ჩვენ ვერ ვხედავთ რომ ქვეყანა რუსეთისკენ მიდის, თუნდაც იმ კანონით - ლაშა პაპაშვილი
ჩვენ ვერ ვხედავთ რომ ქვეყანა რუსეთისკენ მიდის, თუნდაც იმ კანონით, - ამის შესახებ მედიასთან საქართველოს ბიზნეს ასოციაციის პირველმა ვიცე-პრეზიდენტმა ლაშა პაპაშვილმა განაცხადა.
პაპაშვილი მედიასთან აშშ-ს მიერ დაწესებულ სანქციებს გამოეხმაურა და მოსალოდნელ შედეგებზე ისაუბრა:
„ვფიქრობ, რომ ფაქიზი თემებია და ეს არ არის მხოლოდ ჩვენი ქვეყნის პრობლემა. ზოგადად მსოფლიოში ურთულესი ვითარებაა და ორი საომარი პროცესი მიმდინარეობს. აშშ-ის ყოფილ პრეზიდენტზე დონალდ ტრამპზე მომხდარი თავდასხმაც გასათვალისწინებელია. აშშ მსოფლიოს ფლაგმანი ქვეყანაა და ასეთი ტრაგიკული მოვლენები ხდება. ამ მოვლენების ფონზე, [საქართველოსს] მთავრობის ვალდებულებაა, რომ ბეწვის ხიდზე გაგვატარონ. ყველაფერი უნდა გააკეთოს მთავრობამ რომ ეს სანქციები არ გაღრმავდეს“, - აღნიშნა ლაშა პაპაშვილმა.
მისი თქმით, ბანკები დასანქცირებულ პირებს უბრალოდ ვერ მოემსახურებიან, რადგან საკორესპონდენტო ბანკები არ მისცემენ ამის საშუალებას.
„რაც ეს პროცესი დაიწყო ჩვენ ვემუშავებით ხელისუფლებას და ჩვენი რჩევა იყო, როდესაც კრიზისი პიკზე იყო მეტი პიარი ყოფილიყო ქვეყანაში არსებული ვითარების და მეტი კომუნიკაცია. ჩვენ ვერ ვხედავთ რომ ქვეყანა რუსეთისკენ მიდის, თუნდაც იმ კანონით.
პოლიტიკური რყევების გამო მგონია სანქციები და არა რაღაცა ერთი კანონიდან გამომდინარე. კანონი გარდამტეხი ვერ იქნება ამაში. ჩვენ ვერ ვხედავთ რომ ქვეყანა რუსეთისკენ მიდის, თუნდაც იმ კანონით კანონი არის საბაბი, მიზეზი სხვაა, მსოფლიოში მიმდინარე ღრმა პოლიტიკური სიტუაციები“, - აღნიშნა პაპაშვილმა.
პაპაშვილის შეფასებით, სანქციები ბიზნესზე ცუდად აისახება.
„სამი თვის წინ ვნახეთ, რომ მხოლოდ ორი კვირის განმავლობაში ლარის დევალვაცია იყო 90%-იანი. შესაძლოა, საათებით ჩამოიშალოს ეკონომიკა. ხელისუფლებამ უნდა იმოქმედოს. როცა მე ვარ ჩიხში და ვიღაცა მასანქცირებს ყველაფერი უნდა გავაკეთო რომ არ დამასანქციროს. მეტი მუშაობაა საჭირო“, - აღნიშნა პაპაშვილმა.
აშშ-ს სახაზინო დეპარტამენტმა "ხარება", იგივე ზვიად ხარაზიშვილი, მისი მოადგილე მილერი ლაგაზაური და პარტია ალტ-ინფოს ლიდერები, კონსტანტინე მორგოშია და ზურაბ მახარაძე დაასანქცირა.აშშ-ს სახელმწიფო ხაზინის მიერ დაწესებული სანქციების გარდა, სახელმწიფო დეპარტამენტმა სავიზო სანქციები დაუწესა 60 პირსა და მათი ოჯახის წევრებს, რომლებიც საქართველოში დემოკრატიისთვის ძირის გამოთხრაში მონაწილეობდნენ.
დღის ტოპ 10 სიახლე
ჩვენი მიზანია გავხდეთ საქართველოს წამყვანი სასტუმრო - Le Méridien Batumi-ს ახალი გენერალური მენეჯერი
სხვა სიახლეები
კოკა-კოლას „წლის რეგიონი“ - დაჯილდოება თანამშრომლებისა და პარტნიორების წახალისებისთვის
13.02.2026.21:56
თანამშრომლებზე ზრუნვის, წახალისებისა და მოტივაციის ზრდის მიზნით, კომპანია „კოკა-კოლა ბოთლერს ჯორჯიამ“ კიდევ ერთი მნიშვნელოვანი პროექტი ტრადიციად აქცია. 13 თებერვალს, ქობულეთში, სასტუმრო „ჯორჯია პალასმა“ დაჯილდოების ცერემონიას „წლის რეგიონი“ უმასპინძლა, სადაც კომპანიამ რეგიონებში მოქმედი პარტნიორები დააჯილდოვა.
„წლის რეგიონი“- ეს არის კომპანია „კოკა-კოლა ბოთლერს ჯორჯიას“ მიერ რეგიონებში მომუშავე პარტნიორებისთვის შექმნილი დაჯილდოება, რომლის მთავარი მიზანი თანამშრომლების წახალისება და დასახული გეგმების გუნდურად შესრულების ხელშეწყობაა. ეს ჯილდო მადლიერების ჟესტია იმ პარტნიორების მიმართ, რომელთაც კომპანიის წარმატებაში ყოველდღიური წვლილი შეაქვთ.
„ეს არის კოკა-კოლას პარტნიორების დაფასება, რაც აუცილებელია მოტივაციისთვის. მოტივაციისა და პატივისცემისთვის ეს დაჯილდოება არის ჩვენი სიმდიდრე. ეს არ არის მხოლოდ შეხვედრა შეხვედრისთვის, ეს ჩვენი - კოკა-კოლას - დიდი ოჯახის შეკრების პრეზენტაცია, სადაც ვაჩვენებთ რამდენად პატივს ვცემთ დიდ ბიზნესსა და ჩვენს ქვეყანას, რომელსაც ვემსახურებით. ამით ჩვენ გამოვხატავთ ჩვენს დამოკიდებულებას ქვეყანასთან, ოჯახებთან, ბიზნესთან; რაც მთავარია ჩვენ ერთმანეთს ყოველ წელს ვუმტკიცებთ, რამდენად გავიზარდეთ ჩვენ თვითონ. ცოტა სხვანაირად რომ ავხსნა - ეს კონკურსია ცოდნის, დისციპლინის, ნდობისა და ერთობლიობის. ეს მრავალფეროვანი შეფასებაა. გვეამაყება რომ ჩვენი როლი სახელმწიფოს ეკონომიკაში ძალიან მნიშვნელოვანია. ათასობით ადამიანი და ოჯახი მონაწილეობს ამ პროცესში“, - განაცხადა კომპანია "კოკა-კოლა ბოთლერს ჯორჯიას" სამეთვალყურეო საბჭოს თავმჯდომარემ თემურ ჭყონიამ.
თანამშრომლების დაფასება და მათი პროფესიული ზრდის მხარდაჭერა კი “კოკა-კოლა ბოთლერს ჯორჯიას” კორპორატიული კულტურის განუყოფელი ნაწილია. კომპანიას რეგიონებში პარტნიორებთან მრავალწლიანი თანამშრომლობის გამოცდილება აქვს, მსგავსი ინიციატივა კი კიდევ ერთხელ ხაზს უსვამს იმ მხარდაჭერას, რომელსაც კომპანია თითოეულ დასაქმებულს სთავაზობს. დაჯილდოება “წლის რეგიონი” იმ უწყვეტი პროცესის ნაწილია, რომელსაც თანამშრომლების პროფესიულ განვითარებაში ინვესტირება ჰქვია. კომპანიის მიზანია შექმნას გარემო, სადაც თითოეული თანამშრომელი და პარტნიორი, საკუთარი შრომის შედეგსა და დაფასებას ხედავს.
განვითარებაზე, ზრდასა და პროგრესზე ორიენტირებული კრიტერიუმების მიხედვით, საუკეთესო შედეგების მქონე რეგიონები, კომპანია “კოკა-კოლამ” 6 სხვადასხვა ნომინაციაში გამოავლინა და გამარჯვებულებს სპეციალური პრიზები გადასცა.
კოკა-კოლას პარტნიორები რეგიონებიდან შემდეგ ნომინაციებში დაჯილდოვდნენ:
გამარჯვებულებს სპეციალური პრიზები - კოკა-კოლას ოქროს ბოთლი, კოკა-კოლას ბრენდირებული საჩუქრების ყუთი, საერთაშორისო სერტიფიკატი და ფულადი ჯილდო გადაეცათ. რეგიონების შეფასება კი ისეთ რამდენიმე მნიშვნელოვან კრიტერიუმს ეფუძნებოდა, როგორიცაა გასულ წელთან შედარებით მიღწეულ შედეგები, გეგმის შესრულების ხარისხი, კონტრიბუცია, RGM - შემოსავლის ზრდის მენეჯმენტი და მარკეტინგული აქტივობები.
კომპანია “კოკა-კოლა ბოთლერს ჯორჯიასგან” თანამშრომლების წახალისება უკვე ტრადიციაა, რაც მათი შრომისა და მიღწევის დაფასებას ემსახურება.
