10 აპრილს „თამაშობანაში“ ბავშვებს განსაკუთრებულ სააღდგომო პროგრამაზე ველოდებით , - ამის შესახებ Business Insider Georgia-ს მულტიფუნქციური სივრცე „თამაშობანას“ დამფუძნებელმა, ნაუ სონღულაშვილმა განუცხადა.

„10 აპრილს თამაშობანაში ბავშვებს განსაკუთრებულ სააღდგომო პროგრამაზე ველოდებით, ბავშვები მოხატავენ კვერცხებს, შექმნიან სააღდგომო დეკორაციებს, გააფორმებენ პასკებს და ერთად გავემართებით მზიურის პარკში კვერცხებზე სანადიროდ.

აღდგომის დღესასწაულებზე ვიქნებით Silk Hospitality-ის სასტუმროებში, სადაც ბავშვებისთვის დაგეგმილი იქნება საზეიმო აქტივობები, რათა მაქსიმალურად გავამხიარულოთ ისინი.

გარდა ამისა, წელს, სხვა წლებისგან განსხვავებით, 11 აპრილს გაიმართება ღონისძიება ექსპატებისთვის, რომელიც სრულად ინგლისურ ენაზე იქნება.

ექსპატების იდეას რაც შეეხება, საქართველოში მცხოვრები უცხოელები საკმაოდ ხშირად გვსტუმრობენ და აქტიურად გვიბიძგებენ, რომ წვეულებები ინგლისურადაც ჩავატაროთ. „თამაშობანა“ როგორც ქართული ბრენდი, დიდი მნიშვნელობას ანიჭებს იმ გამოცდილების გაზიარებას, რომელიც ჩვენს კულტურულ ღირებულებებს ავლენს. ვფიქრობთ, რომ ეს ღონისძიება იქნება იდეალური შესაძლებლობა, ბავშვებმა კარგად გაიცნონ ქვეყანა, სადაც ცხოვრობენ, ხოლო ჩვენთვის – ახალი სეგმენტის აღმოჩენის შესაძლებლობა და მათთვის ადაპტირებული სერვისების შეთავაზება. როგორც უკვე აღვნიშნე, ღონისძიება გაიმართება 11 აპრილს, ინგლისურ ენაზე, სპეციალურად ექსპატებზე მორგებული, შესაბამისი კულტურული დეტალების გათვალისწინებით “, - აცხადებს ნაუ სონღულაშვილი.

ცნობისთვის, „თამაშობანას“ მისამართია, ქალაქი თბილისი, ნინო რამიშვილის II ჩიხი, #4.