ბაზისბანკის მხარდაჭერით წეროვანში გამწვანების აქცია #დავრგესიცოცხლე გაიმართა
მიიღე გამოწვევა #დავრგესიცოცხლე, შემოუერთდი საყოველთაო აქციას და გაამწვანე პლანეტა - სწორედ ამ სლოგანით გრძელდება გამოწვევა, რომელიც ბაზისბანკის მხარდაჭერით და არასამთავრობო ორგანიზაცია სოლომისას ორგანიზებით განხორციელდა.
წეროვანის დასახლების მოსწავლეთა ახალგაზრდული სახლის ინიციატივით, მოსწავლეებმა თავიანთ დასახლებაში დაიწყეს პლანეტის გამწვანება. წეროვანი ნიშანდობლივი ადგილია იმ მხრითაც, რომ დასახლება სულ რამდენიმე წელია გაშენდა და მოსახლეობას მეტი ჟანგბადი და სიმწვანე ესაჭიროება.
ამ წამოწყებით მოსწავლეებმა მაგალითი მისცეს თანატოლებს და გარემოს გამწვანების ინიციატივა გავრცელდება მთელი საქართველოს მასშტაბით, სახელწოდებით - #დავრგესიცოცხლე. ერთი ხის დარგვა თითო სიცოცხლის დაბადებას უტოლდება, რომელიც თავად გვაწვდის სასიცოცხლო ჟანგბადს.
მნიშვნელოვანია, რომ ახალგაზრდებმა ადრეული ასაკიდანვე გაიაზრეს პასუხისმგებლობა და გარემოზე ზრუნვის მნიშვნელობა და მოსწავლეები მოუვლიან თავიანთ დარგულ სახელობით ხეებს.
„როგორც მაღალი სოციალური პასუხისმგებლობის მქონე ბანკი, ჩვენ მუდმივად ჩართული ვართ და მხარს ვუჭერთ მსგავს გარემოსდაცვით აქტივობებს. იდეის დაბადებისთანავე მოსწავლეების წამოწყების გვერდით დავდექით და მომავალშიც მზად ვართ ჩვენი წვლილი შევიტანოთ საზოგადოებისთვის სასარგებლო საქმიანობის განხორციელებასა და ახალ თაობაში გარემოს მიმართ პასუხისმგებლიანი მიდგომების უნარების ჩამოყალიბებაში.“ - თამარ ხადური, ბაზისბანკის სტრატეგიული კომუნიკაციების დეპარტამენტის უფროსი.
დღის ტოპ 10 სიახლე
ვენახების გაშენებაზე თანხმობა ევროკავშირის ღვინის მწარმოებელ ყველა ქვეყანაში გაიცემა - ლევან მეხუზლა
სხვა სიახლეები
საქართველოს ბანკის YouTube პროექტი “ფორმაში” გრძელდება - უყურეთ მეორე ეპიზოდს
05.03.2026.17:11
საქართველოს ბანკის YouTube პროექტი “ფორმაში” გრძელდება და მაყურებელს აძლევს შესაძლებლობას, მათთვის საყვარელი სპორტსმენები და კრეატორები განსხვავებულ ფორმაში გაიცნონ.
მეორე ეპიზოდის სტუმრები არიან ფეხბურთელი საბა ხარებაშვილი და კრეატორი ნიკოლოზ რაბანოვი. მონაწილეები ერთმანეთს 3-3 სახალისო დავალების შესრულებაში შეეჯიბრებიან ერთმანეთს.
ეპიზოდის სანახავად ეწვიეთ საქართველოს ბანკის YouTube არხს @argacherde.
ინფორმაციისთვის, საქართველოს ბანკი YouTube ეკოსისტემისა და ქართველი კრეატორების გაძლიერების ხელშეწყობისთვის, სხვადასხვა პროექტს ახორციელებს და უჭერს მხარს. სწორედ ამ მიზნით, შექმნა საქართველოში პირველი YouTube რეალითი შოუ “Creator”-ი, რომლის ფარგლებშიც, დამწყებ კრეატორებს შესაძლებლობა ჰქონდათ, მიეღოთ რჩევები გამოცდილი და ცნობილი იუთუბერებისგან, გაეზიარებინათ მათი გამოცდილება და პირველი ნაბიჯები გადაედგათ YouTube სივრცეში.
როგორ აქცევს კომპანია „ჩვენთან“ სოფლის ტურიზმს ბავშვებისთვის საგანმანათლებლო თავგადასავლად
05.03.2026.14:00
როგორ აფასებს Georgia’s Natural Organic BioFach 2026-ში მონაწილეობას და რა არის კომპანიის სამომავლო გეგმები
05.03.2026.12:00
