businessinsider.ge - ბიზნესი

ბიზნესი

ბელგრადი არის ძალიან მნიშვნელოვანი კვანძი ევროპაში – თეა ზაქარაძე ქართულ ავიაბაზარზე Air Serbia-ს შემოსვლაზე

15.06.2025.15:20

თბილისის საერთაშორისო აეროპორტში კიდევ ერთი ახალი მიმართულება გვაქვს, - აცხადებს თბილისის და ბათუმის საერთაშორისო აეროპორტების ოპერატორი კომპანია TAV Georgia-ს გენერალური მენეჯერი.

თეა ზაქარაძის თქმით, ბელგრადი ევროპაში ძალიან მნიშვნელოვანი კვანძია.

„მოხარულები ვართ გაცნობოთ, რომ კიდევ ერთი ახალი მიმართულება გვაქვს თბილისის საერთაშორისო აეროპორტში. ოპერირება დაიწყო ავიაკომპანია Air Serbia-მ, რომელიც კვირაში სამი სიხშირით შეასრულებს რეისებს ბელგრადის მიმართულებით. კიდევ ერთი კომფორტული მიმართულებაა და კიდევ ერთი დამატებითი კომფორტი ჩვენი მგზავრებისთვის. ბელგრადი არის ძალიან მნიშვნელოვანი კვანძი ევროპაში და ჩვენს მგზავრებს შეეძლებათ ბელგრადიდან ამერიკის, ასევე სხვა ევროპული მიმართულებით გადაადგილდნენ. ძალიან გვახარებს ეს ინფორმაცია.

აქვე მინდა დავამატო, რომ თბილისის საერთაშორისო აეროპორტში გაქვს 14%-იანი მატება წინა წელთან შედარებით. გვემატება ევროპული და არამარტო ევროპული ავიაკომპანიები. ასე, რომ ჩვენთვის, აეროპორტის მმართველი კომპანიისთვის ძალიან მნიშვნელოვანია ახალ მიმართულებებზე მუშაობა და მოლაპარაკებები ახალ ავიაკომპანიებთან, რასაც ვაწარმოებთ“, - განაცხადა თეა ზაქარაძემ.

შეგახსენებთ, რომ დღეიდან საქართველოს ავიაბაზარზე, ახალი ევროპული ავიაკომპანია Air Serbia შემოვიდა. ავიაკომპანია თბილისის მიმართულებით და პირიქით პირდაპირ რეგულარულ რეისებს კვირაში 3 სიხშირით, Airbus 319-ით შეასრულებს.

სერბეთთან პარტნიორული ურთიერთობები გვაქვს და პირდაპირი ავიარეისები ორივე ქვეყნის მოქალაქეებს ხელს შეუწყობს ადვილად იმგზავრონ სერბეთსა და საქართველოში - ალექსანდრე ხვთისიაშვილი 15.06.2025.14:48