ლიდერმა დეველოპერულმა კომპანია არქიმ წარმატებით დანერგა საერთაშორისოდ აღიარებული სტანდარტი ISO 9001:2015 – ხარისხის მენეჯმენტის სისტემა, რომელიც მიზნად ისახავს ორგანიზაციის შიდა პროცესების გაუმჯობესებას, ეფექტიანობის ზრდას და მომხმარებლისთვის მაღალი ხარისხის პროდუქტისა თუ მომსახურების სტაბილურად უზრუნველყოფას. 

ISO 9001:2015 არის საერთაშორისო სტანდარტი, რომელსაც დეველოპერული კომპანია "არქი" გამოიყენებს შექმნას მართვის სტრუქტურირებული ჩარჩო, რომელიც ეფუძნება როგორც პროცესებზე, ისე რისკებზე დაფუძნებულ მიდგომას. მისი ძირითადი ამოცანებია:

• მომხმარებლის კმაყოფილების დონის ამაღლება;

• პროცესებზე და რისკებზე დაფუძნებული მართვის მოდელის დანერგვა;

• საოპერაციო ეფექტიანობისა და მუდმივი განვითარების წახალისება;

• თანამშრომელთა აქტიური ჩართულობა და ლიდერშიფის როლის გაძლიერება;

• მონაცემებზე დაფუძნებული გადაწყვეტილებების მიღება.

ISO-ს დანერგვის პროცესში, სერტიფიცირების ეტაპზე, არქი თანამშრომლობდა წამყვან საერთაშორისო სერტიფიცირების ორგანოსთან – TÜV NORD-თან. მათ მიერ  ჩატარებული აუდიტი არქიმ წარმატებით გაიარა. აღსანიშნავია, რომ TÜV NORD-ს აკრედიტაცია მინიჭებული აქვს გერმანიის ეროვნული აკრედიტაციის ორგანოს – DAkkS-ის მიერ. პროცესში, ასევე ჩართული იყო კომპანია „შპს მენეჯმენტის სისტემები“, რომელმაც უზრუნველყო კონსულტაციები და სტანდარტის მოთხოვნებთან შესაბამისობა.

რატომ არის მნიშვნელოვანი ISO 9001?

დღეს ISO 9001 ყველაზე ფართოდ გამოყენებადი ხარისხის მენეჯმენტის სტანდარტია მსოფლიოში და 190-მდე ქვეყანაში გაცემულია ერთ მილიონზე მეტი სერტიფიკატი. ის ეკუთვნის ISO 9000-ის ჯგუფს, რომელიც მოიცავს ხარისხის მენეჯმენტის შვიდ პრინციპს, მათ შორის მომხმარებელზე ფოკუსსა და უწყვეტ გაუმჯობესებას. აღსანიშნავია, რომ ISO 9001 ამ ჯგუფის ერთადერთი სტანდარტია, რომელსაც სერტიფიცირება აქვს. სწორედ ამ და სხვა საერთაშორისოდ აღიარებული სტანდარტების მიხედვით ხორციელდება როგორც „არქის" პროექტები, ისე შიდა სტრუქტურული პროცესები, რაც კომპანიას საშუალებას აძლევს მომხმარებელს შეუქმნას ხარისხზე ორიენტირებული, გამართული და სანდო გარემო.

არქისთვის ისეთი სტანდარტის დანერგვა, როგორიც ISO 9001:2015-ია, წარმოადგენს მნიშვნელოვან ეტაპს მაღალი ხარისხის, სტაბილური განვითარებისა და პროცესების გამჭვირვალობის მიმართულებით. ეს განსაკუთრებით მნიშვნელოვანია ისეთი მიმართულებით, როგორიცაა მშენებარე ბინები,  სადაც თითოეული დეტალი გავლენას ახდენს საბოლოო შედეგზე.

სტანდარტის დანერგვით, არქი კიდევ უფრო აძლიერებს თავის პოზიციონირებას როგორც ხარისხზე, განვითარებასა და სტაბილურობაზე ორიენტირებული ბრენდი.