მოთხოვნიდან გამომდინარე გასარუჯ ხაზში დავამატეთ 30SPF და 50SPF დიდ მოცულობაში. ამის შესახებ, Business Insider Georgia - ს „პიელ ნატურალსის“ დამფუძნებელმა თათუკა ლომაძემ განუცხადა. მისივე თქმით, ახალი შეფუთვა გაცილებით კომფორტული და მოსახერხებელია.

„საკმაოდ დიდი ხანია არსებობს მოთხოვნა 30SPF და 50SPF დამცავების დიდ მოცულობებზე. ჩვენ უკვე წელიწად ნახევარზე მეტია რაც გვაქვს 30SPF და 50SPF -იანი სახის დამცავები და ახლა უკვე მოთხოვნიდან გამომდინარე გასარუჯ ხაზში დავამატეთ დიდი ზომის მოცულობები, რომელიც არის გადამუშავებადი პლასტმასის შეფუთვაში და არ ტყდება. პროდუქტი არ ტოვებს თეთრ კვალს, მყისიერად შეიწოვება, არის UVB-UVA-IR დამცავი ფორმულით, უზრუნველყოფს სრულყოფილ დაცვას მზის გამოსხივების წინააღმდეგ, ამცირებს კანის სიწითლისა და გაღიზიანების რისკს, იდეალურია 3 წლის ზემოთ ბავშვებისთვისაც “, - ამბობს კომპანიის დამფუძნებელი.

ასორტიმენტს დაემატა სხვადასხვა სახის გლოსი, რომელიც ტუჩს გამოშრობისგან იცავს.

„ჩვენს ასორტიმენტს დაემატა ყურძნის წიპწის ზეთის ბაზაზე შექმნილი სამი ახალი გლოსის ფერი: შოკოლადისფერი, ვანილისფერი და ბურგუნდისფერი, რომლებიც ამჟამად ყველაზე ტრენდულია. გარდა ამისა, დავამატეთ მარწყვის გლოსიც.
მოთხოვნა ჩვენს პროდუქციაზე საკმაოდ მაღალია, რის შედეგადაც ჩვენი ფინანსური შემოსავალი დაახლოებით 10–15%-ით გაიზარდა “, - აცხადებს თათუკა ლომაძე.

კომპანია, შემოდგომის სეზონისთვის აქტიურად ემზადება და ახალი ხაზის დამატებას გეგმავს.

“ვმუშაობთ შემოდგომის სეზონისთვის. ვგეგმავთ ახალი ხაზის გამოშვებას, რომელიც იდეალურად მოერგება გარუჯულ კანს სახის მოვლის მიმართულებით. გარდა ამისა, სექტემბრიდან დავიწყებთ რეტინოლის ხაზის წარმოებას, რომელშიც წარმოდგენილი იქნება 24K ოქროთი და რეტინოლით გამდიდრებული დღის და ღამის კრემები და ასევე შრატი “, - აღნიშნავს კომპანიის დამფუძნებელი.

ცნობისთვის, Piel Naturals-ი არის N1 ქართული თავის მოვლის პრემიუმ კოსმეტიკის ბრენდი. კომპანიის მიზანია მაღალი ხარისხის, ნატურალური პროდუქტების შექმნა. პროდუქციის სრული ასორტიმენტი, მორგებულია კანის სხვადასხვა ტიპებსა და პრობლემებზე. Piel Naturals-ის ძირითადი ნიშა ის არის, რომ პროდუქცია არ შეიცავს პარაბენს, პარაფინს, სილიკონებს და მავნე ნივთიერებებს.