ტრადიციული, ავთენტური და თანამედროვე გასტრონომია, დახვეწილი გარემო, მაღალი დონის საერთაშორისო და ადგილობრივი მუსიკალური გამოცდილება, პრივატულობა და დეტალები, რომლებიც ერთად ქმნის სრულყოფილ სივრცეს –  ეს "რესტორანი ასკანელი და ფალესტრა ლაუნჯ ბარია", ახალი ტურისტული და გასტრონომიული სივრცე ქალაქის გულში.

"რესტორან ასკანელს და ფალესტრა ლაუნჯ ბარს", შეიძლება თავისუფლად ვუწოდოთ თანამედროვე კულტურის ცენტრიც, რომელიც ქმნის ახალ, ინოვაციურ გამოცდილებას და წარმოადგენს უნივერსალურ კონცეფციას, რომელშიც თავის შინაარსით სრულიად განსხვავებული რამდენიმე სივრცე ბუნებრივად ერთიანდება.

"რესტორანი ასკანელი და ფალესტრა ლაუნჯ ბარი" არის ადგილი საქმიანი ადამიანებისთვის და მაღალი დონის გასტრონომიის მოყვარულთათვის, ასევე დასვენების და გართობის სტილის ცხოვრების მიმდევრებისთვის. ეს არის სპეციალურად შექმნილი სივრცე, სადაც გემოს, რითმებს და ატმოსფეროს შეუძლია სასიამოვნო მოგონებების შექმნა, გასტრონომიული გამოცდილების გაზიარება და კომფორტული გარემოს შეთავაზება საქმიანი თუ პირადი შეხვედრებისთვის.  

"რესტორანი ასკანელი და ფალესტრა ლაუნჯ ბარი“ „აქსის თაუერსის“ რესტორნების სივრცეში სიახლეა, რომელიც მოიცავს: ქართულ რესტორანს, ღონისძიებების სივრცეებს, ვერანდებს, ღვინის ბარს, ვიპ და ბიზნეს ზონებს.

ღონისძიებების სივრცე, „ვიპ ზონა“ შეხვედრებისთვის თუ „ლაუნჯ ბარი“ ჩვენს სივრცეს თქვენზე მორგებულ, განსაკუთრებულ ადგილად აქცევს. აქ შეგიძლიათ გამართოთ საქმიანი შეხვედრები, იმსჯელოთ პრივატულ თემებზე, მოუსმინოთ უცხოელი თუ ადგილობრივი შემსრულებლების მაღალი დონის მუსიკას და უბრალოდ, მეგობრებთან ან ოჯახთან ერთად გაატაროთ დრო განსაკუთრებულ ან თუნდაც, ჩვეულებრივ საღამოს.

ღვინის კუთხე და სარესტორნო სივრცე, ავთენტური, ქართული რეცეპტებით შექმნილი კერძებითა და უნიკალური ვაზის ჯიშებისგან მიღებული ღვინით, თქვენთვის დაუვიწყარ გასტრონომიულ გამოცდილებად იქცევა. ჩვენთან მომზადებული კლასიკური ქართული და განახლებული კერძები სასიამოვნო კულინარიულ მოგზაურობას გპირდებათ. ღვინის კუთხეში ჩვენი ხელით აღდგენილი, უძველესი ქართული ვაზის ჯიშებისგან მიღებული 60-ზე მეტი სახეობის ღვინო გვაქვს, მათ შორის ტრადიციული მეთოდით დამზადებული უგემრიელესი ქართული ცქრიალა ღვინოები, მრავალფეროვანი და ასაკოვანი ბრენდები, ჭაჭა და ქართული ხილის ნატურალური დისტილატები -  არჩევანი თქვენზეა, რომელს დააგემოვნებთ. ქართული ვაზის უნიკალური ჯიშების აღორძინებასა და შენარჩუნებაზე ისევე, როგორც სარესტორნო – გასტრონომიული კულტურის განვითარებაზე კომპანია “ასკანელის” მფლობელი, გოჩა ჩხაიძე დიდი ხანია სისტემტურად მუშაობს. სწორედ „ასკანელის“ გამოცდილებით არის ნაკარნახევი „რესტორან ასკანელისა და ფალესტრა ბარის“ კონცეფციის შემუშავება.

„ასკანელი“ — ეს არის თანამედროვე სტანდარტებით აღჭურვილი მძლავრი კომპანია, რომელიც ფლობს 453 ჰექტარ ვენახს და აწარმოებს უმაღლესი ხარისხის როგორც წყნარ და ცქრიალა ღვინოს, ისე მრავალფეროვან ბრენდის ასორტიმენტს. კომპანიის პროდუქცია წარმოდგენილია მსოფლიოს 30-ზე მეტ ქვეყანაში და აღიარებულია მრავალრიცხოვანი საერთაშორისო ჯილდოებით. 

„ასკანელის“ მფლობელობაშია რამდენიმე ღვინისა და ბრენდის ქარხანა საქართველოს სხვადასხვა რეგიონში. 2025 წელს ბაკურციხეში დასრულდა ახალი საბრენდე ბღვინის და ბრენდის ქარხნის მშენებლობა, თუმცა 2027 წლისთვის აქ იგეგმება უპრეცედენტო ტურისტული სანახაობის – ინტერაქციული ღვინის და ბრენდის მუზეუმის გახსნა, რომლის პროექტზეც მუშაობს ცნობილი ფრანგი არქიტექტორი.

ამგვარად, რესტორანი "ასკანელი და ფალესტრა ლაუნჯ ბარი" არ არის მხოლოდ ახალი მისამართი თბილისის გასტრონომიულ რუკაზე — ეს არის მთელი კომპანიის ფილოსოფიის გაგრძელება: ინოვაცია, ტრადიცია, ხარისხი და კულტურული ღირებულებების მხარდაჭერა ერთიან სივრცეში. 500-ზე მეტი სტუმრისთვის განკუთვნილი ადგილი, რომელიც ხშირად უმასპინძლებს საერთაშორისო და ადგილობრივ ვარსკვლავებს, ფესტივალებს და ღონისძიებებს — ეს არის ახალი სიტყვა ქალაქის ცენტრში.