Sairme Glampings Rooms & Cottages სულ რამდენიმე თვეა, რაც ბაზარზე ოპერირებს და ამ მოკლე პერიოდის განმავლობაში გაფართოებაც მოახერხა. მეტი ინფორმაციისთვის  Business Insider Georgia კომპანიის დამფუძნებელს ვილი თუთაშვილს ესაუბრა.

რაიმე განსაკუთრებული სიახლე ხომ არ აქვს კომპანიას მიმდინარე ეტაპზე?

ჩვენი ტერიტორია განთავსებულია იმ ადგილას, სადაც საუკუნეების წინ ჩვენი წინაპრები სტუმრებს მასპინძლობდნენ და ტურისტულ სერვისს სთავაზობდნენ. სწორედ ამ ისტორიის გაგრძელებაა ჩვენი მისია — შევქმნათ ინოვაციური, ბუნებასთან ჰარმონიაში მყოფი გარემო საირმის უნიკალურ მთებში, კურორტ საირმის მხარდაჭერით. უახლოეს მომავალში, საირმის რეკრეაციული ფერმის ძალისხმევით, ჩვენს სტუმრებს შესაძლებლობა ექნებათ საკუთარი თვალით იხილონ არჩვი და ირემი.

გარდა ამისა, სულ რამდენიმე დღეში მომხმარებლებს შევთავაზებთ ცივი და ცხელი წყლის აუზებს, რაც დამატებით კომფორტს და სიმშვიდეს შემატებს მათ დასვენებას.

როგორ აფასებთ მოთხოვნას ზოგადი თვალსაზრისით?

დაინტერესება საკმაოდ მაღალია, თუმცა განსაკუთრებით აქტიურ სეზონს ველით ზაფხულში, როდესაც ვიზიტორების რაოდენობა კიდევ უფრო გაიზრდება.

უკვე დავამატეთ სტუმრებზე მორგებული ბარ-რესტორანი, სადაც მათ დახვდებათ სპეციალურად „საირმე გლემფინგისთვის“ შექმნილი ექსკლუზიური ღვინო და მრავალფეროვანი, გემრიელი ქართული და თანამედროვე კერძები.

რას მიიჩნევთ კომპანიის კონკურენტულ უპირატესობად? 

ჩვენი კომპლექსის კონკურენტული უპირატესობა განპირობებულია უნიკალური მდებარეობით, თვალწარმტაცი ბუნებით და იმ განსაკუთრებული სერვისებით, რომელსაც ჩვენს სტუმრებს ვთავაზობთ. ასევე, ადგილზე მოქმედებს სპეციალურად გამოყოფილი სატრანსპორტო საშუალება, რომლით სარგებლობაც სურვილის შემთხვევაში ნებისმიერ დამსვენებელს შეუძლია.

როგორია კომპანიის სამომავლო გეგმები?

სამომავლოდ ჩვენს სტუმრებს კიდევ უფრო მეტ სიახლესა და კომფორტს ვპირდებით. „საირმე გლემფინგი“ მუდმივად განვითარებასა და განახლებაზეა ორიენტირებული. 

ცნობისთვის,ბაზარზე სვლის იდეა დამფუძნებელს დაახლოებით ორი წლის წინ    გაუჩნდა. სურვილი იყო ეკო-მეგობრული სასტუმროს შეთავაზება მომხმარებლებისათვის. დასაჯავშნად  და დამატებითი ინფორმაციისთვის შეგიძლიათ ეწვიოთ „საირმე გლემფინგის“ ოფიციალურ გვერდებს:

• Facebook: Sairme Glampings • Rooms & Cottages

• Booking.com: Sairme Glampings

ასევე, შეგიძლიათ დაუკავშირდეთ მათ შემდეგ ნომერზე: 

+995 598 871 871