ბაზისბანკის ყოველწლიური სტიპენდია სულხან-საბა ორბელიანის უნივერსიტეტის სტუდენტებს გადაეცათ

ბიზნესი

გავაფართოვეთ წარმოება და დავამატეთ აქსესუარები განახლებული დიზაინით - Muline

21.11.2025.18:00

Muline აქსესუარების მწარმოებელი ქართული ბრენდია, რომელიც დაახლოებით სამი წლის წინ დაარსდა. კომპანიაში არსებულ სიახლეებსა და სამომავლო გეგმებზე Business Insider Georgia ბრენდის დამფუძნებელს მაკო იმედაშვილს ესაუბრა.

„ჩვენს ბრენდს შეემატა რამოდენიმე ახალი დიზიანის შარფი, რომელიც ისევ და ისევ ქართულ თემატიკას მოვარგეთ და შევუსაბამეთ თანამედროვე ხელოვნებას, რაც ძალიან საინტერესო გამოვიდა თავისი შინაარსითა და თემატიკით “, - აცხადებს ბრენდის დამფუძნებელი.

ბრენდმა გააფართოვა წარმოება და დაამატა აქსესუარები განახლებული დიზაინით.

„გავაფართოვეთ კოსმეტიკის ჩანთების წარმოება და დავამატეთ ახალი დიზაინები. ამ ეტაპზე ვმუშაობთ საახალწლო კოლექციაზე, რომელიც იქნება ძალიან მრავალფეროვანი შარფებიდან და კოსმეტიკის ჩანთებიდან დაწყებული, თმის ბაფთებით, მაგიდის რანერებითა და სუფრებით დასრულებული “, - აღნიშნავს მაკო იმედაშვილი.

Muline სამომავლოდ ერთ-ერთ კომპანიასთან კოლაბორაციას გეგმავს და აღნიშნულზე უკვე აქტიურად მუშაობს.

„ერთ-ერთ ძალიან კარგ კომპანიასთან ვგეგმავთ კოლაბორაციას, რაც საკმაოდ საინტერესო იქნება. ამ ეტაპზე უკვე მუშაობის პროცესში ვართ. გარდა ამისა, ვმუშაობთ ახალ, ძალიან საინტერესო პროდუქტზეც, რომელიც თავდაპირველად სატესტო ვერსიად დამზადდება და შედეგების გათვალისწინებით ჩაეშვება წარმოებაში “, - ამბობს ბრენდის დამფუძნებელი.

ცნობისთვის, პროდუქციის შეძენა შესაძლებელია ონლაინ, როგორც სოციალური ქსელების გამოყენებით, ასევე veli.store -ის მეშვეობით.