ჩვენი მიზანი მაღალხარისხიანი, ხელნაკეთი, ტერუარული ღვინოების წარმოებაა - მეღვინეობა პი • Winery PI
მეღვინეობა პი - Winery PI ღვინის მწარმოებელი კომპანიაა, რომელიც ბაზარზე 2020 წლიდან წარმატებით ოპერირებს. კომპანიის საქმიანობისა და სამომავლო გეგმების შესახებ, Business Insder Georgia „მეღვინეობა პი -ს“ დამფუძნებელს თეონა ომარაშვილს ესაუბრა.
როგორია კომპანიის საქმიანობის სფეციფიკა, როდის დაიწყეთ საქმიანობა და რას სთავაზობთ მომხმარებლებს?
“მეღვინეობა პი” მცირე წარმოების მარანია (წლიურად 7000 ბოთლამდე), რომელიც ამ ფორმულირებით 2020 წელს დაარსდა, თუმცა წინაპრეპიდან მოყოლებული ოჯახი ათწლეულების განმავლობაში ამზადებდა ღვინოს. სახელი დაკავშირებულია პი რიცხვთან 3.14, ღვინო 8000 წლიანი არსებობის ისტორიით ანუ „ღვინო როგორც მუდმივა“. მცირე მარანი წავკისში მდებრეობს.
როგორია კომპანიის მიმდინარე ასორტიმენტი?
ჩვენი ღვინოების დამზადების ტექნოლოგია, მრავალწლიან გამოცდილებაზე დაყრდნობით ვინიფიკაციის მხოლოდ ფიზიკური, ბუნებრივი პროცესებით მართვას გულისხმობს და ღვინოს ჰარმონიული და დაბალანსებული გემოვნებით გამოარჩევს. მთავარი კი ვენახებია, რომლისგანაც მზადდება ღვინო და რომელსაც სოფელ აკურაში და შილდაში ვფლობთ. (აკურაში - საფერავი 20 წლის 1ჰა; რქაწითელი მწვანე -40 წლის 12 რიგი, შილდაში - საფერავი 5 წლის 1 ჰა ჯერ ამ ვენახიდან ღვინო ჯერ არ დაგვიმზადებია კომერციული მიზნებისთვის). ასორტიმენტში ამ ეტაპზე მხოლოდ ორი სახის ღვინოა. ეს არის კლასიკური საფერავი (მზადდება 5500 ბოთლის ოდენობით უჟანგავ ავზებში) და ქვევრის ღვინო სახელწოდებით „აკურა“ ( მზადდება 1500 ბოლის ოდენობით ქვევრში, ყურძენი რქაწითელი80% & მწვანე 20% ).
რას მიიჩნევთ კომპანიის კონკურენტულ უპირატესობად?
„მეღვინეობა პის“ მიზანია მაღალხარისხიანი ხელნაკეთი ტერუარული ღვინოების წარმოება, რომელიც ყოველწლიურად აჩვენებს ინდივიდუალიზმს, გამოსახვს ადგილს, სტილს და ორიენტირებულია განვითარებაზე. ჩვენს კონკურენტულ უპირატესობად, მიმაჩნია ამ მიზნის უკომპრომისო ერთგულება და განხორციელება, რაც ჩვენს ყოველდღიურ გადაწყვეტილებებში ითარგმნება.
ღვინოები უკვე არაერთ საერთაშორისო კონკურსზე დაჯილდოვდა ოქროს და ვერცხლის მედლებით და მოხვდა ისეთ პრესტიჟულ გამოცემებში როგორიცაა: The Guardien, Harpers Wine & Spirit, the Scotsman, the Evening Standard UK, Vinum Magazine, WeinMarkt, Wine Table. ღვინოების ძირითადი ნაწილი კი ექსპორტზე ბრიტანეთში, შვეიცარიაში, ბელგიაში, შვედეთში და გერმანიაში გადის.
როგორია კომპანიის სამომავლო გეგმები?
კომპანიის სამომავლო გეგმები ძირითადად უკავშირდება ახალი საექსპორტო ბაზრების მოძიებას და ეტაპობრივად წარმოების გაზრდას,თუმცა ეს შორეული პერსპექტივაა.
დღის ტოპ 10 სიახლე
შიდა ქართლში 650 ჰექტარამდე სასოფლო-სამეურნეო მიწის ფართობზე სარწყავი წყლის მიწოდება გაუმჯობესდება
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სხვა სიახლეები
08.05.2025.12:00
Minimelts - პირველი ნანო ნაყინი საქართველოში, რომელიც დამზადებულია თხევადი აზოტის გამოყენებით მალე თბილისისა და ბათუმის გარდა შესაძლოა ქვეყნის სხვა ქალაქებშიც გაიყიდოს. როგორც Business Insider Georgia-ს Minimelts Georgia-ს დირექტორმა გიორგი ჯანიკაშვილმა განუცხადა, კომპანია ქვეყნის მასშტაბით გაფართოებას განიხილავს.
საქართველოში პირველი ნანო ნაყინის ბრენდი Minimelts-ი ერთი წლის უკან გამოჩნდა და ამ დროისათვის Minimelts Georgia ქვეყნის მასშტაბით უკვე 5 ფილიალის მფლობელია.
„კომპანიისთვის პირველი წელი იყო დინამიური და ზრდაზე ორიენტირებული. თავდაპირველი გეგმები და პროგნოზები დიდწილად გამართლდა, რაც მოიცავდა ბაზარზე პოზიციონირებასა და მომხმარებლისთვის პროდუქტის გაცნობას. ჩვენს ლოკაციებზე წარმატებით ოპერირება ამ ერთ წელიწადში მნიშვნელოვანი მიღწევაა. რეალობამ დაგვანახა მომხმარებლის მაღალი ინტერესი და მოთხოვნა, რაც გეგმების გადაჭარბებით შესრულებაშიც კი დაგვეხმარა გარკვეული მიმართულებებით.
Minimelts-ის ცნობადობა ამ ერთი წლის განმავლობაში მნიშვნელოვნად გაიზარდა, რაც პირდაპირ აისახა გაყიდვების სტაბილურ ზრდაზე. აქტიური მარკეტინგული კამპანიების, სოციალური მედიის ჩართულობისა და, რაც მთავარია, პროდუქტის უნიკალურობისა და ხარისხის დამსახურებით, ჩვენ შევძელით მომხმარებლების ლოიალობის მოპოვება და ბაზარზე პოზიციების გამყარება. ვპროგნოზირებთ, რომ ეს ტენდენცია მომავალშიც შენარჩუნდება.“, - აცხადებს გიორგი ჯანიკაშვილი. მისივე განმარტებით, ზაფხულის სეზონზე ბათუმში Minimelts-ი რამდენიმე სტრატეგიულ ლოკაციაზე გამოჩენას გეგმავს, რათა მაქსიმალურად ხელმისაწვდომი იყოს როგორც ადგილობრივი მოსახლეობისთვის, ასევე ტურისტებისთვის.
„ზუსტი რაოდენობა და ადგილმდებარეობა დამოკიდებული იქნება საბოლოო შეთანხმებებსა და ლოჯისტიკურ ფაქტორებზე. რაც შეეხება თბილისს, განვიხილავთ დროებითი ლოკაციების დამატებას ფესტივალებსა და ხალხმრავალ ღონისძიებებზე, სეზონური აქტივობების გათვალისწინებით“, - აცხადებს კომპანიის ხელმძღვანელი.
Minimelts-ის ქვეყანაში კიდევ უფრო გაფართოებისთვის კომპანია ბაზრის კვლევებს ატარებს.
„თბილისსა და ბათუმში წარმატებული ოპერირების შემდეგ, კომპანია აქტიურად განიხილავს საქართველოს სხვა დიდ ქალაქებში გაფართოებას. ამ ეტაპზე მიმდინარეობს ბაზრის კვლევა და პოტენციური პარტნიორების მოძიება. ჩვენი მიზანია, Minimelts-ი საქართველოს მასშტაბით უფრო მეტი მომხმარებლისთვის გახდეს ხელმისაწვდომი“, - აცხადებს Minimelts Georgia-ს დირექტორი.
გაფართოების პარალელურად Minimelts-ი ასორტიმენტის ზრდაზეც აქტიურად მუშაობს.
„ბაზარზე შემოსვლისას წარმოდგენილი 19 სახეობა იყო საწყისი ეტაპი. ამ ერთი წლის განმავლობაში, მომხმარებელთა გამოხმაურებისა და ბაზრის ტენდენციების გათვალისწინებით, ჩვენ ვმუშაობთ ასორტიმენტის როგორც განახლებაზე, ასევე ახალი, საინტერესო გემოების დამატებაზე. უახლოეს მომავალში მომხმარებლებს შევთავაზებთ განახლებულ ასორტიმენტს, რომელიც კიდევ უფრო მრავალფეროვანი და მიმზიდველი იქნება“, - ამბობს კომპანიის დირექტორი.
იმავდროულად, Minimelts Georgia-სთვის ქსელურ მარკეტებში შესვლა კომპანიის სტრატეგიული განვითარების ერთ-ერთი მნიშვნელოვანი მიმართულებაა.
„ამჟამად მიმდინარეობს აქტიური მოლაპარაკებები რამდენიმე მსხვილ ქსელთან, რათა ჩვენი პროდუქცია, შესაბამისი შეფუთვითა და ფორმატით, უფრო ფართო აუდიტორიისთვის გახდეს ხელმისაწვდომი. კონკრეტული შეთანხმებების შესახებ ინფორმაციას საზოგადოებას უახლოეს მომავალში მივაწვდით“, - აცხადებს გიორგი ჯანიკაშვილი.