Dreamland Oasis Hotel - ში სრულიად ახალი, მრავალპროფილური Spa & Wellness ცენტრი იხსნება , - ამის შესახებ Business Insider Georgia -ს კომპანიის მარკეტინგის ხელმძღვანელმა მარიკა იაკობაძემ განუცხადა.

„აჭარის ყველაზე მსხვილ ტურისტულ კომპლექსში Dreamland Oasis -ში სრულიად ახალი, მრავალპროფილური Spa & Wellness ცენტრი იხსნება, რომელიც საქართველოში ერთ-ერთ ყველაზე მასშტაბურ და მრავალფეროვან ველნეს სივრცედ ჩამოყალიბდება.

ახალი ცენტრი მოიცავს ისეთი სერვისებისა და ინფრასტრუქტურის ერთობლიობას, რომელიც ამ ეტაპზე იშვიათია ქვეყნის მასშტაბით. სივრცე აერთიანებს დასვენებისა და ჯანმრთელობისთვის საჭირო მიმართულებებს, ასევე იმ სერვისების უმეტესობას, რომლებიც თანამედროვე საერთაშორისო ველნეს ინდუსტრიის სტანდარტებით სრულ პაკეტს ქმნის.

კომპლექსი აერთიანებს სხვადასხვა ტიპის საუნას, თერაპიულ ოთახებს, აუზებს და დასასვენებელ ზონებს. ჩვენი მიზანია, სტუმარს შევთავაზოთ არა მხოლოდ სტანდარტული სპა, არამედ ჯანმრთელობაზე დაფუძნებული გამოცდილება.

ცენტრის მიზანია მოემსახუროს, როგორც ადგილობრივ, ისე საერთაშორისო მომხმარებელს. ბოლო წლებში Wellness ტურიზმის მიმართულება მნიშვნელოვნად გაიზარდა, ამ სეგმენტის პოტენციალი უზარმაზარია. ახალი ცენტრი მნიშვნელოვნად გაზრდის როგორც კომპლექსის სტუმრების დაინტერესებას, ასევე სეზონურობის გადანაწილებასაც.

ახალი Spa & Wellness ცენტრის დამატება იქნება კიდევ ერთი მნიშვნელოვანი ნაბიჯი საერთაშორისო კლასის Wellness ეკოსისტემის შექმნისთვის.

კომპლექსი ამ ეტაპზე მშენებლობის პროცესშია და გახსნა ახლო მომავალში იგეგმება “, - აცხადებს მარიკა იაკობაძე.