Kass Land • კასს ლენდი უკვე იქცა ოთხივე სეზონის განუმეორებელ დასასვენებელ სივრცედ. როგორც Business Insider Georgia-სთან საუბრისას კომპანიაში Kass Group აღნიშნავენ, Kass Land სტუმრებს სთავაზობს მრავალფეროვან სერვისებს ისე, რომ ადგილი წლის ნებისმიერ დროს საინტერესო და მიმზიდველ ტურისტულ მიმართულებად რჩება.

„Kass Land უკვე მასპინძლობს სტუმრებს ოთხივე სეზონზე. Kass Land სთავაზობს ვიზიტორებს განთავსებას, საკონფერენციო მომსახურებას, სპა და აუზს, უგემრიელეს სამზარეულოს, შთამბეჭდავ ბუნებას, რაც ყველა სეზონზე ასეთი მიმზიდველი და სასურველია,“ - განმარტავენ კომპანიაში.

Kass Land-ის დაცულმა ტერიტორიამ ზაფხულის ტურისტულ სეზონზე 20%-ით მეტ ვიზიტორს უმასპინძლა. Kass Group-ში აცხადებენ, რომ ზაფხული დატვირთული იყო ვიზიტორებით როგორც დაცული ტერიტორიის, ასევე განთავსების მიმართულებით.

მიმდინარე წელს ლოკაციაზე ოფიციალურად გაიხსნა Kass Land Diamond Resort-ი, სადაც სტუმრების დიდი ნაწილი განთავსების ობიექტს ისრაელიდან სტუმრობდა.

„სტუმრების ძირითადი რაოდენობა იყო ისრაელიდან - განთავსების მიმართულებით. ადგილობრივებისა და უცხოელების გადანაწილება იყო 75% / 25%. ლიდერობდნენ: ისრაელი, ჩინეთი, პოლონეთი, რუსეთი,“ - განმარტავენ კომპანიაში.

ზაფხულის შემდეგ, შემოდგომაზე ჯავშნების რაოდენობამ იკლო, თუმცა მიმდინარეობს მუშაობა ზამთრის სეზონზე ჯგუფების მიღებასთან დაკავშირებით. ასევე, სასტუმროში დომინირებს ინდივიდუალური ჯავშნები.

Kass Group ინფრასტრუქტურის განახლებასა და ახლის დამატებას მუდმივ რეჟიმში ახორციელებს და, როგორც კომპანიაში განმარტავენ, მომდევნო წლებში აქ იგეგმება ატრაქციონების და განთავსების საშუალებების მოწყობა.

„Kass Land მუდმივად სთავაზობს მომხმარებლებს განახლებულ სერვისებს. სამომავლოდ იგეგმება დამატებითი ატრაქციონების მოწყობა პარკში და განთავსების საშუალებების,“ - აცხადებენ Kass Group-ში.