„სიზმარა“ არის ქართული საბავშვო ბრენდი, რომელიც ბაზარზე 2018 წლიდან ოპერირებს და სპეციალიზება ხარისხიანი, ეკოლოგიურად უსაფრთხო პროდუქციის წარმოებასა და გაყიდვაში. მეტი ინფორმაციისთვის Business Insider Georgia ბრენდის დამფუძნებელს მაგდა ზიბზიბაძეს ესაუბრა.

როგორია კომპანიის საქმიანობის სპეციფიკა, როდის დაიწყეთ საქმიანობა და რას სთავაზობთ მომხმარებლებს?

„სიზმარა“ ქართულ ბაზარზე 2018 წლიდან ოპერირებს. მომხმარებელს ვთავაზობთ ბავშვებისთვის განკუთვნილ, ადგილობრივად წარმოებულ ტანისამოსს, თეთრეულს, ნათლობის ნივთებს, მოსეს კალათებს, გრავირებულ აბაზანის ხალათებს და უკვე მთავარ პროდუქტს ჩოხა რომპერებს, რომლებიც ქართული ტრადიციული დეტალებითაა შექმნილი.

როგორია მიმდინარე ასორტიმენტი?

ასორტიმენტი მრავალფეროვანია, ჩვენთვის მნიშვნელოვანია მომხმარებელს შევუქმნათ ონლაინ გარემო, რომელშიც შეძლებს ახალშობილისთვის ყველა საჭირო ნივთების შეძენას. ამ ეტაპზე ვაწარმოებთ დაახლოებით 30 სახეობის პროდუქტს, რომელსაც მომხმარებელი უკვეთავს ბავშვის ზრდის ნებისმიერ ეტაპზე. 

როგორ აფასებთ მოთხოვნას ზოგადი თვალსაზრისით?

ბაზარზე მოთხოვნა წარმოებულ პროდუქტზე საკმაოდ მაღალია, ვფიქრობ მოთხოვნას სანდოობაც განაპირობებს, „სიზმარა“ იქცა ბრენდად, რომელიც ახალშობილისთვის პირველ სასაჩუქრე იდეასთან ასოცირდება.

რას მიიჩნევთ კომპანიის კონკურენტულ უპირატესობად?

„სიზმარას“ უპირატესობა ბაზარზე წარმოებული პროდუქტის მრავალფეროვნებაა, თუმცა ვფიქრობ კონკურენტული უპირატესობა გვაქვს პროდუქტით რომელიც არის - რომპერი ჩოხის ელემენტებით, ეს არ არის მხოლოდ ტანსაცმელი, ეს არის კულტურული ინოვაცია, რომელიც აერთიანებს ტრადიციას, ფუნქციურობას და ემოციას. ახალშობილებისთვის განკუთვნილი ჩაცმულობის დიზაინში ჩოხის ელემენტების ინტეგრირება ერთდროულად განასახიერებს ქართველ მშობლებთან კავშირის გაღრმავებას და ეროვნული იდენტობის პირველივე დღიდან გადაცემის  გზას.

როგორია კომპანიის სამომავლო გეგმები?

სიზმარას სამომავლო გეგმაა გავზარდოთ ქართული ბრენდისადმი ინტერესი არამარტო საქართველოში, არამედ მის ფარგლებს გარეთ.

ცნობისთვის, „სიზმარას“ პროდუქციის შეძენა შესაძლებელია ბრენდის ოფიციალურ ვებგვერდზე და სოციალური მედიის პლატფორმებზე (Facebook, Instagram), სადაც შეკვეთა შესაძლებელია პირდაპირი შეტყობინების გზით. გარდა ამისა, გარკვეული პროდუქცია, მაგალითად ჩოხა რომპერები და გრავირებული ნივთები, მზადდება წინასწარი შეკვეთის საფუძველზე.