„საქართველოს წამყვანი ბიოტექნოლოგიური კომპანია “ბიოტეკსი”, რომელიც ვეტერინარულ პრეპარატებსა და აგრარულ ინოვაციებს ქმნის, თავისი უნიკალური ტექნოლოგიებით VIV MEA 2025-ზე წარსდგება, რომელიც 25–27 ნოემბერს იმართება არაბთა გაერთიანებულ საამიროებში და წარმოადგენს შუა აღმოსავლეთის ერთ-ერთ უმსხვილეს ღონისძიებას ცხოველთა ჯანმრთელობისა და საკვების წარმოების მიმართულებით , - ამის შესახებ, Business Insider Georgia - ს „ბიოტეკსის“ ფინანსურმა მენეჯერმა ანა ჭყონიძემ განუცხადა.

საქართველოსთვის, ეს გამოფენაზე მონაწილეობაზე მეტია და აღსანიშნავი მოვლენაა. "ბიოტეკსის" მონაწილეობა VIV MEA 2025-ზე ხაზს უსვამს ქვეყნის მზარდ როლს საერთაშორისო ინოვაციის სფეროში და საშუალებას აძლევს კომპანიას, ბიზნეს ლიდერების, ინვესტორებისა და აგრარული სფეროს წარმომადგენლების საერთაშორისო აუდიტორიას გააცნოს თავისი უნიკალური მიღწევები ნუტრიგენომიკისა და ნანოტექნოლოგიის მიმართულებით.

გამოფენა აერთიანებს 50-ზე მეტი ქვეყნის 400-ზე მეტ მონაწილეს და შუა აღმოსავლეთის, აფრიკისა და აზიის წამყვან პლატფორმად ითვლება სოფლის მეურნეობისა და ცხოველთა პროდუქტების წარმოების მიმართულებით. "ბიოტეკსი" სიამაყით წარადგენს საქართველოს ბიოტექნოლოგიურ პოტენციალს ამ ღონისძიებაზე და შეხვდება ახალ ბიზნეს პარტნიორებს, დისტრიბუტორებსა და პოტენციურ ინვესტორებს.

1991 წელს დაარსებული "ბიოტეკსი" დღეს რეგიონის ერთ-ერთი წამყვანი მწარმოებელია ვეტერინარული ფარმაციისა და მცენარეთა ბიოტექნოლოგიის მიმართულებით. კომპანიის მიზანია შექმნას ეფექტური, უსაფრთხო და ხელმისაწვდომი ბიო გადაწყვეტილებები, რომლებიც ხელს უწყობს ცხოველთა ჯანმრთელობას, მცენარეთა მოსავლიანობასა და ეკოლოგიურ მდგრადობას.
ბიოტეკსის ინოვაციური მიდგომა ეფუძნება ორ ძირითად სამეცნიერო მიმართულებას:

● ნუტრიგენომიკა - სწავლობს საკვებისა და გენების ურთიერთქმედებას ცხოველთა ჯანმრთელობისა და პროდუქტიულობის გასაუმჯობესებლად;

●ნანოტექნოლოგია - უზრუნველყოფს საკვები ნივთიერებებისა და აქტიური კომპონენტების უჯრედულ დონეზე ათვისებას მაქსიმალური ეფექტურობით.

ამ ორი მიმართულების შერწყმით - მცენარეული ღეროვანი უჯრედების გამოყენებით და თანამედროვე ბიოტექნოლოგიების ინტეგრაციით, "ბიოტეკსი" ქმნის პროდუქტებს, რომლებსაც ანალოგი არ გააჩნიათ მსოფლიოში.

აბუ დაბიში "ბიოტეკსი" იმ წარმოების ხაზებს და პროდუქტებს წარადგენს, რომლებიც საუკეთესოდ წარმოაჩენენ კომპანიის ინოვაციურ ხედვასა და ათწლეულების განმავლობაში დაგროვებულ გამოცდილებას. მათ შორისაა:

● რუმიფოსი (RUMIFOS) - ინოვაციური საკვები დანამატი, რომელიც აძლიერებს იმუნიტეტს, ზრდასა და პროდუქტიულობას პირუტყვსა და ფრინველში;
● ოლიგოფოსი (OLIGOFOS) - პრობიოტიკი, რომელიც აღადგენს და აძლიერებს ნაწლავის მიკროფლორას და აუმჯობესებს საკვების ათვისებას;
● დასტონიკი (DASTONIC) - ბიოტონიკი, რომელიც იცავს ცხოველებს სტრესისგან, აძლიერებს იმუნიტეტს და ზრდის პროდუქტიულობას;
● ბიოაქტივი (BIOACTIVE) - ორგანული ბიოსტიმულატორი, რომელიც მცენარეთა ღეროვანი უჯრედების ტექნოლოგიით იცავს მცენარეს და ზრდის მოსავლიანობას.
● ახალი კანი (NEW SKIN) - ბიოლოგიური ანტისეპტიკური სპრეი, რომელიც აჩქარებს ჭრილობებისა და კანის დაზიანებების შეხორცებას;
● მანგუსტი (MANGUST) - ბუნებრივი, ეკოლოგიურად უსაფრთხო რეპელენტი, რომელიც ხანგრძლივად და ეფექტურად იცავს გველებისგან;

თითოეული ეს პროდუქტი მდგრადი, მეცნიერებით გამყარებული სოფლის მეურნეობისადმი "ბიოტეკსის" ერთგულების მტკიცებულებაა - რათა ფერმერებმა შეძლონ პროდუქტიულობის გაზრდა, მავნე ქიმიური დანამატებისა და ანტიბიოტიკების გვერდითა ეფექტების გარეშე.

VIV MEA 2025 “ბიოტეკსისთვის” გამოფენაში მონაწილეობაზე მეტია, როგორც სტრატეგიული ნაბიჯი ახალი ბაზრების დასაპყრობად. კომპანია უკვე წარმატებით ოპერირებს ისეთ ქვეყნებში, როგორებიცაა, აზერბაიჯანი, სომხეთი და თურქმენეთი, ხოლო აბუ დაბის ღონისძიება ახალ შესაძლებლობებს უხსნის ახლო აღმოსავლეთსა და აფრიკაში.

მისი მიზანია გააძლიეროს საერთაშორისო თანამშრომლობა, მოიზიდოს დისტრიბუტორები და პოტენციური ინვესტორები და საქართველოს ინოვაციური ბიოპროდუქტები გლობალურ ბაზრებზე გაიტანოს.

"ბიოტეკსი" მზადაა, საქართველოს სამეცნიერო მიღწევები მსოფლიოს გაუზიაროს“, - აცხადებს კომპანიის გუნდი. „ჩვენ გვჯერა, რომ ინოვაციას მხოლოდ მაშინ აქვს აზრი, როცა პრაქტიკული, მდგრადი და ყველასთვის ხელმისაწვდომია“.

საერთაშორისო პარტნიორებთან დაკავშირებით, "ბიოტეკსი" მიზნად ისახავს თავისი სადისტრიბუციო ქსელის გაძლიერებას, ცხოველთა ჯანმრთელობის ინოვაციაში თანამშრომლობის ხელშეწყობას და საქართველოს პოზიციონირებას, როგორც ბიოტექნოლოგიის კერა რეგიონში.

30 წელზე მეტი გამოცდილებით, “ბიოტეკსი” აგრძელებს იმის დამტკიცებას, რომ ინოვაცია ყველგან შეიძლება აყვავდეს - თუნდაც პატარა ქვეყანაში, დიდი ამბიციებით. VIV MEA 2025-ის სცენაზე გამოსვლით, "ბიოტეკსი" ქართულ დროშას აფრიალებს გლობალურ დიალოგში მდგრადი სოფლის მეურნეობის, ცხოველთა კეთილდღეობისა და სურსათის უვნებლობის შესახებ.

გამოფენის სტუმრებს ბიოტეკსი მე-7 დარბაზში, C091 სტენდზე, დახვდებათ სხვა ქართულ კომპანიებთან ერთად., სადაც შესაძლებლობა ექნებათ გაეცნონ მის წამყვან ბიოტექნოლოგიურ გადაწყვეტილებებს და განიხილონ პოტენციური თანამშრომლობები.

VIV MEA 2025-ზე “ბიოტეკსი” სიამაყით წარადგენს საქართველოს და კიდევ ერთხელ დაადასტურებს, რომ „Made in Georgia“ ნიშნავს ხარისხს, მეცნიერებასა და ინოვაციას “, - აცხადებს კომპანიის ფინანსური მენეჯერი.

ცნობისთვის, "ბიოტეკსი" ქართული ბიოტექნოლოგიური კომპანიაა, რომელიც აწარმოებს ვეტერინარულ პრეპარატებს, საკვებდანამატებს, სადეზინფექციო საშუალებებს, მავნებლების კონტროლის პროდუქტებს და მცენარეთა მოვლის საშუალებებს. BrTRC კვლევითი ცენტრის მხარდაჭერით, "ბიოტეკსს" თავისი პროდუქცია ექსპორტზეც გააქვს არაერთ ქვეყანაში და აგრძელებს გაფართოებას გლობალურად.