კომპანია ბრავიტონი • Braviton-ი, რომელიც ბაზარს სამშენებლო მასალებით ამარაგებს რამდენიმე თვის უკან გაფართოვდა და დასავლეთ საქართველოში ერთ-ერთ უმსხვილესი და მაღალი ხარისხი საწარმო გახსნა, სადაც მეტალო-პლასტმასის და ალუმინის კარ-ფანჯრებს ამზადებს. 

როგორც Business Insider Georgia-სთან „ბრავიტონის“ ბიზნესის განვითარების მენეჯერმა ზურა ბაკურაძემ განაცხადა, კომპანია საწარმოში ასორტიმენტის ზრდაზე მუშაობს და მალე ბაზარს ახალ სერვისებსაც შესთავაზებს. 

„საწარმო სფერო ჩვენთვის სრულიად ახალი გამოწვევა იყო და მიხარია, რომ საქმე წარმატებულად დავიწყეთ. უკვე რამდენიმე ობიექტი სრულად ჩავიბარეთ და აქტიურად ვმუშაობთ მათ დასრულებაზე.

ცხადია, პირველი ნაბიჯები სირთულეებთან იყო დაკავშირებული. განსაკუთრებით, კვალიფიციური გუნდის შეკვრა, თუმცა, როგორც კი საწყისი დაბრკოლება დავძლიეთ, მალევე გაგვეხსნა გზა ფართომასშტაბიან პროექტებზე.

ახლო მომავალში გვსურს შენობის შესაფუთად საჭირო სხვა პროდუქციის დანადგარებიც შევიძინოთ, მაგალითად აივნის მოაჯირებისთვის, ალუმინის კომპოზიტური პანელებისთვის და სხვა.

ასევე საინტერესოა, 2025 წლის 9 თვის მაგალითზე კომპანიის გაყიდვები გასული წლის ანალოგიურ პერიოდთან შედარებით რა მიმართულებით შეიცვალა (პროცენტულად).

ბრავიტონის ისტორია არ არის მაღალი აღმასვლებისა და სწრაფი დაღმასვლის, არამედ მდგრადი, წინდახედული და სტაბილური ზრდის მაგალითი. სამშენებლო კომპანიებთან მყარი ურთიერთობით და სანდო თანამშრომლობით იზრდება ჩვენი ძირითადი მიმართულების, სამშენებლო რკინის გაყიდვების ბრუნვა, რომელსაც უკვე დავუმატეთ საიზოლაციო მასალები. პირველი ნაბიჯები გადავდგით წარმოებისა და დისტრიბუციის კუთხით და ჩვენს პარტნიორებს შევთავაზეთ ისეთი პროდუქცია, რომელიც მეტ სანდოობას სძენს ჩვენს ბრენდს. ჩვენი მიზანია სამშენებლო და სარემონტო სექტორში მაქსიმალურად ბევრი მიმართულება ავითვისოთ და, აქვე კიდევ ერთ სასიამოვნო სიახლეს გაგიზიარებთ - ვგეგმავთ ჩვენი მაღაზიის გაფართოებასა და ფართო, სავაჭრო ობიექტის აშენებას ბათუმში, სადაც გავაერთიანებთ არსებულ და შევმატებთ არაერთ ახალ ბრენდს.

საბოლოო ჯამში, მინდა მჯეროდეს, რომ სწორ გადაწყვეტილებებთან ერთად სწორედ ჩვენი ბრენდისადმი ნდობაა 25 წლიანი წარმატების მიზეზი“, - აცხადებს „ბრავიტონის“ ბიზნესის განვითარების მენეჯერი.

„ბრავიტონის“ მაღალი წარმადობის ტექნოლოგიური საწარმო აღჭურვილია ავტომატური და კომპიუტერული მართვის დანადგარებით, რაც საშუალებას აძლევს როგორც პროდუქტი აწარმოოს მაღალი სიზუსტით, ისე დათქმულ დროში ჩააბაროს შეკვეთა.