ბავშვთა საერთაშორისო ტურნირი “თენ-პრო საქართველო და კოკა-კოლას თასი”, ლეილა მესხის ჩოგბურთის კორტებზე, 2025 წლის  23 აგვისტოდან - 31 აგვისტოს ჩათვლით გაიმართება. შეჯიბრება ,,საქართველოს ჩოგბურთის ფედერაცის”, კომპანია “კოკა-კოლა  ბოთლერს ჯორჯიასა”  და  თბილისის მერიის მხარდაჭერით ტარდება. 

“კოკა-კოკა ბოთლერს ჯორჯია” საერთაშორისო ტურნირის მთავარი მხარდამჭერია, რითაც ჯანსაღი ცხოვრების ხელშეწყობის გრძელვადიან ტრადიციას აგრძელებს. კომპანია ხელს უწყობს ახალგაზრდების  სპორტულ განვითარებას და აქტიური, ჯანსაღი ცხოვრების წესის პოპულარიზაციას. “კოკა-კოლა” ათწლეულებია, როგორც გლობალურად ისე ქვეყნის მასშტაბით, მხარს  უჭერს საერთაშორისო ტურნირებსა და სპორტულ ღონისძიებებს. ეს არის კომპანიის ურყევი დამოკიდებულება და პასუხისმგებლობა - ახალი თაობის წარმატებისა და ჯანსაღი საზოგადოების მშენებლობისადმი. ტურნირზე “კოკა-კოლასთან” ერთად წარდგენილია, ნატურალური, მინერალური წყალი  “მთის”.

საერთაშორისო ტურნირის გახსნის ცერემონიალი ლეილა მესხის ჩოგბურთის კორტებზე 23 აგვისტოს გაიმართება. 24 აგვისტოდან კი თამაშები დაიწყება.  ერთი კვირის განმავლობაში შეჯიბრება ერთეულთა თანრიგში, 10-დან 16 წლამდე ბავშვებში, როგორც ვაჟებში ასევე გოგონებში გაიმართება. თამაშები წრიული სისტემით წარიმართება. თითოეული მონაწილე მინიმუმ 4 თამაშზე იასპარეზებს.  ტურნირის ფარგლებში შესაძლებელი იქნება  2 ასაკობრივ  კატეგორიაში თამაში. ამ შემთხვევაში ჩოგბურთელი 8 მატჩს ითამაშებს.

საერთაშორისო შეჯიბრებაში 17 ქვეყნის 300-მდე სპორტსმენი მონაწილეობს. საჩოგბურთო ტურნირის მონაწილე ქვეყნები არიან:  საქართველო, უკრაინა, აშშ,  ესპანეთი, გერმანია, ნიდერლანდები, აზერბაიჯანი, თურქეთი, ეგვიპტე, ქუვეითი, ისრაელი, რუსეთი, თურქმენეთი, ყაზახეთი, ინდოეთი, პაკისტანი და კვიპროსი.

ფინალური მატჩების შემდეგ,  საერთაშორისო ტურნირი 31 აგვისტოს დაჯილდოების ცერემონიალით დაიხურება. პროექტის მიზანია: ჩოგბურთის განვითარების ხელშეწყობა, ჯანსაღი ცხოვრების წესის პოპულარიზაცია, ახალგაზრდა ჩოგბურთელების ოსტატობისა  ამაღლება და  სპორტული ტურიზმის განვითარება.

ბავშვთა საერთაშორისო ტურნირი “თენ-პრო საქართველო და კოკა-კოლას თასი”, 2025 წლის საჩოგბურთო ტურნირების მესამე და დასკვნითი ეტაპია. იქამდე ლეილა მესხის ჩოგბურთის კორტებმა საერთაშორისო შეჯიბრებას ივნისსა და ივლისში უმასპინძლა.  მასში 15 ქვეყნიდან, 270 - მა ჩოგბურთელმა მიიღო  მონაწილეობა.