ჩარჩოს სახლი • Frame House ბაზარზე 2024 წლიდან ოპერირებს და მომხარებლებს სთავაზობს სხვადასხვა ტიპის ჩარჩოების, როგორც მზა, ასევე ინდივიდუალურად დამზადებულ მოდელებს. მეტი ინფორმაციისთვის, Business Insider Georgia კომპანიის დამფუძნებელს ეკატერინე ჯანაშიას ესაუბრა.

როგორია კომპანიის საქმიანობის სპეციფიკა, როდის დაიწყეთ საქმიანობა და რას სთავაზობთ მომხმარებლებს?

ჩვენი ჩარჩოების გალერეა ბაზარზე 2024 წლის ოქტომბერიდან გამოჩნდა. ჩვენი ძირითადი მიმართულებაა სხვადასხვა ტიპის ჩარჩოების, როგორც მზა, ასევე ინდივიდუალურად დამზადებული მოდელების წარმოება და რეალიზაცია. მომხმარებლებს ვთავაზობთ მაღალი ხარისხის ჩარჩოებს სხვადასხვა მასალისა და დიზაინის მიხედვით, რათა ფოტოებს, ნახატებს, სერთიფიკატებსა და სხვა ძვირფას ნივთებს განსაკუთრებული ფორმით მოუძებნონ ადგილი საკუთარ სივრცეში. თითოეული ჩარჩო ჩვენთვის ესთეტიკის, ხსოვნისა და ემოციური ღირებულების მატარებელია.

როგორ აფასებთ მოთხოვნას ზოგადი თვალსაზრისით?

ბოლო პერიოდში მნიშვნელოვნად გაიზარდა ადამიანების ინტერესი ინტერიერის დეტალების მიმართ. მათთვის უფრო და უფრო მნიშვნელოვანი ხდება ის, თუ როგორ გარემოში ცხოვრობენ. სწორედ ამ ტენდენციამ გაზარდა მოთხოვნაც ჩვენს პროდუქტებზე. ჩარჩო, რომელიც ადრე მხოლოდ ფუნქციური ნივთი იყო, დღეს სულ უფრო მეტი ადამიანისთბის ხდება ემოციებისა და წარსულის გაფორმებული გამოხატულება. გვიხარია, რომ ეს სურვილი, მეტი სილამაზისა და პერსონალიზებული დეტალის არსებობა სახლში, თანხვედრაში მოდის ჩვენს კონცეფციასთან.

რას მიიჩნევთ კომპანიის კონკურენტულ უპირატესობად?

ჩვენი მთავარი უპირატესობა არის ხარისხი. ვმუშაობთ იტალიიდან ჩამოტანილი პროფესიონალური დანადგარებით, რაც გვაძლევს შესაძლებლობას, დავამზადოთ ტექნიკურად გამართული, მაღალი სტანდარტის ჩარჩოები. ამასთანავე, მომხმარებელს ვთავაზობთ როგორც პრემიუმ ხარისხის მასალას, ასევე უფრო ხელმისაწვდომ ვარიანტებს, ისე რომ შერჩევა შეძლონ როგორც გემოვნებით, ისე ბიუჯეტით. ხარისხისა და არჩევანის თავისუფლებას ვაფასებთ როგორც ჩვენი ბრენდის საფუძველს.

როგორია კომპანიის სამომავლო გეგმები?

გვინდა, რომ ჩვენი პროდუქცია კიდევ უფრო მრავალფეროვანი და ხელმისაწვდომი გახდეს. ვგეგმავთ როგორც ჩარჩოების ხაზის გაფართოებას, ისე ონლაინ პლატფორმის გააქტიურებას, რათა მომხმარებელმა უფრო მარტივად შეძლოს შერჩევა და შეკვეთა. ასევე ვგეგმავთ, თემატური და გემოვნებით შერჩეული ფოტოების, პოსტერების და ილუსტრაციების დამატებას. ჩვენი მიზანია, რომ ჩარჩო არ იყოს მხოლოდ ნივთი კედელზე, არამედ ადგილი, სადაც მეხსიერება, ემოცია და ხელოვნება ერთად იყრის თავს.

ცნობისთვის, „ჩარჩოს სახლი“ ქალაქ თბილისში, აღმაშენებლის N120-ში მდებარეობს. სამუშაო საათებია 11:00-20:00 ორშაბათიდან შაბათის ჩათვლით.