Tkbili ტკბილი  არის განსხვავებული და მრავალფეროვანი ტკბილეულის მწარმოებელი კომპანია, რომელიც 2021 წლიდან ოპეირებს ქართულ ბაზარზე. მეტი ინფორმაციისთვის, Business Insider Georgia კომპანიის დამფუძნებელს სალომე ბიწაძეს ესაუბრა.

როგორია კომპანიის საქმიანობის სფეციფიკა, როდის დაიწყეთ საქმიანობა და რას სთავაზობთ მომხმარებლებს?

საქმიანობა დავიწყეთ 2021 წლიდან. ამ წლების განმავლობაში კომპანიამ მნიშვნელოვანი ტრანსფორმაცია განიცადა. საწყის ეტაპზე მხოლოდ ონლაინ პლატფორმებზე ვიყავით ხელმისაწვდომები Glovo-სა და Wolt-ის აპლიკაციებში. მოგვიანებით გავხსენით საკონდიტრო, სადაც მომხმარებლებს შეუძლიათ მოსვლა, პროდუქციის არჩევა და შეძენა.

საწყის ეტაპზე მხოლოდ ბოქსებს ვთავაზობდით მომხმარებლებს, შემდეგ კი მოთხოვნიდან გამომდინარე გავაფართოვეთ პროდუქცია, დავიწყეთ აქტიური თანამშრომლობა კომპანიებთან. აღსანიშნავია, რომ ეს ბიზნესი ნულიდან დავიწყეთ, რაც ყველაზე დიდი ფასეულობაა.

ჩვენი საკონდიტრო განსაკუთრებულია იმით, რომ ყველა პროდუქტი მზადდება მომხმარებლის თვალწინ და სწორედ შეკვეთის მომენტში იკრემება. ეს პრინციპი დაცულია როგორც ფილიალში, ასევე Delivery-ის შემთხვევაში. განსაკუთრებულ ყურადღებას ვაქცევთ ხარისხს, ვიყენებთ მაქსიმალურად ქართულ, ნატურალურ პროდუქტებს და ვცდილობთ შევინარჩუნოთ ხელმისწავდომი ფასები.

გავიარეთ მრავალი ეტაპი და დღეს უკვე ორი ფილიალით ვართ წარმოდგენილი.

როგორ აფასებთ მოთხოვნას ზოგადი თვალსაზრისით?

მოთხოვნა სტაბილურად იზრდება, განსაკუთრებით საახალწლო პერიოდში. წინა წლებთან შედარებით, გაიზარდა ინტერესი და შეკვეთები კომპანიების მხრიდანაც.

როგორია მიმდინარე ასორტიმენტი?

მიმდინარე ასორტიმენტი მრავალფეროვანია და მოიცავს, როგორც საახალწლო, ასევე არასაახალწლო ტკბილეულის ბოქსებს, ტორტებს, ნამცხვრებს, ორცხობილებს (მათ შორის ოთხფეხა მეგობრებისთვის), შოკოლადებს, ჯემებს და სხვადასხვა სახის სასმელებს. გარდა ამისა, კომპანიებს ვთავაზობთ ფურშეტით მომსახურებას.

რას მიიჩნევთ კომპანიის კონკურენტულ უპირატესობად?

კომპანიის კონკურენტული უპირატესობა გულისხმობს :

• ყოველთვის ახალი, ადგილზე მომზადებულ (Fresh) პროდუქციას, რომელსაც სხვაგან ვერსად შეხვდებით;

• მაღალი ხარისხის ნატურალურ ინგრედიენტებს;

• ორცხობილა ოთხფეხა მეგობრებისთვის, რომელიც ამავდროულად Humans-friendly-იც არის და რომელსაც ყველა საჭირო შემოწმება აქვს გავლილი. მსგავს პროდუქტს ჩვენს გარდა არ აწარმოებს სხვა არც ერთი კომპანია.

როგორია კომპანიის სამომავლო გეგმები?

სამომავლოდ ვგეგმავთ ფილიალების დამატებას. გარდა ამისა, ვმუშაობთ ჩვენი ე.წ. „მშრალი საკვებით“ მარკეტების ქსელ „სმარტში“ შესვლაზე, ამ მიმართულებით მოლაპარაკებები უკვე მიმდინარეობს.

ასევე, უახლოეს პერიოდში ვგეგმავთ Wolt-ზე გამოჩენას ოთხფეხა მეგობრებისთვის განკუთვნილი ორცხობილებით, პარალელურად კი მოლაპარაკებებს ვაწარმოებთ ერთ-ერთ ძაღლების სკოლა-ბაღთან.

ცნობისთვის, კომპანია სტაბილურად 10 ადამიანს ასაქმებს, თუმცა პროექტების მიხედვით თანამშრომლების რაოდენობა იზრდება. მაგალითად, ფურშეტების დროს, როცა დამატებითი რესურსია საჭირო.

„ტკბილი“ ამჟამად ბაზარზე ორი ფილიალით არის წარმოდგენილი, რომლებიც ცაგარელის 51 და კოსტავას 72 ნომერში მდებარეობს.