არაბთა გაერთიანებული საამიროები წარმოადგენენ ძლიერ ეკონომიკურ მოთამაშეს და ჩვენი მჭიდრო ურთიერთობები მათთან მნიშვნელოვანია ინვესტიციების თვალსაზრისით, - ამის შესახებ რადიო „სივრცის“ ეთერში გადაცემა Business Insider Georgia-ში სტუმრობისას "თბილისი დრაი პორტის" სამეთვალყურეო საბჭოს თავმჯდომარემ ჯემალ ინაიშვილმა განაცხადა, რომელმაც საქართველოსი არაბთა გაერთიანებული საამიროების პრეზიდენტის, შეიხ მოჰამედ ბინ ზაიედ ალ ნაჰაიანის ოფიციალური ვიზიტი შეაფასა. 

„მინდა აღვნიშნო, რომ როგორც პოლიტიკური კუთხით ასევე ეკონომიკური კუთხით იყო ძალიან მნიშვნელოვანი ვიზიტი. ვინაიდან, არაბთა გაერთიანებული საამიროები წარმოადგენენ ძალიან მნიშვნელოვან, როგორც პოლიტიკურ, ასევე ეკონომიკურ მოთამაშეს არამარტო რეგიონში, არამედ მსოფლიოს მასშტაბით. და ჩვენი კარგი და მჭიდრო ურთიერთობები მათთან მნიშვნელოვანია, მათ შორის, ინვესტიციების თვალსაზრისით და ამ ვიზიტს არამარტო პოლიტიკური, არამედ ეკონომიკური მნიშვნელობაც ჰქონდა, როგორც აღვნიშნე და გავიმეორებ კიდევ ერთხელ. შესაბამისად, იყო ასეთი ძლიერი ქვეყნის სანდო პარტნიორი ძალიან მნიშვნელოვანია ჩვენთვისაც და ჩვენი ქვეყნისთვის“, - აღნიშნა ჯემალ ინაიშვილმა. 

შეგახსენებთ, რომ რამდენიმე დღის უკან საქართველოში ვიზიტად მყოფ არაბთა გაერთიანებული საამიროების პრეზიდენტს საქართველოს პრემიერ-მინისტრი შეხვდა. მათ შეხვედრაზე ყურადღება გამახვილდა საქართველოსა და არაბთა გაერთიანებულ საამიროებს შორის პოლიტიკური და ეკონომიკური თანამშრომლობის განვითარების პოზიტიურ დინამიკაზე. მთავრობის მეთაურმა ხაზი გაუსვა შეიხ მოჰამედ ბინ ზაიედ ალ ნაჰაიანის ვიზიტის განსაკუთრებულ მნიშვნელობას და აღნიშნა, რომ ის ორი ქვეყნის პარტნიორობის შემდგომ გაღრმავებას შეუწყობს ხელს.