არდადეგებიდან სკოლამდე მოემზადე ახალი სასწავლო წლისთვის თიბისისთან ერთად

ბიზნესი

Le Méridien Batumi ახალი ტრადიციის საწყისში - კლასიკა, კულტურა და ქველმოქმედება ერთ სივრცეში

27.08.2025.10:00

28 აგვისტოს, ბათუმში, ზღვისპირა შთაგონებით სავსე სივრცეში, სასტუმრო Le Méridien Batumi, ბათუმის მერიასთან პარტნიორობით, უმასპინძლებს გამორჩეულ კულტურულ საღამოს. კლასიკური მუსიკის მაგიურ ატმოსფეროს შექმნიან გამოჩენილი ქართველი შემსრულებლები — სანდრო გეგეჭკორი და ლიზა რამიშვილი.

ეს საღამო მხოლოდ ხელოვნების ზეიმი არ არის — ის გულისხმობს თანადგომას და ჰუმანურ ღირებულებებს. მიღებული შემოსავალი გადაეცემა საქველმოქმედო კამპანიას „ანათე სითბოს“, რომელიც საქართველოს წითელი ჯვრის საზოგადოების მეშვეობით მხარს უჭერს მარტოხელა, ხანდაზმულ ადამიანებს.

ღონისძიება ეძღვნება მათ, ვისაც ყოველდღიურობაში მეტი ზრუნვა და მხარდაჭერა სჭირდება.

Le Méridien Batumi, როგორც Marriott-ის ბრენდის წევრი და მდგრადი განვითარების აქტიური მხარდამჭერი, კიდევ ერთხელ ამტკიცებს, რომ ხელოვნება, გარემოზე ზრუნვა და სოციალური პასუხისმგებლობა შეიძლება იყოს ჰარმონიულად შერწყმული.

ღონისძიებას მხარს უჭერენ: ტოიოტა ბათუმი, ლუტეცია, პსპ, მარდი ჰოლდინგი, ისი პარი, გაგრა პლუსი და ჯეო ქარი — კომპანიები, რომლებსაც სჯერათ პოზიტიური ცვლილების ძალის.

ეს არ არის მხოლოდ ერთჯერადი ღონისძიება - Le Méridien Batumi იწყებს კულტურული საღამოების სერიას, რომელიც მომავალშიც გააგრძელებს კლასიკურ ხელოვნებასა და ქველმოქმედებას შორის ხიდის გაბმას.

ეს ინიციატივა აერთიანებს ბათუმელებსა და ქალაქის სტუმრებს, ვინც მზად არიან იყვნენ კულტურული ცხოვრებისა და ქველმოქმედების ნაწილი.

მჯერა, რომ მსგავს ფესტივალში მონაწილეობა მნიშვნელოვანი ნაბიჯია წარმატებისთვის და მიზნების მისაღწევად - „დოლაბი“ 26.08.2025.19:00

შეკვეთილში მდებარე HOTEL Sea-Line-მა „გემო ფესტზე“ გურული სამზარეულოს ორიგინალური ვარიაციები წარადგინა 26.08.2025.18:00