ბაზისბანკის მხარდაჭერით ახალი საცხოვრებელი პროექტი „ბილდერზ ისანი“ შენდება

ბიზნესი

NEXT საქართველოს ბიზნეს ასოციაციის წევრი გახდა

09.02.2026.11:55

საერთაშორისო დეველოპერული ბრენდი NEXT, რომელიც საქართველოში, არაბეთის გაერთიანებულ საამიროებში, კენიაში და ესპანეთში უნიკალურ ინოვაციურ პროექტებს ახორციელებს, საქართველოს ბიზნეს ასოციაციის წევრი გახდა.

NEXT-ის საინვესტიციო პორტფელი მოიცავს 5-ვარსკვლავიან ბრენდულ რეზიდენციებს, რეზორტებს, აპარტ-სასტუმროებს, ვილებსა და ბიზნეს აპარტამენტებს. პროექტები ხორციელდება ისეთ ბრენდებთან პარტნიორობით, როგორებიცაა: Radisson Hotel Group და Wyndham Hotels and Resorts. ბრენდის მასშტაბი და კომპეტენცია აღიარებულია არაერთი პრესტიჟული საერთაშორისო ჯილდოთი, რაც ხაზს უსვამს მის წვლილს უძრავი ქონების სფეროში.

აღსანიშნავია, რომ ყოველი პროექტი მიზანმიმართულად არის დაგეგმილი გრძელვადიანი საინვესტიციო ღირებულების შესაქმნელად, განსაკუთრებული აქცენტი ტურისტულ და სწრაფად მზარდ ურბანულ ბაზრებზე კეთდება, სადაც პრემიუმ უძრავ ქონებაზე მოთხოვნა სტაბილურად მაღალია.

დღეს NEXT სამ კონტინენტზე, ექვს ქალაქში ოპერირებს და აერთიანებს ინვესტორებს 65 ქვეყნიდან.

NEXT-ის მიზანია, შექმნას მომავლის ქალაქები, სადაც ინოვაციური არქიტექტურა ბუნებრივად ერწყმის ადგილობრივ გარემოსა და საზოგადოებრივ კეთილდღეობას.

„საქართველოს ბიზნეს ასოციაციისთვის განსაკუთრებით მნიშვნელოვანია, რომ ჩვენს წევრთა რიგებს შემოუერთდა საერთაშორისო მასშტაბის დეველოპერული ბრენდი NEXT, რომელიც ინოვაციურ მიდგომებსა და გრძელვადიან საინვესტიციო ღირებულებაზეა ორიენტირებული. დარწმუნებულები ვართ, რომ კომპანიის გლობალური გამოცდილება და მაღალი სტანდარტები დადებით გავლენას მოახდენს სექტორის განვითარებაზე", განაცხადა საქართველოს ბიზნეს ასოციაციის პრეზიდენტმა სოსო ფხაკაძემ.