„ორცხობილა“ არის კომპანია, რომელიც აწარმოებს ჯინჯერის ორცხობილებს. პროდუქცია იწარმოება მაღალი ხარისხის პროდუქტებით. მეტი ინფორმაციისთვის, Business Insider Georgia კომპანიის დამფუძნებელს ნინა კაპანაძეს ესაუბრა.

როგორია კომპანიის საქმიანობის სპეციფიკა, როდის დაიწყეთ საქმიანობა და რას სთავაზობთ მომხმარებლებს?

საქმიანობა 2018 წლიდან, ხელით მოხატული ორცხობილების წარმოებით დავიწყეთ. ამჟამად, ვაწარმოებთ ჯინჯერის ორცხობილებს, რომელიც მზადდება მხოლოდ ნატურალური პროდუქტებით და იხატება მაღალი ხარისხის აისინგით.

ერთი წელია რაც დაპრინტული ორცხობილების წარმოებაზე გადავედით. ეს საშუალებას გვაძლევს მომხმარებლებს, განსაკუთრებით კომპანიებს, ბრენდირებული, დაპრინტული ორცხობილები შევთავაზოთ. დაპრინტვა ხდება ნებისმიერი სასურველი დიზაინით. ფორმა, პრინტის დეტალები, ფერები და შეფუთვა თითოეულ მომხმარებელთან ინდივიდუალურად თანხმდება.

როგორია მიმდინარე ასორტიმენტი?

მიმდინარე ასორტიმენტში შედის, როგორც საბავშვო დღესასწაულებზე, ასევე ნებისმიერ სხვა ღონისძიებაზე მორგებული ორცხობილები, იქნება ეს ქორწილი, დაბადების დღე, ნათლობა თუ კორპორატიული საღამო.

რას მიიჩნევთ კომპანიის კონკურენტულ უპირატესობად?

ჩვენი მთავარი უპირატესობა პროდუქტის ხარისხი, გემოვნური თვისებები, დიზაინის მრავალფეროვნება და უამრავი კმაყოფილი მომხმარებელია.

როგორია კომპანიის სამომავლო გეგმები?

სამომავლოდ, რა თქმა უნდა, იგეგმება წარმოების გაზრდა, რათა უფრო ფართო აუდიტორიამ გაიცნოს "ორცხობილა". მთავარი მიზანი კი სხვადასხვა კომპანიისთვის დიდი რაოდენობით ორცხობილების წარმოებაა.