ჩინური ონლაინ პლატფორმები ჩინური ახალი წლის პერიოდში საკუთარ მომხმარებლებს სხვადასხვა ტიპის აქციებს სთავაზობენ. ფასდაკლებები თითოეულ პლატფორმაზე ინდივიდუალურია და სხვადასხვა ფაქტორზეა დამოკიდებული. Business Insider Georgia-სთან Inex Group-ის საერთაშორისო პროექტების მენეჯერმა, სალომე გუბელაძემ, განაცხადა, რომ ფასდაკლების აქციები უკვე აქტიურად მიმდინარეობს Inex Group-ის პარტნიორ პლატფორმებზე, როგორიცაა Taobao და Pinduoduo.

„ჩინური ახალი წლის თარიღები ყოველწლიურად იცვლება. ისინი დამოკიდებულია მთვარის კალენდარზე, რომელიც, თავის მხრივ, მთვარისა და მზის ციკლებზეა დამყარებული და ჩვეულებრივ საერთაშორისო კალენდარს 21-51 დღით ჩამორჩება.

ჩინური ახალი წელი ყოველწლიურად საშუალოდ 21 იანვრიდან 20 თებერვლამდე პერიოდში აღინიშნება. ამ წელს ჩინური ახალი წელი დგება 17 თებერვალს, ხოლო დასვენების დღეები 12-23 თებერვლის ჩათვლით არის.

დიდი პლატფორმები, როგორებიცაა ჩვენი ექსკლუზიური პარტნიორები Taobao, Pinduoduo და სხვა, ამ პერიოდში არ წყვეტენ საიტის მუშაობას. თუმცა ბევრ გამყიდველს სჭირდება მომხმარებლის გაფრთხილება, რომ საკურიერო და სატრანსპორტო პროცესები შესაძლოა დაგვიანდეს - ამის მიზეზია ზოგიერთი ადგილობრივი საფოსტო და შიდა გადაზიდვების კომპანია შეზღუდული გრაფიკით მუშაობა აღნიშნულ პერიოდში.

რაც შეეხება ფასდაკლებებს და პრომო აქციებს, Taobao ამჟამად მომხმარებელს ჩინური ახალი წლის პერიოდში 12%-იან ფასდაკლებებს სთავაზობს, რომლებიც 12 თებერვლამდე მოქმედებს. Pinduoduo-ს აპლიკაციაში კი მთავარი გვერდის ქვედა ნაწილში განთავსებულია სექცია New Year Shopping Festival, სადაც წარმოდგენილ პროდუქტებზე მოქმედებს სხვადასხვა სახის ფასდაკლება. ეს აქცია მასშტაბებით უტოლდება11.11-ის აქციებს, რომელიც ნოემბრის ერთ-ერთი ყველაზე დიდი მოვლენაა, რომელსაც შავი პარასკევის თემატიკა აქვს. მსგავსი ფასდაკლებები არის ასევე დეკემბერში - 12.12 და სექციაში წარმოდგენილი პროდუქტები თითქმის სრულად იმეორებს ამ თემატიკის ფასდაკლებებს“, - აღნიშნავს სალომე გუბელაძე.