დადებითად შეგვიძლია შევაფასოთ Inn Hospitality-ში შემავალი სასტუმროებისთვის - Bakuriani Inn და Akhaltsikhe Inn - 2025 წლის სეზონი, - ამის შესახებ Business Insider Georgia-სთან Inn Hospitality-ს კომერციულმა დირექტორმა ნინა გაჩეჩილაძემ განაცხადა. მისივე თქმით, Bakuriani Inn ზაფხულის განმავლობაში ერთ-ერთ ყველაზე მოთხოვნად მიმართულებად იქცა, სადაც სტუმრებს მშვიდი და მეგობრული გარემო ელოდათ.

ნინა გაჩეჩილაძის განმარტებითვე, ზამთრის ტურისტული სეზონის მოახლოებასთან ერთად სასტუმრო განსაკუთრებულ მზადებაშია და სტუმრებს ზამთრის სეზონზე დახვდებათ განახლებული რესტორანი, ახალი საკონფერენციო დარბაზი, ყინულის მოედანი და განახლებული შიდა გასართობი სივრცეები.

„როგორც წესი, ჩვენს ერთგულ მომხმარებლებს ამ სეზონზეც რეგულარულად ეძლევათ სპეციალური შეთავაზებები, სპა-პაკეტები და სხვა თემატური აქტივობები. გარდა ამისა, გასულ ზაფხულს სასტუმროს შეთავაზებებს დაემატა ტურები ტაბაწყურის მიმართულებით. მნიშვნელოვანი იყო ასევე სასტუმროს მონაწილეობა ადგილობრივ მარკეტინგულ კამპანიებში, რაც კურორტის პოპულარიზაციას უწყობს ხელს.

სასტუმრო Bakuriani Inn-ის გუნდი უკვე იწყებს მზადებას ზამთრის სეზონისთვის - დაგეგმილია მრავალი გასართობი, სპორტული და კულტურული ღონისძიება, რომლებიც ბაკურიანის ზამთარს კიდევ უფრო საინტერესოს გახდის.

სასტუმრო დამატებით გეგმავს ინფრასტრუქტურის გაუმჯობესებას და სერვისის ხარისხის უფრო მაღალ სტანდარტზე აყვანას. სტუმრებს ზამთრის სეზონზე დახვდებათ განახლებული რესტორანი, ახალი საკონფერენციო დარბაზი, ყინულის მოედანი და განახლებული შიდა გასართობი სივრცეები.

რაც შეეხება Akhaltsikhe Inn-ს, იგი აგრძელებს პოპულარობის შენარჩუნებას როგორც უცხოელ, ისე ადგილობრივ ტურისტებს შორის. სასტუმრო განსაკუთრებული ყურადღებით ეპყრობა რეგიონის კულტურულ მემკვიდრეობას და ხშირად ხდება ადგილობრივი ღონისძიებების პარტნიორი.

ოქტომბრის თვეში სასტუმრომ უმასპინძლა „თუთის ფესტივალს“, სადაც ადგილობრივმა მეწარმეებმა წარმოადგინეს მესხური ტრადიციული ნაწარმი. ღონისძიებამ მნიშვნელოვნად შეუწყო ხელი ადგილობრივი კულტურის პოპულარიზაციასა და ტურიზმის განვითარებას.

მომავალი სეზონისთვის Akhaltsikhe Inn სტუმრებს სთავაზობს გამოცდილებას, რომელიც აერთიანებს დასვენებას, კულტურასა და ავთენტურ კულინარიას. სტუმრებს ექნებათ შესაძლებლობა დაათვალიერონ ისტორიული ღირსშესანიშნაობები, გაიცნონ ადგილობრივი ტრადიციები, დააგემოვნონ მესხური სამზარეულო და დატკბნენ ბუნების სიმშვიდით,“ - აცხადებს ნინა გაჩეჩილაძე.

Inn Hospitality-ს კომერციული დირექტორის თქმით, ამ ეტაპზე ორივე სასტუმრო აგრძელებს სტუმართმასპინძლობის სფეროში სტანდარტების ამაღლებას და რეგიონული ტურიზმის განვითარებაში მნიშვნელოვანი წვლილის შეტანას.

„ჩვენი მიზანია, მომავალი სეზონები გახდეს კიდევ უფრო დინამიკური, ინოვაციური და სტუმრებისთვის დაუვიწყარი,“ - აღნიშნა ნინა გაჩეჩილაძემ.