ბიო პროდუქტებზე ინტერესი და მოთხოვნა წინა წლებთან შედარებით გაზრდილია - „ნოვაგი“
ბიო პროდუქტებზე ინტერესი და მოთხოვნა წინა წლებთან შედარებით გაზრდილია, რაც, ალბათ, დაკავშირებულია იმასთან, რომ მოსახლეობაში ბიო პროდუქტების შესახებ ცნობადობა გაზრდილია, - ამის შესახებ Business Insider Georgia-სთან ბიო მეურნეობა ნოვაგი • Novagy-ს დამფუძნებელმა და დირექტორმა გიორგი ჯოლოგუამ განაცხადა. მისი თქმით, მას შემდეგ, რაც „ნოვაგის“ ბიო პროდუქცია ქსელებში შევიდა, მოთხოვნამ ბევრად გადააჭარბა მიწოდებას.
„ნოვაგი“ ქსელებისთვის პროდუქციის მიწოდების განახლებას თვის ბოლოდან გეგმავს, მას შემდეგ, რაც მეურნეობას ახალი მოსავალი ექნება.
„ამ ეტაპზე წარმოებაში პატარა პაუზა გვაქვს აღებული, მაგრამ უკვე თვის ბოლოსთვის განვაახლებთ მიწოდებას.
ზოგადად, წარმოდგენილები ვართ „გუდვილის“ სამ ფილიალში, „ევროპროდუქტის“ თითქმის ყველა ფილიალში, სადაც ხილ–ბოსტნეულის სექცია აქვთ. ასევე წარმოდგენილი ვართ „ნიკორას“ XL ფილიალებში. ასევე ვართ ცალკეულ მაღაზიებში „ფერმარტი“ და „აგრომენი“. ჩვენს ნაკვეთში მცენარეების კაპიტალური სხვლა გვქონდა და ახალი მოსავალი მალე გვექნება.
ამ ეტაპზე გვექნება ჩერი პომიდორის მიქსი, კოქტეილის პომიდორი - ვარდისფერი, კიტრი - მინი და ჩვეულებრივი სახეობა, ასევე გვექნება წიწაკების მრავალფეროვანი სახეობა.
მას შემდეგ, რაც პროდუქცია ქსელებში გავიტანეთ, გაყიდვები მზარდია. გარკვეული პრობლემები გვქონდა მუშახელთან დაკავშირებით და ეს პაუზაც თავის დროზე მუშახელის ნაკლებობამ განაპირობა,“ - აცხადებს ჯოლოგუა.
აღსანიშნავია, რომ „ნოვაგის“ ბიო პროდუქტები მაღაზიებში აქტიურად ივნისიდან გამოჩნდა.
„ნოვაგის“ მეურნეობა მცხეთის მუნიციპალიტეტში, სოფელ წილკანში 2 ჰა ფართობზეა გაშლილი, სადაც 5 500 კვ/მ-ზე სათბურია მოთავსებული.
როგორც „ნოვაგის“ ვებგვერდზე განთავსებულ ინფორმაციაშია აღნიშნული, მსოფლიოსა და განსაკუთრებით საქართველოში სასურსათო ბაზარი გაჯერებულია ქიმიურად დაბინძურებული და დაბალი კვებითი ღირებულების მქონე ხილითა და ბოსტნეულით.
„მსოფლიოსა და განსაკუთრებით საქართველოში, სასურსათო ბაზარი გაჯერებულია ქიმიურად დაბინძურებული და დაბალი კვებითი ღირებულების მქონე ხილითა და ბოსტნეულით. წლების განმავლობაში ეს პრობლემა უფრო და უფრო მწვავედ იჩენს თავს, ფიტავს ადამიანის ორგანიზმს, იწვევს ვიტამინების დეფიციტსა და საბოლოო ჯამში უჯრედულ დონეზე ორგანიზმის ფარულ შიმშილს. ზემოთ აღნიშნული, თავის მხრივ , იწვევს სხვადასხვა დაავადებას წლების განმავლობაში და აჩქარებს ორგანიზმის დაბერებას.
ამ პრობლემის ერთადერთი მოგვარების გზა კომპანია ნოვაგს, წლების განმავლობაში ესახებოდა ბიოლოგიურად სუფთა, ჯანსაღი და მაღალი კვებითი ღირებულების მქონე ხილისა და ბოსტნეულის მიწოდება ბაზრისათვის. ორგანიზაცია დაარსდა 2020 წელს და დაიწყო მცირე ფართობზე ბიოლოგოურად სუფთა, ორგანული მარწვის მოყვანა და მიწოდება ქართული ბაზრისათვის. პროდუქტზე მაღალი მოთხოვნიდან გამომდინარე , ბოლო 2 წლის განმავლობაში შპს ნოვაგმა გაზარდა წარმოება და ამ ეტაპზე მეურნეობა განთავსებულია 2 ჰექტარ მიწის ნაკვეთზე. ამ ტერიტორიაზე კომპანიას მოჰყავს სხვადასხვა სახეობის ბოსტნეული და კენკრა.
„ნოვაგის“ ორგანული პროდუქტები იზრდება ეკოლოგიურად სუფთა გარემოში. ბიო მეურნეობა არ გულისხმობს მხოლოდ უარის თქმას შხამქიმიკატებზე, ეს ნიშნავს ნიადაგის და გარემოს სიჯანსაღეს, ეკოსისტემის ხელშეწყობას, უნარჩენო წარმოებას, ციკლის მთლიანობას და ზრუნვას მომავალზე.
კომპანია წარმოების პროცესში არ იყენებს არანაირ შხამ-ქიმიკატს. მავნებელ დაავადებებთან ბრძოლისათვის იყენებს მხოლოდ სასარგებლო მწერებს, მავნებლის ბუნებრივ მტაცებელს/მტერს, ასვე სასარგებლო ბაქტერიებსა და სოკოებს, ანუ ცოცხალ ორგანიზმებს. მცენარის საკვებად კი მხოლოდ ორგანული წარმოშობის სასუქებს.
კომპანია ზრუნავს საუკეთესო ბიო პროდუქტის მიწოდებაზე, რადგან სჯერა რომ ის, რაც მომხმარებლის მაგიდაზე ხვდება, პირდაპირ აისახება მის ყოველდღიურობასა და ცხოვრების ხარისხზე“, - აღნიშნულია „ნოვაგის“ საიტზე განთავსებულ ინფორმაციაში.
დღის ტოპ 10 სიახლე
სხვა სიახლეები
„ჩელთი“ საექსპორტო არეალს აფართოებს - ახალი კონტრაქტები და გეგმები
19.11.2025.14:00
Chelti Winery / მეღვინეობა ჩელთი საექსპორტო არეალის გაფართოებას განაგრძობს. როგორც Business Insider Georgia-სთან „ჩელთის“ კომერციული დირექტორი, ანა მირიანაშვილი აცხადებს, რამდენიმე დღეში ახალი კონტაქტების გაფორმება იგეგმება ინგლისშიც, რის ხარჯზე ინგლისში „ჩელთის“ გაყიდვები კიდევ უფრო გაიზრდება.
„სულ ახლახან ვიყავით London Fashion Week-ის მხარდამჭერები, სადაც გვქონდა კოლაბორაცია ბევრ ცნობილ ადამიანთან. ჩემთვის ცნობილი ინფორმაციით, აქამდე სხვა ქართული ღვინო არ ყოფილა London Fashion Week-ის ოფიციალური მხარდამჭერი. ახლა ლონდონში ჩავდივარ იმ მიზნით, რომ გავაფორმოთ ახალი ხელშეკრულებები და გავაფართოოთ არეალი. საკმაოდ ბევრი ადამიანი გავიცანით მოდის ინდუსტრიიდანაც და ზოგადად სხვადასხვა ივენთების ორგანიზატორიც. ბოლო პერიოდში ლონდონში თანდათან ვფართოვდებით - უფრო მეტ რესტორანში და ქსელში შევედით,“ - განმარტავს „ჩელთის“ კომერციული დირექტორი.
ანა მირიანაშვილის თქმით, წელს ინგლისში „ჩელთის“ გაყიდვები 25%-იან ზრდას აჩვენებს.
„მოლოდინი გვაქვს, რომ ამ ბაზარზე ბევრად უფრო მაღალ მაჩვენებლებზე გავიდეთ და უფრო მეტი ზრდა გვექნება,“ - აცხადებს მეღვინეობის ერთ-ერთი მენეჯერი.
კომპანიის 2026 წლის ძირითად გეგმებში აშშ-სა და ჩინეთის ბაზრებზე გაფართოება შედის.
„2026 წელსაც აქტიურად ვაპირებთ გამოფენებში მონაწილეობას. ასევე ძალიან ბევრი ღონისძიება გვაქვს, როგორც საქართველოში, ისე საექსპორტო ქვეყნებში. 2026 წელს ამერიკაში გაყიდვების გაფართოებაზე ვმუშაობთ. აშშ და ჩინეთი გვყავს აღებული სტრატეგიულ მიმართულებად. ჩინეთში 2025 წელს გავაკეთეთ საკუთარი საწყობი. თუ აქამდე საწყობი გვქონდა მხოლოდ გერმანიაში, ახლა უკვე გვაქვს ჩინეთშიც,“ - ამბობს ანა მირიანაშვილი.
გერმანიისა და ჩინეთის შემდეგ „ჩელთი“ საწყობების გაკეთებას განიხილავს აზიის ერთ-ერთ ქვეყანაშიც.
„ჩინეთიდან ექსპორტი არ ხდება სხვა აზიურ ქვეყნებში, ამიტომ თუ სადმე აზიაში დაემატება საწყობი, მაგალითად, ჰონგ კონგში - ის გახდება აზიაში რეექსპორტის პუნქტიც. თუმცა ეს ჯერ იდეის დონეზე გვაქვს.
ევროპაში კი პატარ-პატარა საწყობების გაკეთება უკვე დავიწყეთ. თუ არის გარკვეული ადგილები, სადაც გერმანიიდან მიწოდება ფერხდება, ახლა უკვე პატარა პუნქტი გვაქვს. შვეიცარიაში განვაახლეთ მიწოდება, ახალი იმპორტიორი გვყავს და ახალი პარტნიორები გავიჩინეთ,“ - ამბობს „ჩელთის“ კომერციული დირექტორი.
აღსანიშნავია, რომ „ჩელთის“ პროდუქცია უცხოურ ბაზრებზე საკმაოდ მოთხოვნადია.
„ჩვენი ღვინოები მოთხოვნადია როგორც ევროპაში, ისე აზიაში და ასევე ამერიკაში. ამ ფონზე გარკვეულ ბაზრებზე გვსურს გაზრდა,“ - აცხადებს „ჩელთის“ კომერციული დირექტორი.
როგორ იყენებს “განჯინა” საქართველოს ბანკის ბიზნეს მობილბანკს და ინტერნეტბანკს ზრდისთვის
19.11.2025.12:16
„ბიოტეკსი“ ქართულ ინოვაციას აბუ დაბიში, საერთაშორისო გამოფენა VIV MEA 2025-ზე წარადგენს
19.11.2025.10:00
საქართველოს ბანკის „საკუთარ თავთან გზავნილის“ კამპანიას უკვე 28 გამარჯვებული ჰყავს - მიიღეთ შანსი მოიგოთ 1,000 ან 10,000 ლარი
18.11.2025.18:19
ახალ მომხმარებლებთან ერთად, გვიბრუნდებიან 2-3 წლის წინ არსებული მომხმარებლებიც, რომელთა შენარჩუნება ჩვენთვის ძალიან მნიშვნელოვანია - „ფაჩუჩი“
18.11.2025.18:00
საქართველოს ბანკისა და კომაროვის სკოლის ერთობლივი საგანმანათლებლო პროექტის - STEM ოლიმპიადის საინფორმაციო ონლაინ შეხვედრა გაიმართება
18.11.2025.15:00
