კომპანია „აა პლასტმა“, რომელიც თავიდან ბაზარზე პოლიეთილენის წარმოებით გამოჩნდა, მალევე საკუთარი საქმიანობის დივერსიფიცირება მოახდინა და წარმოება გააფართოვა. როგორც Business Insider Georgia-სთან კომპანია „აა პლასტისთვის“ იურისტმა მელიტა პატარიძემ განაცხადა, ბოლო პერიოდში „აა პლასტმა“ კანალიზაციისა და ცივი და ცხელი წყლის მილებს წარმოება დაიწყო. პროექტმა საკმაოდ გაამართლა და მასზე საკმაოდ მაღალი მოთხოვნა ფიქსირდება.

„ჩვენს პროდუქციას სამშენებლო სექტორი დაქსელვისთვის აქტიურად გამოიყენებს. ამ დროისთვის მისი მიწოდება ხდება ადგილობრივ ბაზარზე. აქტიურად ვთანამშრომლობთ სამშენებლო კომპანიებთან და მარაგდება სხვადასხვა სავაჭრო ქსელებიც.

ჩვენი მილი გაცილებით უფრო ხარისხიანია, ვიდრე დღეს საქართველოში შემოტანილი მილები. მილები, რომელთა იმპორტიც ხორციელდება არის სხვადასხვა ზომებში დაჭრილი. ჩვენს შემთხვევაში კი მშენებლები ჭრას აკეთებენ იმ მეტრაჟზე, რაც თავად ამ კორპუსს სჭირდება. ეს თავისთავად აიაფებს სამშენებლო პროცესს, რადგანაც ის გადაბმები და მუხლები რაც შესაძლოა თავად მილზე ძვირი იყოს ამოვარდნილია ხარჯთაღრიცხვიდან. როდესაც დათვალეს 9 სართულიანი კორპუსის შემთხვევაში 7-9 ათას ლარიანი შეღავათი მიიღეს. ამიტომაც „აა პლასტის“ მიერ წარმოებული პროდუქცია დიდ მოწონებას იმსახურებს“, - აცხადებს მელიტა პატარიძე.

მისივე თქმით, „აა პლასტი“ უკვე ISO სერტიფიკატის მფლობელია და იმავდროულად კომპანიას ყველა სამშენებლო კომპანიასთან ვისთანაც თანამშრომლობს სადაზღვევო ხელშეკრულებები აქვს გაფორმებული.

„გარანტიას ჩვენ ვიძლევით და დაზიანების შემთხვევაში პასუხისმგებლობას ვიღებთ ჩვენ“, - აღნიშნავს მელიტა პატარიძე.

„აა პლასტმა“ ბაზარს სარწყავი სისტემებიც შესთავაზა, საუბარია ერთჯერად, წვეთოვან მილებზე. რომელიც არის ეკო პროდუქტი, რადგანაც არ არის პლასტმასა და არ არის ძვირადღირებული. ის არის ერთ წლოვანი წვეთოვანი სისტემა, რომელიც უმარტივებს გლეხს საქმიანობას, რადგანაც თავადაც შეუძლია ონკანთან შეერთება. პროდუქტი აღებას აღარ საჭიროებს და ერთი წლის მერე თავადვე იშლება და დეგრადირდება.

აღსანიშნავია, რომ „აა პლასტი“ ექსპორტზეც გადის და პარკებს აშშ-სა და სომხეთში ყიდის.

შპს „აა პლასტი“ ქართულ-აზერბაიჯანულ ერთობლივ კომპანიას წარმოადგენს, რომელიც 2007 წლის დასაწყისში დაარსდა და მისი საქმიანობის ძირითად მიმართულებას პოლიეთილენისა და პოლიპროპილენის პირველადი ნედლეულის იმპორტი და რეალიზაცია წარმოადგენს. ამასთანავე, კომპანია ახორციელებს პოლიეთილენის ნედლეულის გადამუშავებასა და ნაწარმის ქართულ ბაზარზე რეალიზაციას. უნდა აღინიშნოს, რომ პოლიეთილენის სფეროში „აა პლასტი“ ყველაზე მსხვილი მწარმოებელია შიდა ბაზარზე.

ხელმძღვანელობის მიერ გატარებულმა სწორმა მენეჯმენტმა და სახელმწიფოს მხარდაჭერამ განაპირობა ის, რომ 2007 წლიდან მკვეთრად შემცირდა საქართველოში პოლიეთილენის მზა პროდუქციის იმპორტი და ამასთანავე, მკვეთრად გაიაფდა აღნიშნული პროდუქციის ფასებიც.

პროდუქციის წარმოება ხდება უმაღლესი ტექნოლოგიების გამოყენებით, რაც კომპანიას საშუალებას აძლევს ნაკლოვანი პროდუქციის რაოდენობა მინიმუმამდე დაიყვანოს.

კომპანია აქტიურად აწარმოებს პოლიეთილენის პროდუქტებს, ესენია: სასათბურე ფირები, სამედიცინო ხალათები, ნაგვის ჩანთები, Shrink Films, Stretch Films, პოლიეთილენის ჩანთები.

''აა პლასტის'' ერთ-ერთი და წარმატებული პროექტი ბიო პარკების წარმოებაა, რადგან ბიოდეგრადირებად პარკებს შეუძლია მრავალი სარგებლის მოტანა როგორც ეკოლოგიური თვალსაზრისით ასევე ქვეყნის განვითარების მხრივაც. ბიოდეგრადირებადი პარკები დამზადებულია ბუნებრივი პროდუქტებისგან და არა ნავთობისგან. მისი წარმოებისას იხარჯება 65%-ით ნაკლები ელექტროენერგია, ვიდრე პოლიეთილენის პარკების წარმოებისას. ბიოდეგრადირებადი პარკები ადვილად იხრწნება მიწასთან შეხებისას და არ აქვს უარყოფითი ეფექტი გარემოზე.

„აა პლატი“ აწარმოებს ასევე ერთჯერად, წვეთოვან სისტემებს. როგორც კომპანიაში აცხადებენ, დღესდღეობით ძალიან მნიშვნელოვანია წვეთოვანი მორწყვა, მაშინ როდესაც მთელ მსოფლიოში სულ უფრო აქტუალური ხდება წყლის რესურსების სიმცირე, სოფლის მეურნეობის წარმოების ინტენსიფიკაცია და სასოფლო სამეურნეო სავარგულების დეგრადირება სულ უფრო მეტ დატვირთვას იძენს თანამედროვე სარწყავი სისტემების გამოყენება. ერთ-ერთი მათგანი არის წვეთოვანი მორწყვაა.

“აა პლასტის“ ასევე მთავარი მიმართულებაა 20, 25, 32, 40, 50, 63, 75, 90, 110 დიამეტრის ევროპული სტანდარტის ცივი და ცხელი წყლისა და გაზის მაგისტრალური პოლიეთილენის და პოლიპროპილენის მილების და მათი მაკომპლექტებელი ფიტინგების ( სამაგრების, ხუფების , ქუროების,მუხლების და სამკაპების) წარმოების შექმნა, ასევე ბაზრის მოთხოვნების შესაბამისად საჭირო პროდუქციის წარმოებისთვის ტექნოლოგიური გადაიარაღება და მომზადება.