უზრუნველყოფს სტაბილურ და სწრაფ კავშირს მსოფლიოს თითქმის ყველა წერტილში. სიჩქარისა და ხარისხის გარდა CosmoSim გთავაზობთ ხელმისაწვდომ ტარიფებს და მრავალფეროვან ინტერნეტ პაკეტებს — რეგიონულ და ლოკალურ დონეზე. ეს მომხმარებელს აძლევს საშუალებას, აირჩიოს ზუსტად ის პაკეტი, რომელიც მის მარშრუტსა და საჭიროებებს შეესაბამება.განსაკუთრებული კომფორტისთვის გვაქვს მარტივი და კომფორტული აპლიკაცია, რომელიც აადვილებს როგორც პაკეტის შეძენას, ისე eSIM-ის ინსტალაციას. სწრაფი კავშირი, გამჭვირვალე პირობები, ხელმისაწვდომი ფასები და ტექნოლოგიური სიმარტივე — სწორედ ეს ქმნის CosmoSim-ის რეალურ უპირატესობას კონკურენტებთან შედარებით.

- რას აპირებს კომპანია იმისთვის, რომ მომხმარებლების რაოდენობა გაზარდოს და შესაბამისად ბაზრის წილიც?

- ჩვენი მარკეტინგისა და გაყიდვების გუნდი აქტიურად მუშაობს სხვადასხვა კამპანიებზე, რათა კიდევ უფრო გაიზარდოს პროდუქტის ცნობადობა.

ჩვენ უკვე ვთანამშრომლობთ რამდენიმე მსხვილ ბრენდთან და წარმატებული კოლაბორაციების გამოცდილება გვაქვს. უახლოეს მომავალში დაგეგმილი გვაქვს ახალი კამპანიები და აქციები, რომელსაც ჩვენი მომხმარებლები ძალიან მალე გაიგებენ. ეს  არა მხოლოდ გააძლიერებს მომხმარებელთა ინტერესს, არამედ ხელს შეუწყობს CosmoSim-ის ბრენდის კიდევ უფრო მყარ პოზიციონირებას ბაზარზე.