არქი თანამედროვე არქიტექტურის ახალი სტანდარტს ნერგავს - 19 ივლისს კომპანიასა და Wei Yap Architecture-ს შორის ოფიციალურად გაფორმდა მემორანდუმი. ეს იმას ნიშნავს, რომ ლიდერი დეველოპერული კომპანია მსოფლიოში აღიარებულ არქიტექტორთან - Wei Yap Ooi-სთან გრძელვადიან თანამშრომლობას იწყებს. საერთო მიზანი ასეთია - არქის ყველა პრემიუმ პროექტი შესრულდება ცნობილი არქიტექტორის ხედვით, რომელიც საერთაშორისო გამოცდილებასა და ქართულ იდენტობას უნიკალურად გააერთიანებს.

ვეი იაპ ოი ავსტრალიაში რეგისტრირებული არქიტექტორია და მისი პორტფოლიო აერთიანებს უმსხვილეს პროექტებს მსოფლიოს მასშტაბით, მათ შორის - T2 Changi Airport Hotel – სინგაპურში; Scientia Terrace-Monte Sant’ Angelo Mercy College - სიდნეიში, ავსტრალიაში; Kun Ming Mixed-Use Commercial Development - კუნმინგში, ჩინეთში, 272 Normanby Road Residential Development - სამხრეთ მელბურნში, ავსტრალიაში და სხვა.

არქის კოლაბორაცია ასეთი მაღალი დონის არქიტექტორთან ჩაფიქრებული მხოლოდ ერთ პროექტზე იყო. უშუალოდ მუშაობის პროცესში კი, რომელიც ორივე მხარისთვის ორგანული და საინტერესო აღმოჩნდა, გაჩნდა იდეა, რომ ეს თანამშრომლობა გრძელვადიანი და უფრო მასშტაბური ყოფილიყო.

„ჩვენ ერთად ვცდილობთ წარმოვიდგინოთ როგორი შეიძლება იყოს ეს ქალაქი - ინოვაციური, ადამიანზე ორიენტირებული და მდგრადი. გვსურს სრულად გამოვავლინოთ ჩვენი საერთო პოტენციალი ქალაქის უკეთესი მომავლის შესაქმნელად. ჩემთვის, საქართველოს ბუნება, ურბანული სივრცეები და არქიტექტურული ტრადიციები შთაგონების წყაროა.” - აღნიშნავს ვეი იაპ ოი.

არქისთან სასიამოვნო თანამშრომლობა და საქართველოში მიღებული შთაგონება გახდა მიზეზი, რომ ვეი ოჯახთან ერთად საქართველოში გადმოსულიყო საცხოვრებლად და საკუთარი არქიტექტურული სტუდიაც სწორედ თბილისში გადმოეტანა. მასშტაბური პროექტებზე მუშაობის მიღმა, ვეი აპი ავსტრალიის არქიტექტორთა ინსტიტუტის საერთაშორისო დეპარტამენტის თავმჯდომარეა. ასევე, ფლობს უნიკალურ აკადემიურ გამოცდილებასაც, რომელიც მსოფლიოს წამყვან უნივერსიტეტებში მიიღო და მის გაზიარებს არქიში, ქართველ პროფესიონალებთან გეგმავს.

„ვეისთან თანამშრომლობა ჩვენთვის შთამაგონებელია, რადგან არქიტექტურა აგვყავს მსოფლიო დონის ხარისხზე. ეს თანამშრომლობა კიდევ ერთხელ უსვამს ხაზს ჩვენს მთავარ მისწრაფებას, შევქმნათ უმაღლესი ხარისხის პროექტები, რომელიც როგორც დიზაინით, ასევე მშენებლობის ხარისხით უალტერნატივოა. სწორედ ვეი იაპის ხედვით დაპროექტდა არქის ახალი მულტიფუნქციური პრემიუმ კომპლექსები ქინგ თამარი და არქი ჰორაიზონი. ასევე, ერთ-ერთი ყველაზე მასშტაბური პროექტი მთელი რეგიონის მასშტაბით, რომლის შესახებაც საზოგადოება სულ მალე შეიტყობს” - ილია წულაია, არქის დამფუძნებელი.

არქის პრიორიტეტი უმაღლესი ხარისხის სამშენებლო პროექტების განხორციელება და მაცხოვრებლების კომფორტული ცხოვრების შეთავაზებაა. თითქმის 20 წელია, რაც არქი საქართველოში ხარისხით, ფორმითა და ხედვით მომავალზე ორიენტირებულ, საერთაშორისოდ აღიარებულ არქიტექტურულ სტანდარტებს ამკვიდრებს. სწორედ ამ ხედვაზე დაყრდნობით, არქის ერთ-ერთი ყველაზე გამორჩეული პროექტი ვეი იაპის ხედვის მიხედვით განხორციელდება, სადაც იდეალურად გაერთიანდება ქართული ისტორია, კულტურა და ხასიათი არქიტექტურის თანამედროვე პრინციპებთან. სწორედ ეს თანამშრომლობა იქცა არქისა და Wei Yap architecture-ის გრძელვადიანი ურთიერთობის დასაწყისად.