ჩემთვის და ბევრი სხვა ინვესტორებისთვის საინტერესოა საექსპორტო ინდუსტრიებში შესვლა - ირაკლი რუხაძე
ჩემთვის და ბევრი სხვა ინვესტორებისთვის საინტერესოა საექსპორტო ინდუსტრიებში შესვლა - აცხადებს საინვესტიციო ჯგუფის „ჰანიველ პარტნერსის“ დამფუძნებელი ირაკლი რუხაძე. მისივე განმარტებით, მისი ჯგუფისთვის, რომელიც კომპანიების ყიდვა და შემდეგ გაყიდვითაა დაინტერესებული, თითქმის ყველა მიმართულება საინტერესოა.
„საქართველო არის პატარა ქვეყანა მოსახლეობით, ამას ჩვენ ვერ გავზრდით. აქ ბევრ რაღაცას ვლაპარაკობთ, მაგრამ შეიძლება ოდესღაც ეს მოხდეს. ჩვენ მეზობლებთან ერთად შევქმნათ საერთო სავაჭრო სივრცე, მაგრამ ეს არ გვაქვს. ეს ძალიან კარგი იქნება და ამიტომ ბევრი, საქართველოს ბაზარზე თუ იქნები მარტო მიმართული, გაქვს ასე თუ ისე ლიმიტირებული ზრდა. ამიტომ ჩემთვის და ეჭვი მაქვს, რომ ბევრი სხვა ინვესტორებისთვისაც საინტერესო არის საქართველოს გამოყენება იქ, სადაც შესაძლებელია საექსპორტო პროდუქციის გაჩენა, ან საექსპორტო ინდუსტრიებში შესვლა. იგივე ამ კორიდორის გადაყენება ეს იქნება გადამზიდები, პორტები, ავიაკომპანიები, ბევრი რაღაც რომელიც საქართველოშია, იყენებს საქართველოს მდებარეობას მაგრამ მუშაობს რეალურად ექსპორტზე და ბევრად უფრო დიდ ბაზარზე. ამიტომ, როგორც ვთქვი ჩემთვის საინტერესო იქნება, მაგალითად, შევხედო პორტების სტილს, ასევე ავიაკომპანიების სტილს, სხვადასხვა იმ ინდუსტრიებს, რომელიც ამ კორიდორს მოემსახურება და ა.შ“, - აცხადებს ბიზნესმენი.
გიორგი რუხაძე სამომავლოდ სამგზავრო ავიაკომპანიის შექმნასაც არ გამორიცხავს.
„კი განვიხილავ და ძალიან აქტიურად ვმუშაობთ“, - აღნიშნა რუხაძემ.
სხვა სიახლეები
ჩვენი ნიშა სოფლისთვის დამახასიათებელი ხასიათია - შატო-დიო
12.06.2025.10:00
„შატო დიო“ წარმოადგენს საოჯახო ტიპის მარნისა და სასტუმროს ობიექტს, რომლის ისტორიაც ათი წლის წინ დაიწყო. კომპლექსი მდებარეობს რაჭის რეგიონში, სოფელ ძირაგეულში. მეტი ინფორმაციისთვის Business Insider Georgia კომპანიის დამფუძნებელს, დიომიდე დვალს ესაუბრა.
„საქმიანობა დავიწყეთ დაახლოებით 10 წლის წინ. ვაერთიანებთ ღვინის მარანსა და სასტუმროს. სასტუმროს კომპლექსი 25 ნომერს მოიცავს. რაც შეეხება ღვინოს, ვაწარმოებთ ხუთ სახეობას: ალექსანდროული, ხვანჭკარა, რაჭული თეთრა, თბილული და კუდურაული “, - აღნიშნავს დიომიდე დვალი.
ადგილზე მისულ სტუმარს სხვადასხვა აქტივობებში ჩართვის შესაძლებლობა აქვს.
„ჩვენთან მოსულ სტუმრებს ვთავაზობთ ღვინის დეგუსტაციებს, ადგილობრივ კერძებს, საცხენოსნო ტურებსა და ჯომარდობის აქტივობებს. გაფართოებას ამ ეტაპზე არ ვგეგმავთ. გვინდა შევინარჩუნოთ სოფლისთვის დამახასიათებელი ხასიათი “, - ამბობს კომპანიის დამფუძნებელი.
ცნობისთვის, „შატო დიო“ იდეალური არჩევანია მათთვის, ვისაც სურს მშვიდ გარემოში დასვენება. ობიექტი მაღალი შეფასებით გამოირჩევა Booking-ის პლატფორმაზე. ღვინის შეძენა შესაძლებელია ადგილზე და ასევე მიწოდება ხდება მთელი საქართველოს მასშტაბით.
