„ექსქუიზითი“ ორიგინალი ნიშური სუნამოების, თავის მოვლისა და სახლის ლუქს აქსესუარების კომპანიაა, რომელიც ქართულ ბაზარზე 2024 წლიდან ოპერირებს. მეტი ინფორმაციისთვის, Business Insider Georgia კომპანიის დირექტორს, ნინო გვენეტაძეს ესაუბრა.

როგორია კომპანიის საქმიანობის სპეციფიკა, როდის დაიწყეთ საქმიანობა და რას სთავაზობთ მომხმარებლებს?

„ექსქუიზითის“ კონცეფცია დაიბადა 2023 წლის დასაწყისში, თუმცა, საჭირო გახდა მნიშვნელოვანი დრო მართვის, დაგეგმვისა და ოპერაციული პროცესების სრულყოფისთვის, რის შედეგადაც ოფიციალური საქმიანობა 2024 წელს დავიწყეთ.
მიუხედავად იმისა, რომ მთელს მსოფლიოში, მათ შორის საქართველოშიც, მრავალი კომპანია კონცენტრირებულია სუნამოების, პრემიუმ კოსმეტიკისა და სახლის ლუქს აქსესუარების გაყიდვაზე, ჩვენ გვინდოდა ვყოფილიყავით განსხვავებული, განსაკუთრებული, ისეთი, ვინც სთავაზობს უნიკალურ, ულტრა-იშვიათ და ულტრა-ლუქს პროდუქტებს. ჩვენ ვიპოვეთ გზა, რომ ეს იდეა რეალობად გადაგვექცია და გადავწყვიტეთ მომხმარებლისთვის შეგვეთავაზებინა ისეთი უნიკალური, ლიმიტირებული და ნიშური ნივთები, რომლებიც მსოფლიოს მასშტაბით ხელმისაწვდომია მხოლოდ ულტრა შეზღუდულ რაოდენობაში.

როგორია მიმდინარე ასორტიმენტი?

ჩვენი ასორტიმენტი მიზნად ისახავს, მომხმარებელს შესთავაზოს მხოლოდ ავთენტური, უმაღლესი ხარისხის და განსაკუთრებულად იშვიათი პროდუქცია.
ჩვენ ვმუშაობთ ნიშურ და ლუქს სეგმენტში, რაც მოიცავს:

• პრემიალურ სუნამოებს - როგორც სრულ ზომებში, ასევე საცდელ და კოლექციურ ფორმატებში, სადაც ბევრი მათგანი დამზადებულია შეზღუდული რაოდენობით და ხელმისაწვდომია მხოლოდ რამდენიმე ერთეულში მსოფლიოს მასშტაბით;
• მაღალი ხარისხის კოსმეტიკას - ცნობილი და იშვიათი ბრენდების ექსკლუზიური მაკიაჟისა და მოვლის პროდუქტები;
• სახლის ლუქს აქსესუარებს - პრემიუმ სანთლებს, სახლის სურნელებსა და დეკორატიულ ელემენტებს, რომლებიც ქმნის გამორჩეულ ატმოსფეროს.

მნიშვნელოვანი ნაწილი ჩვენი კოლექციებისა მოწოდებულია სამხრეთ კორეიდან, ჰონგ-კონგიდან და იაპონიიდან, სადაც იქმნება ისეთი უნიკალური ნივთები, რომლებიც ხშირად არ გადის საერთაშორისო მასშტაბით. მაგალითად, უახლოეს პერიოდში ხელმისაწვდომი გახდება LOEWE AGUA DROP x Lladró (Lladró არის ესპანური ლუქს ბრენდი, რომელიც ცნობილია მაღალი ხარისხის ხელნაკეთი ფაიფურის და დეკორატიული ნივთების წარმოებით. Agua Drop არის სწორედ ამ ხაზის ნაწილი - ხელნაკეთი, ლიმიტირებული, დიზაინერული) უნიკალური სუნამო, რომლის მხოლოდ 600 ცალი დამზადდა, ხოლო ჩვენ გვაქვს ორი ეგზემპლარი - ნომრები 51 და 56. ასევე წარმოდგენილია BYREDO-ს იშვიათი სუნამოები, ხელნაკეთი, ექსკლუზიური ყუთებით უახლესი სუნამოებისთვის, უნიკალური Christian Louboutin-ის კოლექციებით და სხვა.

ჩვენი ასორტიმენტი მუდმივად განახლდება და თითოეული ნივთი შეირჩევა განსაკუთრებული დელიკატურობით, რათა მომხმარებელმა მიიღოს არა მხოლოდ პროდუქტი, არამედ გამოცდილება - უნიკალური და გამორჩეული, რომელიც ხაზს უსვამს მის ინდივიდუალურობას.

როგორ აფასებთ მოთხოვნას ზოგადი თვალსაზრისით?

ბოლო წლებში, განსაკუთრებით პოსტპანდემიურ პერიოდში, პრემიუმ და ნიშურ სეგმენტში მოთხოვნა სტაბილურად იზრდება. მომხმარებლები უფრო მეტად აფასებენ უნიკალურობას, ლიმიტირებულობას და ავთენტურობას, ვიდრე მასობრივად წარმოებულ სტანდარტულ პროდუქტებს. ამ ტენდენციას განსაკუთრებით უწყობს ხელს სწრაფი ცხოვრების ტემპი და სურვილი, მუდამ გამოსცადონ ახალი.

ჩვენი დაკვირვებით, საქართველოში და მთლიანად რეგიონში არსებობს მზარდი ინტერესიც და მზადყოფნაც, შეიძინონ არა მხოლოდ ცნობილი ბრენდების კლასიკური პროდუქტები, არამედ იშვიათი, კოლექციური და ექსკლუზიური ნივთები, რომლებიც შეიძლება ხელმისაწვდომი იყოს მხოლოდ რამდენიმე ეგზემპლარით მთელ მსოფლიოში.

აღსანიშნავია, რომ მოთხოვნას ხელს უწყობს ასევე გლობალური ბაზრის დივერსიფიკაცია, ბოლო წლებში მოდისა და სურნელების ინდუსტრიის მნიშვნელოვანი ნაწილი აზიურ ბაზარზე გადაერთო, რაც მომხმარებლებს აძლევს წვდომას სრულიად ახალ ესთეტიკასა და განსხვავებულ პროდუქტებზე. ჩვენი გამოცდილება გვიჩვენებს, რომ ეს ტენდენცია გაგრძელდება და სეგმენტი, რომელშიც ვმუშობთ, კიდევ უფრო გააქტიურდება.

რას მიიჩნევთ კომპანიის კონკურენტულ უპირატესობად?

ჩვენი მთავარი კონკურენტული უპირატესობა მდგომარეობს იმაში, რომ მომხმარებელს ვთავაზობთ ულტრანიშურ და ულტრალიმიტირებულ ნივთებს, რომლებიც :

ბაზარზე მასობრივად ხელმისაწვდომი არ არის. თითოეული პროდუქტი შერჩეულია განსაკუთრებული ყურადღებით და აკმაყოფილებს უმაღლესი ხარისხის სტანდარტებს, რაც მომხმარებელს აძლევს შესაძლებლობას, ფლობდეს მართლაც უნიკალურ და იშვიათ კოლექციურ ნიმუშებს. ჩვენი კოლექციები შედგება ისეთი ნივთებისგან, რომლებიც შეიძლება წარმოებული იყოს მხოლოდ რამდენიმე ასეულ ან ათეულ ეგზემპლარად მთელს მსოფლიოში.

მეორე მნიშვნელოვანი უპირატესობაა გლობალური ქსელი პარტნიორებისა, განსაკუთრებით აზიის რეგიონში - სამხრეთ კორეასა და იაპონიაში, სადაც ვპოულობთ ისეთ უნიკალურ ნივთებს, რომლებიც სხვა ბაზრებზე პრაქტიკულად მიუწვდომელია. ეს საშუალებას გვაძლევს, საქართველოში და რეგიონში მოვიზიდოთ ისეთი მომხმარებლები, რომლებიც ეძებენ განსხვავებულს და განსაკუთრებულს.

გარდა ამისა, ჩვენი სერვისის ხარისხი სრულად მორგებულია პრემიუმ სეგმენტის მოთხოვნებზე, ყოველი შეკვეთა ინდივიდუალურად იფუთება, ტრანსპორტირება ხორციელდება სანდო საკურიერო პარტნიორების მეშვეობით, რათა დაცული იყოს ნივთის უსაფრთხოება და გარანტირებული იყოს მისი დაზიანებისგან დაცვა. ჩვენ შეგნებულად არ ვთავაზობთ იმავე დღეს მიტანის სერვისს, რადგან გვჯერა, რომ უნიკალურობას სჭირდება დრო.

სტანდარტული მომსახურების გარდა, Exquisite მომხმარებლებს სთავაზობს წევრობის პროგრამას - თუ აქტიურად სარგებლობთ ჩვენი სერვისებით და ახორციელებთ შეძენას ჩვენს ვებსაიტზე, ავტომატურად ხდებით წევრი და იღებთ სპეციალურ ბარათს. ეს ბარათი გაძლევთ შესაძლებლობას, მიიღოთ მეტი პრივილეგია და სარგებელი, ვიდრე ჩვეულებრივი, არაწევრი მომხმარებელი.

ბოლოს, მაგრამ არანაკლებ მნიშვნელოვანია ჩვენი ბრენდის ფილოსოფია - ჩვენ არ ვყიდით მხოლოდ პროდუქტს, ჩვენ ვთავაზობთ გამოცდილებას, რომელიც ხაზს უსვამს მომხმარებლის ინდივიდუალობას და განსხვავებულ გემოვნებას.

როგორია კომპანიის სამომავლო გეგმები?

ჩვენი მთავარი მიზანია, კიდევ უფრო გავამყაროთ პოზიცია ნიშურ და ულტრა-ლუქს სეგმენტში, როგორც საქართველოში, ისე საერთაშორისო მასშტაბით. უახლოეს მომავალში ვგეგმავთ: 

• ასორტიმენტის გაფართოებას - მომხმარებლებს შევთავაზებთ კიდევ უფრო უნიკალურ და ლიმიტირებულ კოლექციებს, მათ შორის ისეთ ნივთებს, რომლებიც შესაძლოა ხელმისაწვდომი იყოს შეზღუდული რაოდენობით;
• ახალი ბრენდების დამატებას - გავაფართოებთ პარტნიორობას, როგორც ევროპულ, ისე აზიურ პრემიუმ ბრენდებთან, რათა საქართველოში ჩამოვიტანოთ უახლესი და ყველაზე იშვიათი პროდუქტები;
• საერთაშორისო მიწოდების გაფართოებას - ვიმუშავებთ იმაზე, რომ ჩვენთან წარმოდგენილი ექსკლუზიური კოლექციები ხელმისაწვდომი გახდეს არა მხოლოდ ადგილობრივად, არამედ უცხოურ ბაზრებზე, მეტ ლოკაციებზე მსოფლიოს მასშტაბით. იგეგმება ფიზიკური მაღაზიის გახსნა არა მხოლოდ საქართველოში, არამედ ქვეყნის ფარგლებს გარეთაც, რადგან საერთაშორისო ბაზარზე მოთხოვნა განსაკუთრებით მაღალია. ამ ეტაპზე ზუსტი პერიოდი განსაზღვრული არ არის, თუმცა ეს ნაბიჯი ჩვენი განვითარების გრძელვადიანი სტრატეგიის ნაწილია.

ჩვენ გვჯერა, რომ ამ ნაბიჯებით შევძლებთ კიდევ უფრო მეტი სარგებლობა მოვუტანოთ ჩვენს კლიენტებს და გავზარდოთ ჩვენი ბრენდის მნიშვნელობა როგორც ადგილობრივ, ისე საერთაშორისო ბაზარზე.

ცნობისთვის, დამატებითი ინფორმაციის მიღება შესაძლებელია კომპანიის ოფიციალურ ვებგვერდზე - https://byexquisite.com/en